Morgunblaðið - 06.06.2020, Blaðsíða 20

VIÐTAL
Þorstein Ásgrímsson
thorsteinn@mbl.is
Fyrir átján árum flutti Jóhannes
Þorsteinsson ásamt eiginkonu sinni,
Ágústu Vigfúsdóttur, líftækniverk-
fræðingi, til Bandaríkjanna þar sem
hann hóf meistaranám í rafmagns-
verkfræði. Síðar lauk hann MBA-
námi og hélt út í fjármálageirann, en
fyrst um sinn starfaði hann við
greiningar hjá Deutsche bank í New
York. Þar vann hann sig upp og varð
að ráðgjafa á fyrirtækjasviði bank-
ans. Kom hann meðal annars að ráð-
gjöf fyrir fjarskiptafyrirtæki sem
var meðalstórt á þeim tíma. Með
hverjum samrunanum og kaupunum
síðan hefur það fyrirtæki stækkað
ört og alltaf var Jóhannes fenginn til
ráðgjafar. Í kjölfar síðasta samrun-
ans var honum boðin toppstaða hjá
fyrirtækinu.
Fyrirtækið sem um ræðir er T-
Mobile og fyrr á þessu ári gekk
stærsti samruninn í gegn, en þar
keypti T-Mobile annað fjarskipta-
fyrirtæki, Sprint Nextel, og úr varð
þriðja stærsta fjarskiptafyrirtæki
Bandaríkjanna. Í kjölfarið á því var
Jóhannesi boðið að taka við fjárstýr-
ingu hins sameinaða fyrirtækis og
hóf hann þar störf á mánudaginn.
Mbl.is ræddi við Jóhannes í vik-
unni og fór yfir feril hans og hvernig
það kom til að hann endaði á þessum
stað á miklum umbrotatímum hjá
fyrirtækinu, sérstaklega í ljósi þess
að lítið hefur farið fyrir Jóhannesi í
íslenskum fjölmiðlum.
Jóhannes fæddist árið 1978. Eftir
menntaskóla og BS í rafmagnsverk-
fræði hér á landi hélt hann til
Bandaríkjanna. Áður hafði hann
starfað fyrir netþróun Íslandsbanka
stuttu eftir aldamót. Samhliða námi
við University of Maryland bauðst
honum starf hjá Deutsche bank við
fjárfestingabankastarfsemi þess í
New York og byrjaði þar svo í fullu
starfi eftir útskrift.
Jafnaðist á við herskóla
Fjármálageirinn er að sögn Jó-
hannesar allt annar og harðari úti en
hér heima. Þannig segir hann sam-
keppnina gríðarlega og í hans tilfelli
að starfa hjá Deutsche bank þá séu
alltaf um 10 aðrir bankar með jafn
hæft starfsfólk og jafn vel búið að
reyna að finna tækifæri. Þannig sé
hraðinn gríðarlegur og aldrei dauð
mínúta. Viðurkennir hann að vinnu-
tíminn sé mjög langur, starfið kalli á
gríðarlegan aga og fyrstu árin hafi í
raun jafnast á við þjálfunarskóla fyr-
ir hermenn. „Það hefur verið mjög
algengt að borða allar þrjár máltíðir
dagsins í vinnunni,“ segir hann.
Jóhannes varð fljótt viðloðandi
fjarskiptageirann og tæknifyrirtæki
í ráðgjöf sinni hjá Deutsche bank.
Þannig kom hann fljótlega að mál-
efnum T-Mobile og hefur komið að
flestallri ráðgjöf Deutche bank til
fyrirtækisins síðan þá. Frá 2013,
þegar T-Mobile var skráð á markað,
var Jóhannes svo orðinn eins konar
verkefnastjóri gagnvart fyrir-
tækinu. „T-Mobile varð minn
kúnni,“ segir hann.
Á þessum tíma var fyrirtækið ekki
enn orðið eitt af stóru aðilunum á
fjarskiptamarkaðinum úti, og var
með um 6-7% markaðshlutdeild á
farsímamarkaði í Bandaríkjunum.
Það hefur hins vegar breyst hratt
síðustu ár og með kaupunum á
Sprint verður félagið með um 30%
markaðshlutdeild að sögn Jóhann-
esar.
