Morgunblaðið - 19.02.2021, Qupperneq 34

FORKEPPNI HM
Gunnar Egill Daníelsson
gunnaregill@mbl.is
Íslenska landsliðið í körfuknattleik
karla er komið áfram í aðra umferð
forkeppni HM 2023 eftir að hafa
unnið góðan 94:79 sigur gegn Sló-
vakíu í Pristína í Kósóvó í gær. Ís-
land er þar með búið að vinna B-
riðil fyrstu umferðar forkeppn-
innar.
Ísland mætir Lúxemborg, einnig
í Pristínu þar sem liðið dvelur í
„búbblu“ á sunnudaginn kemur í
lokaleik riðilsins. Leikurinn skiptir
ekki máli fyrir liðið upp á end-
anlega niðurstöðu riðilsins, en hver
sigur er þó mikilvægur í viðleitni
landsliðsins til þess að klífa upp
FIBA-listann og koma sér í hærri
styrkleikaflokk.
Önnur umferð í forkeppni HM
2023 hefst í ágúst. Ásamt Íslandi
hafa Hvíta-Rússland og Portúgal
þegar tryggt sér sæti í aðra um-
ferð og á sunnudaginn kemur í ljós
hvort Slóvakía, Kósóvó eða Lúx-
emborg fylgi Íslandi upp úr B-
riðlinum. Þau átta evrópsku lið sem
komast ekki áfram á EM 2022
koma svo inn í aðra umferð for-
keppni HM og þar með munu 12
lið bítast um að komast í þriðju
umferð, undankeppnina sjálfa.
Sex lið af þessum tólf munu
komast áfram í undankeppnina, þar
sem þau hitta fyrir evrópsku liðin
11 sem hafa þegar tryggt sér sæti
á EM. Af þessum 17 Evrópuliðum
komast svo 12 í lokakeppnina sem
mun fara fram í Indónesíu, Japan
og Filippseyjum í ágúst-september
árið 2023.
Stungu af í þriðja leikhluta
Eftir mikið jafnræði í fyrri hálf-
leik í leiknum gegn Slóvakíu í gær
var íslenska liðið með fjögurra
stiga forystu, 43:39, að honum
loknum. Íslensku leikmennirnir
mættu hins vegar af gífurlegum
krafti til leiks í þeim síðari og
spiluðu frábæran sóknarleik, sér-
staklega í þriðja leikhluta, þar sem
liðið náði 24 stiga forystu í leikhlut-
anum.
Þar með var ekki aftur snúið fyr-
ir Slóvaka, sem reyndu þó hvað
þeir gátu að koma sér inn í leikinn
á ný og voru sterkari aðilinn í
fjórða og síðasta leikhlutanum, þar
sem sóknarleikur íslenska liðsins
gekk illa. Þegar tæp mínúta var
eftir af leiknum höfðu Slóvakar
enda minnkað muninn niður í 10
stig, 89:79. Íslenska liðið komst þó
að lokum yfir þennan skelk sem
Slóvakarnir höfðu skotið því í
bringu, skoruðu næstu fimm stig
og unnu að lokum sterkan 15 stiga
sigur.
Jón Axel og Tryggvi öflugir
Jón Axel Guðmundsson lék frá-
bærlega í sigrinum gegn Slóvakíu
og var stigahæstur Íslendinga með
29 stig, þar af sex þriggja stiga
körfur úr 10 tilraunum. Auk þess
tók hann 6 fráköst og gaf 5 stoð-
sendingar. Þá náði Tryggvi Snær
Hlinason tvöfaldri tvennu þrátt fyr-
ir að lenda í villuvandræðum
snemma leiks með þrjár villur. Var
hann næststigahæstur Íslendinga
með 17 stig og tók 14 fráköst, auk
þess að gefa tvær stoðsendingar.
Þetta framlag Jóns Axels og
Tryggva reyndist afar mikilvægt
þegar upp var staðið og þá má ekki
gleyma framlagi Elvars Más Frið-
rikssonar, sem náði einnig tvöfaldri
tvennu. Skoraði hann 16 stig, gaf
10 stoðsendingar og tók fjögur frá-
köst. Þriggja stiga körfur Sig-
tryggs Arnars Björnssonar reynd-
ust sömuleiðis mikilvægar, en öll 12
stig hans í leiknum komu eftir
þriggja stiga skot. Kári Jónsson
átti þá góða innkomu af vara-
mannabekknum og skoraði 11 stig.
Ísland vann riðilinn í fyrstu
umferð forkeppni HM
 Íslenska liðið áfram í aðra umferð  Grunnurinn lagður í þriðja leikhluta
Ljósmynd/FIBA
Drjúgur Jón Axel Guðmundsson skorar eina af sex þriggja stiga körfum sín-
um í sigrinum gegn Slóvakíu. Hann var stigahæstur í leiknum með 29 stig.
