Morgunblaðið - 19.02.2021, Qupperneq 11

Það var handagangur í öskjunni
fyrir utan hönnunarverslunina
Scintilla Hospitality á Laugaveg-
inum í gær þegar ljósmyndari
Morgunblaðsins átti leið hjá. Þar
voru mæðginin Linda Björg Árna-
dóttir og Styr Júlíusson að ferja
fleiri tugi kassa af varningi inn í
búð. Þeim hafði sem sé verið að
berast sending af eigin framleiðslu,
sem er hönnuð á staðnum. Það eru
fyrst og fremst vönduð sængurföt.
Að sögn Lindu Bjargar hefur
verið nokkur gestagangur í versl-
uninni undanfarið en mestu varðar
að ferðaþjónustan hrökkvi aftur í
gang, enda eru textílvörurnar frá
Scintilla einkum ætlaðar hótelum,
enda þótt þær séu einnig seldar ein-
staklingum á heildsöluverði. Við
hliðina á Scintillu er ferða-
mannaverslunin Ísbjörninn, þar
sem vænta má að þess sé beðið af
enn meiri eftirvæntingu að ferða-
þjónusta hefjist aftur hér á landi.
Um sinn verður Scintilla að reiða
sig á innlenda verslun og Linda hef-
ur ekki sérstakar áhyggjur af
henni, enda sé Laugavegurinn á
góðu róli þessi dægrin.
Lagerinn
á Lauga-
vegi fylltur
Morgunblaðið/Eggert
Textílvörur Scintilla á Laugaveginum tók á móti nokkrum brettum af sængurfötum í gær. Mest af því er ætlað ferðaþjónustunni, þegar hún fer aftur í gang.
 Fá hönnunar-
sængurföt í förmum
FRÉTTIR 11Innlent
MORGUNBLAÐIÐ FÖSTUDAGUR 19. FEBRÚAR 2021
Immortelle blómið.
Dýrmætur æskuelixír náttúrunnar
Gullna andlitsolían okkar inniheldur nú hið nýja Immortelle ofurseyði sem unnið er úr lífrænum Immortelle
blómum sem er náttúrulegur valkostur fyrir retínól. Olían hjálpar sýnilega við að draga úr hrukkum,
endurheimtir ljóma húðarinnar og gerir hana silkimjúka.
Hver þarf tilbúið innihaldsefni þegar náttúran getur gert enn betur?
Kringlan 4-12 | s. 577-7040 | www.loccitane.is
aeilíf !
„Þegar barn sýnir streitumerki eða
verður óttaslegið þegar sími gefur frá
sér hljóð eða önnur merki um rafræn
skilaboð getur það verið vísbending
sem að það sé þolandi neteineltis. Það
er mun algengara en fólk heldur og
er stærsta ógnin sem börn og ung-
menni standa frammi fyrir,“ segir
Sema Erla Serdar, framkvæmda-
stýra Æskulýðsvettvangsins, sem í
gær stóð fyrir rafrænu námskeiði um
birtingarmyndir, afleiðingar og vís-
bendingar um neteinelti og leiðir til
að sporna gegn því. Sema segir það
eina stærstu ógnina sem börn og ung-
menni standa frammi fyrir í dag.
Æskulýðsvettvangurinn er sam-
starfsvettvangur Bandalags ís-
lenskra skáta, KFUM og KFUK á Ís-
landi, Slysavarnafélagsins
Landsbjargar og Ungmennafélags
Íslands. Þessir aðilar vinna að sam-
eiginlegum hagsmunum barna og
ungmenna í íþrótta- og æskulýðs-
starfi og stuðla að uppbyggilegum,
vönduðum og öruggum aðstæðum í
slíku starfi, segir í tilkynningu.
Sema bendir á að vísbendingar um
að neteinelti eigi sér stað séu margar.
Flestar eigi þær það sameiginlegt að
breytingar verða á hegðun þolanda.
Á heimasíðu Æskulýðsvettvangs-
ins, www.aev.is, eru alls kyns upplýs-
ingar og verkfæri og hægt að til-
kynna óæskilega hegðun.
Netnámskeiðið í barnavernd er
aðgengilegt hér:
https://namskeid.aev.is
Dæmi Netofbeldi gegn börnum er
algengt og veldur miklum skaða.
Ógn af
netofbeldi í
garð barna
 Námskeið hjá
Æskulýðsvettvangi