Morgunblaðið - 06.06.2020, Blaðsíða 52

52 MENNING
MORGUNBLAÐIÐ LAUGARDAGUR 6. JÚNÍ 2020
PON er umboðsaðili
PON Pétur O. Nikulásson ehf.
Melabraut 21, 220 Hafnarfjörður
Sími 580 0110 | pon.is
Við bjóðum alla Jungheinrich eigendur velkomna!
GÆÐI OG ÞJÓNUSTA
Rafstilling ehf
Dugguvogi 23, 104 Reykjavík, sími 581 4991, rafstilling@rafstilling.is
Opið mán.-fim. 8-12 og 13-18, fös. 8-14
Hröð og góð þjónusta um allt land
Áratug
a
reynsla
Startar bíllinn ekki?
Við hjá Rafstillingu leysum málið
Vitni er yfirskrift sýningar með ljós-
myndaverkum eftir Christopher
Lund sem opnuð verður í Ljós-
myndasafni Reykjavíkur á 6. hæð
Grófarhússins kl. 13 í dag. Sýningin
er á Listahátíð í Reykjavík.
Í tilkynningu segir að sýningin sé
opnuð á merkilegum tíma þegar við-
fangsefni hennar er tímabundið
horfið. Gesturinn sem var kominn til
að sjá fossa falla, jökla skríða og
brim sverfa er horfinn. Nú er nátt-
úra Íslands aftur orðin ein.
Hver var þessi gestur, var honum
boðið hingað? Hvern var hann að
heimsækja? Hverju leitaði hann að?
Hvað dró hann hingað um óravegu?
„Gestir okkar koma til þess að
upplifa og tengja við náttúruna og
sjálfa sig um leið – því maðurinn er
órjúfanlegur hluti náttúrunnar,“ er
haft eftir Christopher sem segir
jafnframt: „Með því að beina athygl-
inni að ferðamanninum – vitninu –
langaði mig að stíga skrefið í áttina
að honum og rjúfa þann ósýnilega
múr sem virðist vera á milli okkar.
Ég varð því líka vitni.“
Þegar Christopher er spurður að
því hvort myndirnar hafi með veiru-
faraldrinum byrjað að lýsa horfnum
heimi, þá segir hann að tímabundið
sé það að minnsta kosti raunin.
„Þegar ég byrjaði á þessu verkefni
sá ég ekki fyrir að þegar sýningin
yrði opnuð væri þetta ekki lengur
veruleikinn. Það gerir sýninguna
óneitanlega forvitnilega, myndirnar
tala inn í þessa tíma,“ segir hann.
Myndirnar eru teknar í íslenskri
náttúru en fókusinn er á fólkinu,
gestunum sem hafa komið til lands-
ins að upplifa hana. „Vonandi fara
nú sem flestir Íslendingar út á land
og enduruppgötva þann fjársjóð sem
náttúran er, og skilja þá betur af
hverju allt þetta fólk hefur verið að
koma hingað,“ segir hann.
Morgunblaðið/Eggert
Ljósmyndarinn „Fókusinn er á fólkinu,“ segir Christopher Lund um myndirnar á sýningu hans á Listahátíð.
Tala inn í þessa tíma
 Ljósmyndirnar á sýningu Christophers Lund, Vitni, í
Ljósmyndasafni Reykjavíkur fjalla um gesti í náttúrunni
Sérstæða er heiti innsetningar sem
var sérstaklega hönnuð fyrir
Listahátíð 2020. Rýmið verður af-
hjúpað sem hluti af afmælishátíð
hátíðarinnar í dag, laugardag,
klukkan 14 og er þar hugsað sem
einskonar landfræðileg miðja há-
tíðarinnar í höfuðstöðvum Listahá-
tíðar 2020, Iðnó.
Í skýringu á innsetningunni segir
að miðja svarthols nefnist sérstæða.
Í þessum punkti sé ástandið svo
undarlegt að tími og rúm hættir að
vera til í þeirri mynd sem við þekkj-
um. Orðið er fengið úr stærðfræði
og táknar meðal annars atburð í
tímarúmi sem afstæðiskenningin
nær ekki að lýsa; punkt þar sem fall
stefnir á hið óendanlega, en
óendanleikinn er einmitt viðfangs-
efni innsetningarinnar.
Fjórir hönnuðir standa að inn-
setningunni. Baldur Snorrason er
arkitekt og hefur rekið hönnunar-
stofuna Bark Studio síðan hann út-
skrifaðist með meistarapróf frá
Listaháskólanum í Kaupmannahöfn
2016. Michael Godden vinnur bæði
innan arkitektúrs og myndlistar.
