Morgunblaðið - 13.06.2020, Blaðsíða 2

2 FRÉTTIRInnlent
MORGUNBLAÐIÐ LAUGARDAGUR 13. JÚNÍ 2020
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
„Þetta er búið að vera mjög
skemmtilegt verkefni og viðtök-
urnar hafa hvarvetna verið mjög
góðar. Gaman að fá að ferðast um
og sjá uppbygginguna í þessum
bæjarfélögum og hvað ferðaþjón-
ustan hefur upp á bjóða,“ sagði Sig-
urður Þorri Gunnarsson, dagskrár-
og tónlistarstjóri K100, við
Morgunblaðið í gær, betur þekktur
sem Siggi Gunnars.
Hann var þá staddur á kaffihús-
inu Gilbakka á Hellissandi ásamt
Loga Bergmanni, skömmu áður en
þeir fóru í loftið með síðdegisþátt
sinn. K100 var á ferðinni í Snæ-
fellsbæ í gær, líkt og undanfarna
föstudaga með hringferðina Við
elskum Ísland. Fyrr um morguninn
var sérútbúið útsendingahjólhýsi
K100 statt í Ólafsvík, dregið af sér-
merktum Toyota LandCruiser, þar
sem Ásgeir Páll og Kristín Sif voru
með morgunþáttinn Ísland vaknar,
með Jón Axel í eyrunum frá hljóð-
verinu í Hádegismóum.
Ferðin um landið hófst í Borgar-
byggð, síðan var Reykjanesið heim-
sótt, þá Hveragerði og Snæfellsbær
í gær.
„Við höfum tekið fólk í spjall á
þessum stöðum og fengið að kynn-
ast því sem er að gerast. Núna er-
um við í Snæfellsbæ og næsta föstu-
dag verðum við í Vestmannaeyjum.
Eftir hálfan mánuð verðum við í
miðbæ Reykjavíkur til að kynna
okkur það sem borgin hefur upp á
að bjóða. Viljum kynna fyrir fólki
hvernig er að vera túristi í Reykja-
vík. Síðan liggur leiðin á Höfn í
Hornafjörð og ljúkum við þar
ferðalagi okkar í bili, eftir að hafa
heimsótt sjö staði,“ sagði Siggi.
Meðal þess sem var til umfjöll-
unar í þætti þeirra Loga Berg-
manns í gær var menningar-
miðstöðin á Rifi og matar-
menningin á svæðinu og greint var
frá upptökum á stórri sjónvarps-
þáttaröð sem fram fara núna á
Snæfellsnesi.
Útvarpsmenn K100 staddir í Snæfellsbæ í gær í hringferðinni Við elskum Ísland
Viðtökurnar verið
góðar um allt land
Morgunblaðið/Alfons Finnsson
Snæfellsbær Logi Bergmann og Siggi Gunnars klárir fyrir síðdegisþáttinn í gær frá Hellissandi. Fyrr um daginn
höfðu Ásgeir Páll og Kristín Sif verið í morgunþættinum frá Ólafsvík, en Jón Axel var í Hádegismóum.
Helgi Bjarnason
helgi@mbl.is
Bókanir í ferðir Norrænu til Íslands
hafa verið að taka við sér eftir heldur
daprar vikur og mánuði vegna kór-
ónuveirufaraldursins. Von er á 150
farþegum í næstu ferð og í byrjun
júlí, þegar sumaráætlun ferjunnar
tekur gildi, eru bókaðir 550 farþegar.
Linda Gunnlaugsdóttir, fram-
kvæmdastjóri Smyril line á Íslandi,
kveðst ánægð með að ferðaþjónustan
sé að taka við sér og vonast til að hún
haldi áfram að glæðast.
Afbókað vegna skimunargjalds
Að undanförnu hafa aðeins verið
20 til 50 manns í ferð enda gestir
landsins settir í sóttkví. Þegar skipið
kemur næst, á þriðjudaginn í næstu
viku verður búið að opna landið meira
en gestir frá öðrum löndum en Fær-
eyjum og Grænlandi þurfa þó að fara
í skimun fyrir kórónuveirunni. Von er
á 150 farþegum með þeirri ferð og yf-
ir 200 í næstu ferð þar á eftir.
Sumaráætlun Norrænu tekur gildi
um mánaðamótin og eru 550 farþegar
bókaðir í fyrstu ferð eftir það, 2. júlí.
Fleiri voru bókaðir en hluti þeirra af-
bókaði sig í kjölfar tilkynningar
stjórnvalda um að greiða þurfi 15
þúsund króna gjald fyrir skimunina
eftir 1. júlí.
Flestir farþegarnir koma frá
Þýskalandi og Norðurlöndunum, að
sögn Lindu. Hún vonast til að bók-
anir haldi sér vel því margir séu með
húsbíla eða tjaldvagna og því fylgi
meiri undirbúningur og ef til vill
skuldbinding. Þótt 550 bókaðir far-
þegar séu mikil aukning frá því sem
verið hefur er fjöldinn samt aðeins
um helmingur af því sem venjulega
er hjá Norrænu við upphaf sumar-
áætlunar. Færeyingar hafa sýnt auk-
inn áhuga á að koma til landsins og
sömu sögu er að segja um ferðir Ís-
lendinga til Færeyja. Smyril Line
hefur boðið Íslendingum sérstök kjör
á siglingu til Færeyja og segir Linda
að margar fyrirspurnir og bókanir
hafi borist, einkum fyrir ferðir í júlí
og ágúst.
