Morgunblaðið - 20.08.2020, Blaðsíða 55

ÍÞRÓTTIR 55
MORGUNBLAÐIÐ FIMMTUDAGUR 20. ÁGÚST 2020
SVÍÞJÓÐ
Bjarni Helgason
bjarnih@mbl.is
Knattspyrnukonan Svava Rós Guð-
mundsdóttir vill gera sig gildandi í ís-
lenska kvennalandsliðinu á næstu ár-
um en hún hefur slegið í gegn með
Kristianstad í sænsku úrvalsdeildinni
í sumar.
Svava Rós er 24 ára gömul en hún
hefur skorað 5 mörk og gefið eina
stoðsendingu í ellefu leikjum með
Kristianstad á tímabilinu en hún er í
sjötta sæti yfir markahæstu leik-
menn deildarinnar.
Kristianstad, undir stjórn El-
ísabetar Gunnarsdóttur, er í þriðja
sæti deildarinnar með 21 stig eftir
fyrstu ellefu umferðirnar með 8 stig-
um minna en topplið Göteborg.
„Ég myndi segja að við værum á
pari miðað við þau markmið sem við
settum okkur fyrir tímabilið,“ sagði
Svava Rós í samtali við Morgun-
blaðið. „Árið 2020 átti að vera árið
þar sem við myndum gera eitthvað
gott og við höfum lagt gríðarlega
mikið á okkur í allan vetur.
Undirbúningstímabilið hefur verið
ansi langt vegna kórónuveirufarald-
ursins og mér finnst við hafa nýtt
þann tíma vel til þess að þjappa okk-
ur ennþá betur saman sem lið. Það
mætti því alveg segja að við séum á
þeim stað sem við ætluðum okkur að
vera á í byrjun tímabilsins.
Við viljum berjast á toppi deild-
arinnar og eins og staðan er í dag er-
um við í þriðja sæti. Það er hins vegar
stutt í liðin fyrir neðan okkur og það
má því lítið út af bera. Við þurfum að
halda áfram að gera það sem við höf-
um verið að gera í undanförnum
leikjum og ef það tekst mun okkur
ganga vel í sumar.“
Allt á réttri leið
Kristianstad byrjaði mótið illa og
tapaði fyrstu tveimur leikjum sínum,
5:1-gegn Göteborg og 1:0-gegn Ro-
sengård, en síðan þá hefur leiðin legið
upp á við hjá liðinu.
„Leikjadagskráin var erfið í upp-
hafi móts og við vorum að mæta lið-
unum sem flestir spá toppsætunum í
fyrstu þremur umferðunum. Fyrsti
leikur tímabilsins gegn Gautaborg
var í raun bara hræðilegur af okkar
hálfu og alls ekki eitthvað sem við
ætluðum okkur. Gegn Rosengård
töpuðum við svo naumlega 1:0 í ágæt-
lega jöfnum leik þar sem mér fannst
enginn svakalegur munur á liðunum.
Við gerum svo 3:3-jafntefli gegn
Vittsjö í hörkuleik þar sem við hefð-
um hæglega getað unnið en brennum
af vítaspyrnu undir lok leiksins og
það kostaði okkur sigurinn. Það hefur
aðeins loðað við okkur í sumar að við
byrjum leikina ekki nægilega vel,
hvað svo sem veldur því. Við höfum
hins vegar verið að finna taktinn
hægt og rólega í undanförnum leikj-
um.
Það er stutt á milli leikja og það
gefst þess vegna ekki mikill tími í ein-
hver ákveðin smáatriði á æfinga-
svæðinu á milli leikja. Okkur hefur
samt sem áður tekist að verjast mun
betur í undanförnum leikjum og það
sama má segja um færanýtinguna.
Þetta er allt á réttri leið og við höfum
fengið 21 stig úr síðustu níu leikjum
okkar sem ég myndi segja að væri
mjög jákvætt.“
Meiðsli settu strik í reikninginn
Svava Rós skoraði 3 mörk í nítján
leikjum í deildinni á síðustu leiktíð en
hún hefur nú þegar toppað árangur
sinn frá því í fyrra.
„Ég átti ekki gott tímabil í fyrra ef
við segjum það bara hreint út.
Meiðsli settu stórt strik í reikninginn
hjá mér og ég var að glíma við þau
nánast allt sumarið. Ég var með bein-
mar á ökkla og það hafði mun meiri
áhrif á mig en ég gerði mér grein fyr-
ir á þeim tíma. Ég var mikið að reyna
að spila í gegnum sársaukann og það
gerði hvorki mér né liðinu gott þegar
allt kemur til alls. Síðasta tímabil var
þess vegna ekki gott fyrir mig per-
sónulega og heldur ekki fyrir félagið
ef við horfum á það hvar við enduðum
í töflunni.
