Morgunblaðið - 19.02.2021, Qupperneq 37

MENNING 37
MORGUNBLAÐIÐ FÖSTUDAGUR 19. FEBRÚAR 2021
Guðmunduverðlaunin fyrir árið
2021 voru afhent í Listasafni
Reykjavíkur í Hafnarhúsi í gær og
hlaut þau Anna Rún Tryggvadóttir
myndlistarmaður. Anna Rún er
fædd árið 1980, nam við Listahá-
skóla Íslands og fór að því loknu í
framhaldsnám í Concordia-
háskólann í Montréal í Kanada.
„Verk hennar hafa vakið athygli
jafnt hér heima sem erlendis en hún
hefur undanfarin ár skipt tíma sín-
um á milli Reykjavíkur og Berl-
ínar,“ segir í tilkynningu og að með-
al nýlegra sýningarverkefna hennar
séu einkasýning í Kunstlerhaus
Bethanien í Berlín í fyrra og einka-
sýning í D-sal Hafnarhúss árið
2017. Þá sýndi Anna Rún verkið
„Garð“ sem nú er í safneign Lista-
safns Reykjavíkur. Anna Rún mun
taka þátt í sýningunni Iðavellir sem
sett verður upp í Hafnarhúsi í júní,
verður þar ein fimmtán listamanna
sem yfirtaka bygginguna.
„Í verkum sínum teflir Anna Rún
saman tækni og náttúru þar sem
lögmál tækni og náttúru taka þátt í
sköpunarferlinu. Hún hefur unnið
bæði skúlptúra og innsetningar þar
sem ekkert er endanlegt og verkin
mótast meðan á sýningum stendur.
Vélbúnaður skapar heim fegurðar í
endurteknu ferli sem Anna Rún
hefur sett af stað. Þannig verður
listaverkið til fyrir augum áhorf-
enda. Náttúran og hið manngerða
mætast í sjálfvirkni sem skapar feg-
urð fulla af tilviljunum þar sem ferl-
ið sjálft er jafn mikilvægt og end-
anleg útkoma – sem raunar getur
verið erfitt að sjá fyrir hver verði.
Þótt verk Önnu Rúnar séu þaul-
hugsuð og mörg flókin í fram-
kvæmd er tilviljunin og fegurðin
sem felst í flæði lita og forma alltaf
nálæg,“ segir í tilkynningu.
Guðmunduverðlaunin eru við-
urkenning Guðmundusjóðs Errós
en Erró stofnaði þau árið 1997 til
minningar um móðursystur sína,
Guðmundu S. Kristinsdóttur. Styrk-
ur úr sjóðnum er veittur framúr-
skarandi listakonu og helst árlega.
Styrknum er ætlað að vera hvatn-
ing til frekari dáða á sviði mynd-
listar, eins og segir í tilkynningu og
er peningaupphæðin, ein milljón
króna, ein æðsta viðurkenning sem
veitt er á sviði myndlistar á Íslandi.
Styrkurinn er nú veittur í 21. sinn.
Morgunblaðið/Kristinn Magnússon
Styrkur Anna Rún hlaut eina milljón króna í gær úr Guðmundusjóði Errós.
Guðmunduverðlaunin veitt
 Anna Rún Tryggvadóttir hlaut í gær milljón króna styrk úr
Guðmundusjóði Errós  21 listakona hefur nú hlotið styrk
Óljóst landslag er heiti samsýn-
ingar sem ljósmyndararnir Guð-
mundur Óli Pálmason og Sig-
urður Mar Halldórsson opna í
Mjólkurbúðinni á Akureyri í dag
kl. 17.
Á sýningunni eru um tuttugu
ljósmyndir þar sem listamenn-
irnir nálgast landslagið á nýstár-
legan hátt en með aðferðum sem
byggjast á gamalli hefð. Allar
myndirnar eru teknar á filmu.
Guðmundur Óli lærði listræna
ljósmyndun við University of the
Arts í London. Viðfangsefni hans
er hin grófgerða og oft drunga-
lega náttúra Íslands. Eyðibýli eru
Guðmundi hugleikin og eru
myndirnar eins konar minning
um draum eða fortíð, sem þó
aldrei var. Guðmundur vinnur
eingöngu með útrunnar polaroid-
filmur og prentar myndirnar á
álplötur.
