Börn og menning - 01.09.2007, Page 20

18
Börn og menning
Úr smiðju höfundar
Þorgerður Jörundsdóttir
Lengi lifi gauragangurinn
Skáldafákur, skáldgyðja hvað? Innblásturirm
mirm kemur í líki fjörmikils strákastóðs sem
ríður hér röftum allan liðlangan daginn.
Sögur og myndir spretta úr hávaðasömum
erli hversdagsins. Það er afskaplega
gefandi að fylgjast með fjórum og upp í
tíu smádrengjum koma og fara, metast,
rifast, sættast og leika saman. Þetta eru
dásamlegir drengir, á aldrinum tveggja og
upp í níu, hávaðasamir, uppátækjasamir
og skemmtilegir. Það er ýmist grátið eða
grínast. Argað og þrasað. Þeir hnoðast
og kútveltast hver um annan þveran ekki
ósvipað og yrðlingar í greni. Oft á tíðum
veit ég varla hvar einn byrjar og annar
endar. Rétt eins og þræðirnir sem spinna
heila bók. Það er ómögulegt að vita hvað
sprettur af hverju.
Bannað innan tuttugu og fimm ára
Hér gengur á með drekkutímum og
smábitastundum og á meðan er maulað
er talað um risaeðlur, sportbíla og trukka,
bannaðar myndir (myndir eru mest
spennandi ef þær eru bannaðar og því meira
bannaðar því betra, helst innan tuttugu og
fímm), tölvuleiki, teiknimyndir og köngulær,
hasarkalla, hunda, ketti, dreka, skrímsli og
riddara, fótbolta, íshokkí og skylmingar og
auðvitað ýmislegt fleira, því þeim er fátt
óviðkomandi og þeir hafa vit á flestu.
Þetta eru drengir sem hafa nóg fyrir stafni,
þeir veiða krabba og byggja kofa, þeir halda
tombólur og hlaupa hér gólandi til og frá í
ýmsum leikjum um næsta nágrenni. Það er
tilviljun ein sem veldur því að í kringum mig
eru eintómir smástrákar. Ég efast um að ég
hefði gert svona sögur ef ekki hefði verið
fyrir þennan allsherjar gauragang í kringum
mig.
Óvænt og asnalegt
Mér fannst vanta bækur sem höfðuðu til
lítilla drengja. Mig langaði að búa til bækur
sem gætu fengið þessi indælu æðiber til að
setjast niður augnablik. Sögurnar spruttu af
smáatvikum í daglegu amstri, þvermóðsku
fimm ára drengs og metingi tveggja vina.
Þetta eru ósköp almenn umjöllunarefni,
kringumstæður sem strákarnir kannast
ósköp vel við.