Hann útskrifaðist sem arkitekt frá
Glasgow School of Art árið 2012 og
hefur síðan unnið að verkefnum í
Zürich, París og Reykjavík. Kat-
erina Blahutova er tékkneskur
hönnuður sem býr á Íslandi og
vinnur þvert á miðla. Hún útskrif-
aðist sem arkitekt frá CTU-
háskólanum í Prag og lærði marg-
miðlun og sviðslistafræði í Fen-
eyjum. Kristian Ross er danskur
tónlistarmaður og tónskáld sem býr
í Reykjavík. Hann lærði hljóð-
hönnun, tónlistarfræði og tón-
smíðar í dönskum háskólum.
Sérstaða Heiti innsetningarinnar er sótt í miðjur svarthola.
Innsetning fyrir
Listahátíð í Iðnó
 Fjórir hönnuðir koma að verkinu
Safnasafnið í Eyjafirði fagnar 25 ára
afmæli í ár með opnun sumarsýninga
safnsins í dag, laugardag, klukkan 14
til 17. Safnið verður síðan opið alla
daga til 13. september.
Safnasafnið var stofnað árið 1995
af þeim Níelsi Hafstein og Magnhildi
Sigurðardóttur. Í tilefni afmælisins
er á sýningum safnsins þetta árið
sýnt fjölbreytt úrval úr safneigninni
og, eins og segir í tilkynningu, „skap-
að létt og leikandi flæði milli sala og
hæða. Gróður leikur stórt hlutverk í
sýningunum en einnig letur, um-
hverfismál, huldufólk, barnslegt hug-
arfar, kjarnar, innsæi og fagurfræði.
Kynnt eru verk eftir um 150 þekkta
sem óþekkta höfunda til að flagga
fjölbreytileika safneignarinnar“.
Listaverk frá Sólheimum
Ýmis tímamót og afmæli tengjast
sýningunum. Sýnd eru verk lista-
fólks sem vinnur að list sinni á Sól-
heimum í Grímsnesi og eru í eigu
safnsins en Sólheimar fagna 90 ára
afmæli í ár.
200 ár eru síðan Sölvi Helgason,
sem kallaði sig Sólon Íslandus, fædd-
ist í Skagafirði og til að minnast
þeirra tímamóta setur Safnasafnið
upp sýningu á verkum hins einstaka
listamanns.
Magnhildur Sigurðardóttir sýnir
kyrtil sem hún saumaði samkvæmt
hugmyndum Sigurðar Guðmunds-
sonar málara (1833-1874), hug-
myndum sem hann setti fram árið
1870 til að stuðla að endurnýjun ís-
lenska kvenbúningsins. Þá sýna
börnin á leikskólanum Álfaborg verk
í Blómastofu.
Manneskjur og hugarflug
Tvær stórar samsýningar verða
opnaðar, önnur heitir Í mannsmynd
og samanstendur af 50 verkum sem
öll tengjast manneskjunni í einhverri
birtingarmynd. Hin ber heitið Gróð-
ur jarðar og hugarflugs og hefur sýn-
ingarstjórinn Níels Hafstein skapað
sannkallaðan töfragarð úr verkum
fjölda höfunda.
Í bókastofu safnasafnsins má sjá
myndir úr handritum og brúðusafnið
með sínum 400 brúðum er á sínum
stað.
Hreinn Friðfinnsson vinnur í verki
með einkennilegan atburð sem gerð-
ist í safninu og Magnús Logi Krist-
insson sýnir ljósmyndir af gjörn-
ingum.
Guðrún Bergsdóttir sýnir einstök
útsaumsverk sín og þar á meðal er
fyrsta myndin sem hún saumaði út
án forskriftar og jafnframt sú nýj-
asta.
Gunnhildur Hauksdóttir samdi
hljóðverk að beiðni safnsins eftir
uppdráttum að myndvefnaði eftir Jó-
hönnu Jóhannsdóttur, Helena Ósk
Jónsdóttir sýnir teikningar af hest-
um og hestastyttum í anddyri og loks
vekur Níels Hafstein í verkum sínum
athygli á vatnsskorti og óþægilegum
staðreyndum um vistkerfi sjávar.
Verk eftir 150 höfunda
 Fjölbreytilegar sumarsýningar í Safnasafninu  25 ára
afmæli safnsins fagnað  Splunkuný verk og önnur eldri
Sérstakt Eitt hinna einstöku útsaumsverka Guðrúnar Bergsdóttur
á sýningunni á gömlum sem nýjum verkum hennar í Safnasafninu.
Ádeila Ævintýraleg teikning eftir
Sölva Helgason sem sýnd er.