34 ÍÞRÓTTIR
MORGUNBLAÐIÐ FÖSTUDAGUR 19. FEBRÚAR 2021
Evrópudeild UEFA
32-liða úrslit, fyrri leikir:
Olympiacos - PSV .................................... 4:2
 Ögmundur Kristinsson var ekki í leik-
mannahópi Olympiacos.
Benfica - Arsenal ..................................... 1:1
 Rúnar Alex Rúnarsson var ekki í leik-
mannahópi Arsenal.
Dynamo Kiev – Club Brugge .................. 1:1
Wolfsburger – Tottenham....................... 1:4
Real Sociedad – Manchester United ...... 0:4
Rauða stjarnan – AC Milan..................... 2:2
Slavia Prag – Leicester............................ 0:0
Braga – Roma........................................... 0:2
Krasnodar – Dinamo Zagreb .................. 2:3
Young Boys – Bayer Leverkusen........... 4:3
Antwerp – Rangers .................................. 3:4
Salzburg – Villarreal ................................ 0:2
Molde – Hoffenheim................................. 3:3
Granada – Napoli ..................................... 2:0
Maccabi Tel Aviv – Shakhtar Donetsk... 0:2
Lille – Ajax................................................ 1:2
Grikkland
Smyrnis - Lamia....................................... 0:1
 Theódór Elmar Bjarnason kom inn á
sem varamaður í uppbótartíma hjá Lamia.
Danmörk
B-deild:
Silkeborg - Kolding ................................. 3:0
 Stefán Teitur Þórðarson lék allan leikinn
með Silkeborg og skoraði. Patrik Gunnars-
son var í markinu.
 Manchester United er í ansi væn-
legri stöðu í 32-liða úrslitum Evr-
ópudeildarinnar í knattspyrnu eftir
4:0-útisigur á Real Sociedad í fyrri
viðureign liðanna í gærkvöldi. Að
vísu var um hálfgerðan útileik fyrir
bæði lið að ræða, leikið var í Torino
á Ítalíu þar sem Englendingar eiga
erfitt með ferðalög til Spánar
vegna kórónuveirunnar. Liðin
mætast aftur á Old Trafford í Man-
chester eftir viku og þurfa Spán-
verjarnir þar að vinna upp fjögurra
marka tap, miðað við leikinn í gær
eru það draumórar.
United hefur ekki fagnað sérlega
góðu gengi gegn spænskum and-
stæðingum undanfarin ár og var
liðið til að mynda ekki búið að vinna
í síðustu átta leikjum sínum gegn
liði frá Spáni. Þá hefur Real Socie-
dad spilað vel heima fyrir í vetur og
bjuggust flestir við jafnari leik.
Portúgalinn Bruno Fernandes
tók hins vegar málin í eigin hendur,
eins og svo oft fyrir rauðu djöflana,
og skoraði fyrstu tvö mörk leiksins
áður en þeir Marcus Rashford og
Daniel James bættu við. „Ég vil
skora eins mörg mörk og ég get en
mitt eina alvörumarkmið er að
vinna titla,“ sagði Portúgalinn svo
sigurreifur við BBC í leikslok. Unit-
ed hefur leikið fjórum sinnum í
undanúrslitum, í bikarkeppnum
heima fyrir og Evrópudeildinni á
síðustu leiktíð, frá því að Fern-
andes var keyptur fyrir rúmu ári.
Nú þarf liðið að reyna að stíga
næsta skref og takist það er alveg á
tæru að Portúgalinn, sem er búinn
að skora 21 mark í 36 leikjum á
þessu tímabili og alls 33 mörk í 58
leikjum fyrir United, verður að-
almaðurinn í þeirri velgengni.
United stendur vel að vígi í Evrópu
AFP
Marksækinn Bruno Fernandes
skoraði tvö mörk í gærkvöldi.
„Við áttum mjög góðan síðari hálfleik. Það tók
okkur smá tíma að finna taktinn og finna út úr
því hvað við ætluðum að gera í leiknum. Mér
fannst leikmennirnir gera mjög vel í að sýna
ákefð í síðari hálfleiknum og stóðu sig mjög vel
í sóknarleiknum. Þeir bjuggu til pláss fyrir
bakverðina fyrir utan teig en einnig fyrir
Tryggva inni í teig,“ sagði Craig Pedersen,
þjálfari íslenska landsliðsins í körfuknattleik, í
samtali við Morgunblaðið.
Pedersen sagði vörnina þó hafa skapað sig-
urinn „Ég tel að lykilinn að sigrinum hafi verið
varnarleikurinn. Við náðum að halda þeim niðri
og pirra þá á stundum. Það hjálpaði svo auðvit-
að sókninni, sérstaklega í þriðja leikhlutanum,
þegar við náðum talsvert af góðum skyndisókn-
um og létum boltann ganga mjög hratt.“
Hann sagðist heilt yfir vera ánægður með
frammistöðuna. „Það voru auðvitað tímapunkt-
ar í fyrri hálfleik þar sem hlutirnir gengu ekki
alveg nægilega smurt fyrir sig. Stundum þegar
liðið hefur ekki spilað lengi saman tekur það
smá tíma fyrir leikmenn að finna sameiginlegan
takt á ný. Sem betur fer fundum við hann.“
Í þriðja leikhlutanum jók íslenska liðið for-
ystuna úr fjórum stigum í 24 stig. „Þriðji leik-
hlutinn var afar sterkur hjá okkur og við náð-
um að stinga þá svolítið af. Það var að
sjálfsögðu frábært.“ En hverju breytti liðið í
síðari hálfleiknum?
