Börn og menning - 01.09.2007, Síða 23

Dýrmætar lestrarstundir
Nú er Svanhildur orðin svo dugleg að lesa
að við höfum kvöldstundirnar þannig að við
skiptumst á við lesturinn. Um þessar mundir
lesum við ævintýri H.C. Andersens. Þar eru
ákveðnar sögur mjög vinsælar og vinsælust
er ævintýrið um Eldfærin.
Það er alltaf gott að hafa í huga hver
boðskapur bókarinnar er áður en hún er
lesin og gera sér ( hugarlund hvernig barnið
manns muni upplifa bókina. Það má segja
að við veljum okkur þemu út frá ákveðnum
bókum. Má þar nefna bækur þar sem
ýtt er undir draugahræðslu, myrkfælni,
útlitsdýrkun, átök o.s.frv. Einnig reynum
við að hafa í huga hvernig málfarið er á þeim
bókum sem við notum.
Það þarf ekki að fara mörgum orðum um
gagnsemi þess að lesa fyrir börn. Það sem er í
raun ómetanlegt er samveran og sá grunnur
að eðlilegum og góðum samskiptum barna
og foreldra sem lagður er með þessum lestri.
Þetta eru mér dýrmætar stundir og ég er
afar þakklátur fyrir þær.
Höfundur er skólameistari