Það má alveg segja að ég sé komin
betur inn í hlutina núna enda gengur
vel hjá mér en ég vil samt sem áður
segja að meiðslin síðasta sumar hafi
átt stóran þátt í því að ég hafi ekki
skorað meira og spilað betur ef út í
það er farið. Félagið samdi við þrjá
öfluga leikmenn fyrir tímabilið og
þær eru allar með gott auga fyrir
spili og góðar að leggja upp mörk.
Það vantaði aðeins hjá okkur síðasta
sumar en liðið er að klikka mun betur
saman núna og mér líður líka vel og
þá fylgir því oft góð spilamennska
inni á vellinum.“
Framherjastaðan hentar vel
Svava Rós lék iðulega sem kant-
maður hér á landi en eftir að hún hélt
út í atvinnumennsku til Röa í Noregi
árið 2018 hefur hún iðulega leikið
sem framherji.
„Þegar ég fór til Noregs þá fann ég
strax mun á hraðanum í deildinni
samanborið við deildina heima á Ís-
landi og breiddin í liðunum þar er
mun meiri en á Íslandi. Ég fer svo til
Svíþjóðar árið 2019 og þar eru leik-
mennirnir mun betri í öllum liðum,
sérstaklega núna í ár, og það eru eng-
in stig í deildinni hálfpartinn gefins ef
svo má segja.
Það geta allir unnið alla hérna og
það er þess vegna enginn leikur auð-
veldur. Þannig á það auðvitað alltaf
að vera. Hraðinn er mjög mikill í Sví-
þjóð og leikmennirnir líkamlega
sterkir. Það má því alveg segja að
sænska deildin sé langsterkust af
þessum þremur deildum, norska
deildin kemur þar á eftir og svo sú ís-
lenska.
Ég spilaði alltaf sem kantmaður á
Íslandi en hef nær eingöngu spilað
sem framherji í Noregi í Svíþjóð. Mér
líður mjög vel fremst á vellinum og
þar hef ég tækifæri til þess að hlaupa
í mun meira svæði en t.d. á kantinum
þar sem svæðið sem þú hefur til þess
að vinna með er minna. Það hentar
mér mjög vel að spila sem framherji
og það hefur gengið mjög vel und-
anfarin ár.“
Vill spila meira með landsliðinu
Svava Rós á að baki 22 landsleiki
þar sem hún hefur skorað 1 mark en
hún viðurkennir að það sé ákveðið
hark að vera atvinnumaður í kvenna-
knattspyrnu.
„Það hefur lengi verið markmið hjá
mér að spila meira með landsliðinu en
ég hef gert hingað til. Ég er mjög
þakklát fyrir þau tækifæri sem ég hef
fengið en maður vill alltaf meira og
ég vil gera mig meira gildandi í liðinu.
Það skiptir mig engu hvar ég spila, á
meðan ég er í liðinu, en það er ekkert
leyndarmál að ég vilji vera mikil-
vægur hlekkur í landsliðinu.
Að vera í atvinnumennsku er klár-
lega hark en á sama tíma nýt ég mín
mjög vel. Þegar allt kemur til alls
snýst þetta um að þora að taka skref-
ið út en maður þarf líka að vera tilbú-
inn að fórna ýmsum hlutum. Það er
erfitt að vera atvinnumaður í dag sem
dæmi þar sem þú ert ekkert að skjót-
ast heim til þess að vera með fjöl-
skyldu og vinum. Til lengri tíma er
þetta klárlega þess virði og ég mæli
þess vegna heilshugar með atvinnu-
mennskunni,“ bætti Svava Rós við í
samtali við Morgunblaðið.
Morgunblaðið/Eggert
Landsliðið Svava Rós Guðmundsdóttir spilar í Svíþjóð og stefnir á stærra hlutverk með íslenska landsliðinu.
 Svava Rós Guðmundsdóttir hefur byrjað tímabilið af krafti í Svíþjóð
Snýst um að þora
að taka stóra skrefið
Þýska liðið Bayern München mætir
PSG frá Frakklandi í úrslitaleik
Meistaradeildar Evrópu í knatt-
spyrnu í Lissabon í Portúgal á
sunnudaginn. Þetta varð ljóst eftir
að Bayern vann Lyon 3:0 í síðari
undanúrslitaleiknum í gærkvöldi en
áður hafði PSG lagt Leipzig að velli.
Bæjarar hafa leikið á als oddi í
undanförnum leikjum, unnu Chelsea
samanlagt 7:1 í 16-liða úrslitum og
niðurlægðu svo spænska stórliðið
Barcelona í fjórðungsúrslitum, 8:2 í
einum leik.