„Við ræddum aðeins hvernig við töpuðum
boltanum í fyrri hálfleiknum og hvað við gæt-
um mögulega gert til þess að forðast slík mis-
tök með ýmsum hætti. Leikmennirnir gerðu
mjög vel í að laga þessa hluti í síðari hálf-
leiknum og héldu boltanum betur. Okkur tókst
að finna útfærslur sem voru að virka fyrir okk-
ur og náðum að framkvæma þær vel,“ sagði
Pedersen.
Hann sagðist einnig afar ánægður með fram-
lag varamannanna. „Annað sem var mikilvægt í
að ná fram sigrinum var sú staðreynd að leik-
mennirnir sem komu inn af bekknum stóðu sig
frábærlega. Þeir fengu margir hverjir mjög
verðmætar mínútur svo Tryggvi, sem átti í smá
villuvandræðum, og aðrir lykilmenn gætu feng-
ið hvíld,“ sagði Pedersen að lokum í samtali við
Morgunblaðið. gunnaregill@mbl.is
Ljósmynd/FIBA
Einbeittur Craig Pedersen var ánægður með
varnarleik íslenska landsliðins í sigrinum í gær.
Vörnin lykillinn að sigrinum
Handknattleikur
Úrvalsdeild karla, Olísdeildin:
Ásvellir: Haukar – Selfoss ................... 19.30
Knattspyrna
Deildabkikar karla, Lengjubikarinn:
Laugardalur: Þróttur R. – Breiðablik..... 18
Samsung-völlurinn: Stjarnan – ÍA .......... 18
Origo-völlurinn: Valur – Grindavík ......... 19
Í KVÖLD!
Olísdeild karla
Afturelding – ÍBV ................................ 29:34
Þór Akureyri – Stjarnan...................... 20:27
KA – Valur ............................................ 27:27
FH – ÍR ................................................. 34:29
Grótta – Fram....................................... 30:27
Staðan:
FH 10 6 2 2 294:264 14
Haukar 8 6 1 1 233:199 13
Afturelding 10 6 1 3 255:256 13
Stjarnan 10 5 1 4 271:264 11
Selfoss 8 5 1 2 216:193 11
ÍBV 9 5 1 3 265:249 11
Valur 10 5 1 4 288:280 11
KA 9 3 4 2 239:222 10
Fram 10 4 1 5 244:251 9
Grótta 10 2 3 5 244:249 7
Þór Ak. 10 2 0 8 224:265 4
ÍR 10 0 0 10 230:311 0
Meistaradeild karla
A-RIÐILL:
Kielce - Elverum.................................. 39:29
 Sigvaldi Björn Guðjónsson skoraði 5
mörk fyrir Kielce en Haukur Þrastarson er
frá keppni vegna meiðsla.
 Kielce 17, Flensburg 15, Meshkov Brest
11, Paris SG 10, Pick Szeged 10, Porto 8,
Elverum 4, Vardar 3.
B-RIÐILL:
Aalborg - Zagreb................................. 38:29
 Arnór Atlason er aðstoðarþjálfari Aal-
borg.
 Barcelona 24, Veszprém 17, Aalborg 12,
Motor Zaporozhye 12,, Kiel 9, Nantes 8,
Celje 6, Zagreb 0.
Evrópudeild karla
D-RIÐILL:
RN Löwen - Trimo Trebnie ............... 31:28
 Ýmir Örn Gíslason skoraði 2 mörk fyrir
Löwen.
Kadetten - Tatabánya......................... 27:23
 Aðalsteinn Eyjólfsson þjálfar Kadetten.
 RN Löwen 15, Eurofarm Pelister 9, GOG
8, Kadetten 8, Trimo Trebnje 4, Tatabánya
0.
Þýskaland
Göppingen - Stuttgart ........................ 27:17
 Janus Daði Smárason var ekki með
Göppingen vegna meiðsla.
 Viggó Kristjánsson skoraði 4 mörk fyrir
Stuttgart og Elvar Ásgeirsson ekkert.
Melsungen - Leipzig............................ 31:28
 Arnar Freyr Arnarsson skoraði ekki
mark fyrir Melsungen. Guðmundur Þ. Guð-
mundsson er þjálfari liðsins.
Füchse Berlín - Flensburg.................. 29:33
 Alexander Petersson var ekki með
Flensburg vegna meiðsla.
Staða efstu liða:
Flensburg 29, RN Löwen 23, Füchse Berl-
ín 23, Kiel 22, Magdeburg 21, Göppingen
21, Wetzlar 19, Leipzig 19, Bergischer 18,
Melsungen 17.