Morgunblaðið - 28.01.2021, Side 32

32 FRÉTTIRViðskipti | Atvinnulíf
MORGUNBLAÐIÐ FIMMTUDAGUR 28. JANÚAR 2021
BAKSVIÐ
Þóroddur Bjarnason
tobj@mbl.is
Tíu einstaklingar og sprotaverkefni
hafa fengið eins árs aðild að Festu –
miðstöð um samfélagsábyrgð. Hjá
Festu eru fyrir hátt í 140 aðildafélög,
og „aðildin“, eins og nýju aðilarnir
eru kallaðir, verða kynnt til sögunn-
ar á rafrænni janúarráðstefnu Festu
sem haldin er í dag í beinu streymi á
netinu, þar á meðal á mbl.is.
Tuttugu og sex sóttu um
Hrund Gunnsteinsdóttir, fram-
kvæmdastjóri Festu, segir í samtali
við Morgunblaðið að tuttugu og sex
„rosalega flott“ verkefni hafi sótt
um. „Aðildin munu taka þátt í starfi
Festu og vinna verkefni sem tengj-
ast áskorunum og tækifærum í sjálf-
bærni. Við höfum mikla trú á hugviti
aðildanna, sem samanlagt dekka
margar greinar, geira og aldursbil,“
segir Hrund.
Festa býður upp á 40-60 viðburði á
ári hverju sem aðildin fá nú fullan
aðgang að. „Það er hægt að stækka
verkfærakistuna og auka sjálfbærni-
þekkinguna mjög mikið mjög hratt í
samfélagi Festu, ef fólk leggur sig
fram. Góð dæmi eru jafnréttismál,
endurnýjanleg orka og hugvitið sem
sést í nýsköpun.“
Meira en hagnaðardrifið
Kristinn Aspelund, framkvæmda-
stjóri Ankeris, segir að fyrirtækið
vilji vera meira en bara hagnaðar-
drifið félag. „Við viljum takan virkan
þátt í að byggja upp samfélagið og
leggja okkar af mörkum við að gera
heiminn að betri stað.“
Ankeri býr til tækni sem miðar að
því að eigendur skipa geti markaðs-
sett þau út frá rekstrarhagkvæmni
og að leigjendur geti valið skip út frá
viðurkenndum upplýsingum um
getu, rekstur, umhverfisáhrif og
fleiri þætti. „Lykilatriði er að félag-
ið sé hluti af samfélaginu. Við viljum
hjálpa viðskiptavinum að bæta sig,
og taka þátt í að leysa þessi stóru
mál í heiminum. Við vorum því mjög
ánægð að vera valin sem aðildi,“
segir Kristinn.
Vinnur að sjálfbærnistefnu
Karólína Stefánsdóttir og Katrín
Helena Jónsdóttir hjá Listaháskóla
Íslands segja að umhverfisnefnd
skólans vinni nú að fyrstu heild-
rænu umhverfis- og sjálfbærni-
stefnu skólans. Með því að verða
hluti af Festu geti LHÍ nýtt sér
fræðsludagskrá og tengslanet mið-
stöðvarinnar.
Þær segja að skólinn reki sex
deildir og innan hverrar þeirra séu
ýmis verkefni þar sem sjálfbærni
komi við sögu. Sem dæmi þá sé m.a.
lögð áhersla á að efla læsi og skiln-
ing á sjálfbærni og sköpun í list-
kennslu og í fatahönnun eru kennd
námskeið í samstarfi við fatasöfnun
Rauða krossins. Alþjóðlegt verkefni
um sjálfbæra leiklist var einnig unn-
ið í sviðslistadeild „Við erum svaka-
lega stolt og ánægð með að hafa ver-
ið valin sem aðildi og þetta er gott
tækifæri fyrir skólann.“
Nýta skapandi hugvit
Magnea Marinósdóttir alþjóða-
stjórnmálafræðingur og Guðjón
Bjarnason, arkitekt og myndlistar-
maður, standa að Nýjung, en verk-
svið þess er að nýta skapandi hugvit
og greinandi hugsun m.a. á sviði laga
og stjórnkerfa til að vinna að fram-
farasinnuðum og vistvænum nýjung-
um almenningi til handa á fjöl-
breyttum sviðum, eins og þau orða
það í skriflegu svari.