Í gærkvöldi var sigurinn aftur
sannfærandi, þótt mörkin hafi verið
færri. Serge Gnabry skoraði fyrstu
tvö í fyrri hálfleik, það fyrra algjört
draumamark er hann þrumaði
knettinum upp í samskeytin utan
teigs eftir að hafa leikið á varn-
armann. Pólverjinn Robert Lew-
andowski bætti svo við marki undir
lok leiks með skalla.
Bayern og PSG spila til
úrslita í Meistaradeild
AFP
Óstöðvandi Bæjarar leika til úrslita í Meistaradeildinni og hafa verið
óstöðvandi í síðustu leikjum sínum, unnið hvern stórsigurinn á fætur öðrum.  Knattspyrnusamband Íslands hefurstaðfest að landslið karla og kvenna
munu spila leiki sína í september án
áhorfenda. Kom þetta fram á samráðs-
fundi framkvæmdastjóra knattspyrnu-
sambanda í Evrópu. Fjórir landsleikir
eru á dagskrá í september en staðan
verður endurskoðuð fyrir leikina sem
eru á dagskrá í október. Karlalandsliðið
mætir Englandi 5. september, kvenna-
landsliðið mætir Lettlandi 17. og Sví-
þjóð 22. september og þá spilar U21 árs
lið karla við Svíþjóð 4. september.
 Leiknir úr Reykjavík, sem er í topp-
baráttu 1. deildar karla í knattspyrnu,
Lengjudeildinni, hefur samið við hol-
lenska sóknarmanninn Dylan Chiazor
um að spila með liðinu út tímabilið.
Chiazor lék síðast með Da Graafschap í
heimalandinu en hann er 22 ára og var
um tíma á mála á stórliði Ajax sem ung-
lingur. Hann var ekki löglegur með lið-
inu í gær þegar Leiknismenn heimsóttu
Vestra.
 Fjölnir hefur fengið tvo leikmenn til
liðs við sig fyrir átökin í Dominos-deild
kvenna í körfuknattleik næsta vetur. Fé-
lagið tilkynnti í gær að írsk landsliðs-
kona, Fiona O’Dwyer, muni leika með
liðinu í vetur en hún spilaði síðast í
efstu deild á Spáni. Þá er Stefanía Ósk
Ólafsdóttir komin í Grafarvoginn frá
Haukum en hún var lánsmaður hjá lið-
inu í fyrstu deildinni í fyrra er það vann
sér sæti í efstu deild.
 Einn besti hjólreiðamaður heims,
Chris Froome, mun ekki keppa í Frakk-
landshjólreiðunum með liði sínu Ineos í
ár en þær hefjast 29. ágúst. Bretinn
vann þessa frægu keppni árin 2013,
2015, 2016 og 2017 en hann lenti í
slæmu slysi á síðasta ári og er ekki í
nægilega góðu standi til að taka þátt að
þessu sinni.
 Alejandro Munoz hefur fengið leik-
heimild með Magna frá Grenivík sem
leikur í 1. deild karla í knattspyrnu,
Lengjudeildinni, en Munoz er frá Vene-
súela. Hann er 23 ára gamall og spilar
sem sóknarmaður.
Munoz kemur til Magna frá Oyo-nesa á
Spáni þar sem hann hefur leikið frá
2019. Hann var ekki löglegur með liðinu
gær þegar Magni heimsótti Fram.
 Knattspyrnulið Barcelona á Spáni
gekk í gær frá ráðningu á nýjum knatt-
spyrnustjóra. Ronald Koeman tekur við
liðinu eins og við var búist en tilkynnt
var um ráðninguna á samfélagsmiðlum
í gær. Koeman gerir tveggja ára samn-
ing við félagið sem gildir til sumarsins
2022.
Koeman, sem er 57 ára gamall, tekur
við liðinu af Quique Setién sem var rek-
inn á dögunum en Hollendingurinn
þekkir vel til hjá félaginu eftir að hafa
spilað með Barcelona á árunum 1989 til
ársins 1995. Þá var hann aðstoðarþjálf-
ari Louis van Gaal hjá Barcelona á ár-
unum 1998 til ársins 2000.
Koeman er reyndur þjálfari sem hefur
stýrt hollenska landsliðinu frá árinu
2018 en hann lætur nú af störfum hjá
hollenska knattspyrnu-
sambandinu. Þá
hefur hann verið
knattspyrnustjóri
Southampton og
Everton í ensku
úrvalsdeild-
inni, en
einnig hjá
stórliðum
á borð við
Ajax, Ben-
fica og
Valencia.
Eitt
ogannað