Sigurður Mar lærði ljósmyndun
í Gautaborg. Hann hefur síðustu
ár glímt við að aftengja ljós-
myndina við raunveruleikann; þá
hugmynd að ljósmynd eigi alltaf
að skrásetja veruleikann. Hann
notar einfaldar og frumstæðar
myndavélar og myndirnar verða
því býsna langt frá stafrænni of-
urskerpu nútímans.
Ljósmyndararnir verða með
listamannaspjall á morgun,
laugardag, kl. 15.
Guðmundur Óli og Sigurður Mar sýna óljóst landslag
Óljóst Eitt ljósmyndaverka Guðmundar Óla
Pálmasonar á sýningunni í Mjólkurbúðinni.
Hljóð og mynd sameinast í Ásmund-
arsal um helgina í samstarfi Sig-
tryggs Bjarna Baldvinssonar mynd-
listarmanns og Ólafar Sigursveins-
dóttur sellóleikara. Verkefnið snýst
um sjöttu sellósvítu J.S. Bachs sem
þau túlka á ólíkan hátt.
Það hefur lengi verið draumur
Ólafar að takast á við verkið, eitt
mikilvægasta sellóverk tónbók-
menntanna. Sigtryggur hefur lengi
haft áhuga á tengslum tónlistar og
lita og segir liti og tóna að mörgu
leyti skynjaða á sambærilegan hátt
og beri sameiginlegur orðaforði
tónlistar og litafræði þess merki. Í
þessu samstarfsverki, Hljóðmynd –
Sjötta svítan, hlustaði Sigtryggur
endurtekið á svítu Bachs og dró úr
verkinu þá liti sem hann „heyrði“.
Málaði þá síðan á 46 stangir. Af-
raksturinn má sjá í Ásmundarsal í
dag og um helgina. Þá leikur Ólöf
svítuna tvisvar þar á tónleikum en
uppselt er á hvora tveggja.
Túlka 6. svítu Bachs á selló og í litum
Ljósmynd/Magnús Óli Sigurðsson
Tónalitir Sigtryggur Bjarni við verk sitt.
Fyrsta einasýning ungrar listakonu,
Öldu Ægisdóttur, stendur nú yfir,
fram á sunnudag, í galleríinu Flæði
á Vesturgötu 17. Sýninguna kallar
Alda „Herbergi til leigu í hundrað-
og-einum“ og eru á henni margs
konar verk sem hún hefur unnið að
síðastliðin ár, „gegnum unglingsald-
urinn“, eins og segir í tilkynningu og
þar á meðal er innsetning sem sýn-
ingin er nefnd eftir.
„Verkin eru í bæði þrívídd og tví-
vídd en tilheyra öll sama hugar-
heimi þar sem kafað er ofan í hryll-
ing þess hversdagslífs sem víða
fyrirfinnst í okkar nútímasamfélagi,
þó á gáskafullan hátt. Í þeim tvinna
ég saman alls kyns tækni – t.d. mál-
un, skúlptúr og saumaskap,“ skrifar
Alda. Hún fæddist árið 1999, er
menntuð í Hússtjórnarskólanum í
Reykjavík og stefnir á nám við
Listaháskólann.
„Herbergi til leigu …“ – sýning Öldu
Á sýningunni Alda kveðst í verkunum
kafa ofan í hrylling hversdagslífsins.
Hálfur álfur, fyrsta heimildamynd
Jóns Bjarka Magnússonar í fullri
lengd, hefur verið valin í aðal-
keppni RAI Film Festival, kvik-
myndahátíðar hinnar konunglegu
mannfræðistofnunar Bretlands,
sem fram fer í mars. Hátíðin er afar
virt á sviði mannfræðilegra kvik-
mynda. Hálfur álfur er á meðal
þrettán mynda sem keppa til
tvennra verðlauna í aðalflokkum
hátíðarinnar.
Hálfur álfur var forsýnd á
Skjaldborgarhátíðinni síðastliðið
haust, hlaut þar dómnefndar-
verðlaunin „Ljóskastarann“ og hef-
ur síðan verið sýnd á nokkrum evr-
ópskum kvikmyndahátíðum og
verið tilnefnd til verðlauna, meðal
annars sem „bjartasta vonin“ á
Nordisk Panorama.
Hálfur álfur keppir á RAI-hátíðinni
Úr Hálfum álfi Myndin fjallar um vitavörð-
inn Trausta sem tengist sínum innri álfi á
meðan hann undirbýr aldarafmæli sitt.