Fræðaþing landbúnaðarins - 06.02.2004, Blaðsíða 300

298
hluta barðanna fyrst, og láta vindinn um að búa til meiri fláa á efsta hlutann áður en
haldið er áfram. Væntanlega þarf að fara annan hring eftir nokkur ár og blása heyi
eftir þörfum í efsta hlutann til að fullloka sárunum.
Áhersla hefur verið lögð á að dreifa heyi í rofabörð á Biskupstungnaafrétti, á tveim
stöðum. Annars vegar í Sandvatnshlíð við Sandvatn á Framafrétti Biskupstungna, hins
vegar við Tjamheiði og Svartártorfur innan við Hvítá í nágrenni Hvítárvatns. Búið er
að blása heyi í um 10 km belti í og meðfram rofabörðum á svæðinu.
Það þarf mikið afl til að tæta rúllumar og blása heyinu, lágmark 120 hestafla
dráttarvél til að knýja tætarann, sem er lyftutengdur. Til verksins þarf einnig aðra vél
til að flytja heyið að og mata tætarann. Kostnaðurinn við að dreif heyi í börðin er því
töluverður, eða á bilinu 1000 - 2000 kr/rúllan með vsk. háð afköstum. Flutningur á
rúllum á svæðið er ekki inni í þessari tölu.
Niðurlag
Heyblástur í börð virðist ætla að gefa mjög góða raun við uppgræðslu rofabarða. Þetta
er líklega langbesta leiðin til að stöðva eyðingu úr þessum miklu börðum, þar sem
stöðugt gekk á gróðurþekju. Þessi aðferð er að vísu dýr, en hún virðist skila miklu
betri og varanlegri árangri en aðrar aðferðir sem notaðar hafa verið.
Uppgræðslusvæðin hafa ekki verið friðuð fyrir beit, en féð virðist lítið leita í börðin.
í ljósi hinnar góðu reynslu sem fengist hefur við uppgræðslu rofabarða með heyi á
Biskupstungnaafrétti þá hefur verið fjárfest í sambærilegu tæki á vegum
Landgræðslufélags Héraðsbúa.
Vert er að hafa í huga að mikilvægt er að fylgjast með framvindu á svæðinu og grípa
strax til aðgerða ef sýnt þykir að börðin séu að opnast á nýjan leik. Vöktun og
eftirfylgni skipta miklu máli.
Undanfarin ár hefur fallið mikið til af afgangs- eða skemmdu heyi hjá bændum. Það
virðist kjörið að nýta heyið sem ekki nýtist til fóðrunar til þess að græða upp rofabörð,
þar sem unnt er að koma því við.