Börn og menning - 01.09.2007, Qupperneq 45

IBBY fréttir
43
Bókadagatal IBBY 2008. Bókadagatalið
er helgað verkum Sigrúnar Eldjárn, fyrsta
Sögusteins-verðlaunahafanum, og er það
gefið út til að fylgja verðlaunaveitingunni
eftir og reyna þannig að vekja enn meiri
athygli á verkum Sigrúnar. Dagatalið verður
gefið í alla þriðju bekki grunnskóla landsins
auk þess sem félagar í IBBY fá það nú sent
með blaðinu. Dagatalið ber þess nokkur
merki að því er ætlað að koma að notum
í kennslu, hafi kennarinn áhuga á því, en
þetta ætti ekki að koma að sök fyrir þá sem
vilja aðeins prýða með því veggi heimilisins.
Með þessari útgáfu er þó fyrst og fremst
ætlunin að vekja áhuga barna á bókum
Sigrúnar Eldjárn og hvetja þau þannig til að
lesa meira, jafnt hennar verk sem annarra
höfunda.
Gott kvöld á Súfistanum - bernskan
og óttinn
Bókakaffi IBBY var haldið 11. október
sl. á Súfistanum, Laugavegi 18. Dagskrá
Bókakaffisins tengdist að þessu sinni sýningu
Þjóðleikhússins á barnaleikritinu Gott kvöld
eftir Áslaugu Jónsdóttur bókverkakonu.
Þórdís Þórðardóttir, lektor í uppeldis- og
menntunarfræði f Kennaraháskólanum