„Rauði þráðurinn í samstarfi okk-
ar er fagurfræðileg sjálfbærni.“
Þau Magnea og Guðjón segja m.a.
að í verkum sínum telji þau veiga-
mikið að sýna almennt hófsemi og
virðingu og forðast að troða menn-
ingarháttum um tær við gerð bygg-
inga og hluta. Mikilvægt sé engu síð-
ur að hönnun forðist lognmollu og á
heiðarlegan og kraftmikinn máta
endurspegli á frumlegan hátt þá um-
brotatíma og þau vatnaskil er nú
fara í hönd. Þau segjast einnig í svari
sínu vilja gefa tækninýjungum
skarpa ásýnd mótaða af ferskum
blæ, áræði og leikgleði.
Hnýtir saman geira
Kristján Guy Burgess hjá Al-
þjóðaveri segist hafa fylgst með
Festu frá upphafi og verið mjög hrif-
inn af því hvernig til hefur tekist að
virkja fyrirtæki landsins til að tala
saman um hlutverk þeirra í sam-
félaginu. „Ég hef um langt skeið ver-
ið að vinna að því að hnýta saman
einkageirann og opinbera geirann,
og einbeitt mér að verkum sem hafa
sterk samfélagsleg áhrif,“ segir
Kristján og nefnir aðkomu sína að
undibúningi Carbfix-verkefnisins á
Hellisheiði, sem snýst um að binda
koltvísýring í bergi. „Svo hef ég á
síðustu árum verið að skoða hvernig
má virkja kraftana sem liggja í fjár-
magninu, til að takast á við risastór
viðfangsefni eins og loftslagsmálin.
Stóru málin leysast ekki nema með
samvinnu ólíkra aðila.“
Sjálfbær hönnun
Ragna Sara Jónsdóttir, eigandi
hönnunarfyrirtækisins Fólk Reykja-
vík, segist hafa mikinn áhuga á að
taka þátt í að þróa og dýpka um-
ræðuna um sjálfbærni.
Ragna Sara fagnar því að vera
orðin hluti af Festu. „Starfið sem þar
er unnið er frábært og að komast inn
með þessum hætti er mjög mikil-
vægt fyrir lítið en vaxandi fyrirtæki
eins og okkar,“ segir Ragna Sara.
„Fyrirtækið mitt er stofnað á
grunni þessarar hugmyndafræði um
sjálfbærni og hringrásarhagkerfi.“
Starfsemi Fólk Reykjavík snýst
um að þróa, framleiða og selja hönn-
unarvörur í samstarfi við íslenska
hönnuði sem bundnir eru ákveðnum
skilyrðum um sjálfbærni hvað varð-
ar vöruþróun og framleiðslu. „Þessi
áhersla hefur fallið mjög vel í kramið
hjá okkar viðskiptavinum. Við finn-
um að vitundin fyrir sjálfbærni er að
aukast og við viljum stuðla að auk-
inni þekkingu á umhverfis- og sam-
félagsáhrifum vöruframleiðslu.“
Hægt að læra mikið mjög hratt
Morgunblaðið/Eggert
Sjálfbærni Aðildin eru Ankeri, Alþjóðaver, Nýjung, Natus e1, Humble, LHÍ, NEET, Greenfo, Fólk Reykjavík og Tool Library.
 Tíu verkefni valin til að vera aðildi hjá Festu, miðstöð um samfélagsábyrgð  Íslendingar hafa margt
fram að færa í sjálfbærni  Gera heiminn að betri stað  Stóru málin leysast með samvinnu ólíkra aðila
Snjallari lausnir í
greiðslumiðlun á
Íslandi
Fjártæknilausnir Rapyd bjóða þér
upp á snjallari greiðslumiðlun.
Við bjóðum upp á fjölmargar
greiðsluleiðir og virðisaukandi
þjónustur sem henta þínum
rekstri. Við setjum þjónustu
við söluaðila í fyrsta sæti.
Vertu í sambandi
558 8000 | hallo@rapyd.net | rapyd.net/is
Einfaldari
Snjallari
Betri
Leyfðu okkur að
þjónusta þig.
ATVINNUHÚSNÆÐI
SKRIFSTOFUR – IÐNAÐARBIL
Davíð Ólafsson,
löggiltur fasteignasali,
leigumiðlari og
viðskiptafræðingur
BERG Fasteignasala | Háholt 14 | Mosfellsbæ
Sími 588 5530 | berg@berg.is | berg.is
Hafðu samband við okkur og við aðstoðum og finnum
rétta aðilann fyrir þig eða réttu eignina.
Þarftu að selja, kaupa, leigja út
eða taka á leigu?
Ármúli 3 til leigu – 275 fm
Sími 766 6630
Til leigu Laugavegur 65–150 fm