Líkir hann innkomu T-Mobile á
bandaríska markaðinn að einhverju
leyti við komu Nova á íslenska
markaðinn. Fyrir hafi verið stór
fyrirtæki, en T-Mobile hafi verið
minna og getað gert breytingar á
skemmri tíma og brugðist þannig við
síbreytilegum fjarskiptaheimi. Þá
hafi fyrirtækið verið duglegt að
„pönkast“ í keppinautunum á sama
tíma og markmiðið hafi verið að
bjóða viðskiptavinunum upp á mesta
hraðann. Þannig nefnir Jóhannes að
sameinað félag sé í mjög góðri stöðu
varðandi eign á svokölluðum tíðni-
sviðum, sem eru grunnur fyrir að
geta veitt þráðlausa fjarskiptaþjón-
ustu.
Félagið er að stórum hluta í eigu
Deutsche Telekom, en japanska
stórfyrirtækið Softbank er einnig
stór hluthafi. Áður hafði Softbank
keypt 85% hlut í Sprint og varð stór
eigandi í T-Mobile við sameininguna
á þessu ári. Hafði Jóhannes einnig
komið að ráðgjöf fyrir Softbank og
þekkti því vel til allra hliða fyrir-
tækjanna. Til að setja stærð þeirra í
samhengi þá eru hjá T-Mobile um 53
þúsund starfsmenn og hjá Sprint 28
þúsund. Samanlagðar tekjur þeirra
eru um 80 milljarðar dala, en það er
um 3,5-föld landsframleiðsla Ís-
lands.
Boðin stjórnunarstaða
Með þessum stóra samruna opn-
uðust ný tækifæri fyrir Jóhannes, en
eftir að kaupin á Sprint gengu form-
lega í gegn 1. apríl á þessu ári hafi
stjórnendateyminu verið skipt út.
Hafi stjórnendur fyrirtækisins svo
komið að máli við hann og beðið
hann að taka við fjárstýringunni, en
þar með heyrir hann beint undir
fjármálastjóra félagsins.
Hann segir að verkefnin verði ein-
hver þau sömu milli starfanna
tveggja, en við bætist að nú sé hann
kominn beint inn í rekstur þess
fyrirtækis sem hann vinni fyrir.
Fram undan séu einnig spennandi
tímar og miklar áskoranir við að
keyra tvö fyrirtæki saman, en
áformað er að fyrirtækin verði sam-
einuð að nafninu til, undir merkjum
T-Mobile, 1. ágúst.
„Við erum að fara að umturna
fyrirtækinu á næstu mánuðum,“
segir hann. „Markmiðið er að ná
miklum samlegðaráhrifum, um sex
milljörðum dala á ári. Þetta eru
rosalega háar tölur en við munum ná
því,“ segir Jóhannes bjartsýnn á
komandi verkefni. Þá ætli þeir sér
mikla hluti með fimmtu kynslóð far-
síma. „Á næstu 3-5 árum ætlum við
að gjörbylta markaðinum og áhersla
verður á hvað fimmta kynslóðin get-
ur gert.“ Vísar hann til góðrar stöðu
fyrirtækisins með eign á tíðnirófum
og segir að þar með geti fyrirtækið
boðið þessa þjónustu á lægra verði.
Þreföld lands-
framleiðsla Íslands
Fjárstýringin sem Jóhannes mun
stýra er ekki mjög fjölmenn deild,
um 30-40 starfsmenn. Hins vegar
stýrir hún gríðarlega háum fjár-
hæðum sem erfitt er að setja í sam-
hengi við íslenskt viðskiptalíf. Deild-
in sér um alla fjármögnun fyrir-
tækisins, tryggingarstarfsemi,
markaðsviðskipti og fjárstýringu og
þá segir hann að taka eigi öll upplýs-
ingakerfi fyrirtækjanna í gegn frá
grunni og þar muni væntanlega
verkfræðigrunnur hans koma að
góðum notum.