Skimað um borð í ferjunni
Unnið hefur verið að skipulagn-
ingu sýnatöku á Seyðisfirði og segir
Linda að málið hafi verið unnið í nánu
samstarfi við landlækni, sóttvarna-
lækni og Heilbrigðisstofnun Austur-
lands. Ákveðið hefur verið að taka
sýnin um borð í ferjunni fyrstu tvær
vikurnar. Þar sé góð aðstaða og telur
hún að sýnatakan ætti ekki að taka
nema tæpar tvær klukkustundir nú á
þriðjudaginn.
Sýnin fara með flugi til greiningar
á Landspítalanum en á meðan beðið
er niðurstöðu geta farþegarnir farið í
náttstað, þar sem þeir eiga pantað.
550 farþegar bókaðir í byrjun júlí
Morgunblaðið/Sigurður Bogi
Í höfn á Seyðisfirði Sumaráætlun Norrænu hefst 27. þessa mánaðar.
 Bókanir að taka við sér í Íslandsferðir hjá Norrænu  150 farþegar bókaðir til Íslands í næstu ferð
og fer síðan fjölgandi  Mikið spurt um ferðir til Færeyja og Færeyingar áhugasamir um ferðir hingað
Færeyjar
» Sumaráætlun Norrænu tek-
ur gildi 27. júní, mörgum vikum
seinna en venjulega. Þá kemur
skipið til Seyðisfjarðar á
fimmtudagsmorgni, í stað
þriðjudags, og fer aftur tveim-
ur tímum seinna.
» Norræna býður Íslendingum
sem vilja fara til Færeyja í
sumar sérstök kjör. Farið fyrir
fjögurra manna fjölskyldu og
bíl ásamt gistingu kostar 100-
140 þúsund. Gjaldið fyrir tvo
fullorðna er 68-109 þúsund.
Landsréttur hefur staðfest þriggja
ára fangelsisdóm Héraðsdóms
Vesturlands yfir karlmanni fyrir
kynferðisbrot gegn þrettán ára
stúlku.
Maðurinn var sakfelldur fyrir að
hafa afhent stúlkunni áfengi og haft
við hana samræði, látið hana hafa
við sig munnmök og tekið af henni
tvær kynferðislegar hreyfimyndir.
Þannig hafi maðurinn beitt hana of-
beldi og nýtt sér yfirburði sína
gagnvart henni vegna aldurs- og
þroskamunar og traust hennar og
trúnað til hans sem fyrrverandi
þjálfara hennar, að því er segir í
reifun málsins.
„Ákærði er níu árum eldri en
brotaþoli og fyrrverandi íþrótta-
þjálfari hennar. Með háttsemi sinni
nýtti hann sér yfirburðastöðu sem
hann hafði gagnvart brotaþola til að
hafa við hana kynferðismök og fólst
jafnframt í því ofbeldi af hans
hálfu,“ segir í niðurstöðu Lands-
réttar, en maðurinn áfrýjaði málinu
fyrir tæpu ári.
Auk þess að staðfesta þriggja ára
dóm héraðsdóms hækkaði Lands-
réttur miskabótagreiðslu mannsins
til stúlkunnar um 300 þúsund krón-
ur, eða úr 1,2 milljónum króna í 1,5
milljónir. Maðurinn var einnig
dæmdur til að greiða allan
áfrýjunarkostnað, eða tæpar 1,3
milljónir króna.
Fangelsi í 3 ár fyr-
ir kynferðisbrot
 Miskabætur hækkaðar í 1,5 milljónir
www.kofaroghus.is - sími 553 1545
339.000 kr.
Tilboðsverð
BREKKA 34 - 9 fm
518.000 kr.
Tilboðsverð
STAPI - 14,98 fm
389.000 kr.
Tilboðsverð
NAUST - 14,44 fm
34 mm
34 mm44 mm
Ítarlegar upplýsingar og teikningar ásamt ýmsum öðrum fróðleik
má finna á vef okkar
VORTILBOÐ Á GARÐHÚSUM!
Landsréttur þyngdi í gær fangelsis-
dóm yfir Gunnari Viðari Valdimars-
syni úr 15 í 18 mánuði fyrir kyn-
ferðisbrot gegn ungri stúlku árið
2016. Var Gunnar þá 36 ára og stúlk-
an 14 ára. Þá var staðfestur dómur
héraðsdóms um miskabótagreiðslu
til stúlkunnar upp á 1,2 milljónir kr.
Gunnar og stúlkan komust í kynni
á samfélagsmiðlinum Snapchat en
Gunnar hélt því fram að hann hafi
hitt stúlkuna á líkamsræktarstöð og
og neitaði hann alltaf sök í málinu.
Landsréttur og héraðsdómur kom-
ust hins vegar að þeirri niðurstöðu
að hann hefði brotið á stúlkunni með
því að fara með hana í tvígang heim
til sín og hafa þar kynferðismök við
hana. Var hann sakfelldur fyrir kyn-
ferðisbrot gegn barni.
18 mánuðir
fyrir kyn-
ferðisbrot