Jóhannes segir að skulda-
fjármögnun fyrirtækisins sé um 70
milljarðar dala og til viðbótar við það
komi vafningar og afleiðusamningar
ýmiss konar. Áætlar hann að árlega
verði 4-5 milljarðar dala endur-
fjármagnaðir. Öllu þessu ber deildin
ábyrgð á. 70 milljarðar dala jafn-
gilda um 9.650 milljörðum íslenskra
króna. Til samanburðar er lands-
framleiðsla Íslands um 2.965 millj-
arðar og markaðsvirði skráðra
hlutabréfa á aðallista Kauphallar-
innar um 1.180 milljarðar.
Skrítinn vinnutími
En það er ekki bara nýtt starf sem
tekur við hjá Jóhannesi og Ágústu.
Samhliða breytingunni munu þau
flytja frá New York, þar sem þau
hafa búið síðustu 18 ár og börn
þeirra þrjú fæddust öll. Stefnan er
tekin á Seattle í ágúst, en fram að
því er fjölskyldan stödd hér á landi
og reyndar í sóttkví sem stendur.
Segir Jóhannes að vinnudagurinn sé
því frekar skrítinn sem stendur, en
hann vinnur á vesturstrandartíma
og er því um sjö klukkustunda tíma-
mismunur. „Maður vinnur því fram
að miðnætti alla daga,“ segir Jó-
hannes hlæjandi, en yfir þessa mán-
uði hér á landi getur hann allavega
gert ráð fyrir að vinna í björtu þótt
vinnutíminn nái fram á nótt.
Með 70 milljarða dala í stýringu
 Jóhannes Þorsteinsson tekur við fjárstýringu hjá þriðja stærsta fjarskiptafélagi Bandaríkjanna
Skuldafjármögnun
* 70milljarðar USD eru u.þ.b. 9.650milljarðar ISK.Verg landsframleiðsla Íslands 2019
var 2.965milljarðar ISK.
** Markaðsverð allra skráðra hlutafélaga á aðallista Kauphallarinnar er um 1.180milljarðar ISK.
Þreföld verg landsframleiðsla Íslands 2019 *
Áttfalt markaðsvirði allra skráðra hlutafélaga
á aðallista Kauphallarinnar **
milljarðar
USD
Morgunblaðið/Eggert
Fjárstýring „Á næstu 3-5 árum ætlum við að gjörbylta markaðnum,“ segir Jóhannes Þorsteinsson, sem hefur tekið
við fjárstýringu hjá T-Mobile, þriðja stærsta fjarskiptafyrirtæki í Bandaríkjunum, og horfir til 5. kynslóðar farsíma.
Lengri útgáfu af viðtalinu
má lesa á mbl.is.
mbl.is
20 FRÉTTIRInnlent
MORGUNBLAÐIÐ LAUGARDAGUR 6. JÚNÍ 2020
Komdu í BÍLÓ!
VWPASSAT VARIANT GTE PANORAMA
nýskr. 07/2018, ekinn 22 Þ.km, bensín & rafmagn,
sjálfskiptur, glerþak, sportsæti, stafræntmælaborð,
dráttarkrókur, þakbogar o.fl.Verð 5.150.000 kr.
Raðnúmer 250066
VW PASSAT GTE PREMIUM
nýskr. 02/2018, ekinn 20 Þ.km, bensín &
rafmagn, sjálfskiptur, leður, glerþak,
stafræntmælaborð, dráttarkrókur o.fl.
Verð 4.950.000 kr. Raðnúmer 259884
VW PASSAT GTE PREMIUM
nýskr. 05/2018, ekinn aðeins 9 Þ.km, bensín &
rafmagn, sjálfskiptur, leður, glerþak, stafrænt
mælaborð, dráttarkrókur, 18“ álfelgur o.fl.Verð
5.390.000 kr. Raðnúmer 380708
M.BENZ CLA 200 AMG
nýskr. 12/2018, ekinn 19 Þ.km, bensín, sjálfskiptur.
AMG styling. Geggjað flottur! Verð 5.990.000 kr.
Raðnúmer 250923
M.BENZ GLE 500E 4MATIC
nýskr. 11/2016, ekinn 53 Þ.km, bensín/
rafmagn, sjálfskiptur. Hlaðinn aukabúnaði!
Tveir felgugangar. Verð 7.690.000 kr.
Raðnúmer 380793
Funahöfði 1 | 110 Reykjavík | Sími 567 4840 | www.bilo.is | bilo@bilo.is – ALLTAF VIÐ SÍMANN 771 8900 –