Morgunblaðið - 19.02.2021, Qupperneq 35

Forkeppni HM karla
B-riðill:
Slóvakía – Ísland .................................. 79:94
Kosovó – Lúxemborg........................... 89:99
Ísland 5 4 1 431:371 9
Lúxemborg 5 2 3 397:409 7
Slóvakía 5 2 3 390:386 7
Kosovó 5 2 3 382:434 7
 Ísland er komið áfram í aðra umferð for-
keppninnar sem fer fram í ágúst.
A-riðill:
Portúgal– Hvíta-Rússland .................. 75:57
Kýpur – Albanía ................................... 88:66
Portúgal 5 4 1 363:317 9
Hvíta-Rússland 5 4 1 405:275 9
Kýpur 5 1 4 302:397 6
Albanía 5 1 4 319:400 6
 Portúgal og Hvíta-Rússland eru komin
áfram í aðra umferð forkeppninnar sem fer
fram í ágúst.
NBA-deildin
Orlando – New York .......................... 107:89
Boston – Atlanta............................... 114:122
Philadelphia – Houston.................... 118:113
Chicago – Detroit ............................. 105:102
Minnesota – Indiana................. (frl.)128:134
Washington – Denver ...................... 130:128
Memphis – Oklahoma City .............. 122:113
New Orleans – Portland .................. 124:126
Golden State – Miami............... (frl.)120:112
LA Clippers – Utah............................ 96:114
 
 ÍÞRÓTTIR 35
MORGUNBLAÐIÐ FÖSTUDAGUR 19. FEBRÚAR 2021
Eitt
ogannað
 Sænski vinstri bakvörðurinn Jo-
hannes Vall er genginn til liðs við Ís-
landsmeistara Vals í knattspyrnu.
Þetta staðfesti félagið á samfélags-
miðlum sínum í gær en Vall, sem er 28
ára gamall, lék með Ljungskile í
sænsku B-deildinni á síðustu leiktíð.
Hann byrjaði 27 leiki liðsins í deildinni
en varnarmaðurinn er uppalinn hjá
Falkenbergs í Svíþjóð. Hann hefur
einnig leikið með Norrköping og Ös-
ters á ferlinum og þá á hann á að baki
leiki með yngri landsliðum Svíþjóðar.
 Endurhæfing Raúl Jiménez, fram-
herja enska knattspyrnufélagsins
Wolves, gengur vel en hann er byrj-
aður að æfa og hreyfa sig eftir að hafa
höfuðkúpubrotnað í leik með liðinu í
nóvember. Mexíkóinn var borinn af
velli eftir slæmt höfuðhögg gegn Ars-
enal í nóvember og er enn ólíklegt að
hann geti spilað meira á þessu tíma-
bili.
 Danska stórskyttan Mikkel Hansen
gæti verið á heimleið sumarið 2022 en
hann leikur nú með franska stórliðinu
PSG. TV2 heldur því fram að Hansen,
33 ára, hafi gert samkomulag við
danska meistaraliðið Aalborg þar sem
Arnór Atlason er aðstoðarþjálfari, en
þeir voru á sínum tíma liðsfélagar hjá
AG.
 Heimir Hallgrímsson, fyrrverandi
landsliðsþjálfari í knattspyrnu, er með
kórónuveiruna. Félag Heimis í Katar,
Al-Arabi, segir frá þessu á samfélags-
miðlum sínum í gær. Kemur þar fram
að Heimir sé með veiruna og að hann
verði því ekki á hliðarlínunni í næstu
leikjum liðsins.
Freyr Alexand-
ersson er að-
stoðarþjálfari
Heimis og gæti
því stýrt næstu
leikjum en
landsliðs-
fyrirliðinn
Aron Ein-
ar Gunn-
arsson
er einnig
á mála
hjá liðinu.
Orri Hlöðversson, formaður knatt-
spyrnudeildar Breiðabliks, verður
nýr formaður ÍTF, íslensks topp-
fótbolta, og tekur hann við af frá-
farandi formanni, Haraldi Haralds-
syni en Orri staðfesti þetta í samtali
við Morgunblaðið í gærkvöldi.
Greint var frá því í gær að Geir
Þorsteinsson væri einnig að sækjast
eftir formennsku ÍTF en hann
ákvað að draga framboð sitt til
baka á aðalfundi félagsins sem
haldinn var í gær. ÍTF eru hags-
munasamtök félaga í efstu deildum
karla og kvenna.
Orri verður
formaður ÍTF
Formaðurinn Orri Hlöðversson
verður nýr formaður ÍTF.
Tvö Íslendingalið voru að spila í
Meistaradeild Evrópu í handknatt-
leik í gærkvöldi og unnu þau bæði
sannfærandi sigra í riðlum sínum.
Pólska liðið Kielce vann 39:29-
sigur á Elverum frá Noregi en Sig-
valdi Björn Guðjónsson átti góðan
leik fyrir Kielce, skoraði fimm
mörk í leiknum. Kielce er með
tveggja stiga forystu á Flensburg á
toppi A-riðilsins, með 17 stig eftir
11 leiki. Þá vann Aalborg 38:29-
sigur á Zagreb á heimavelli sínum í
Danmörku. Arnór Atlason er að-
stoðarþjálfari danska liðsins.
AFP
Drjúgur Sigvaldi Björn Guðjónsson
skoraði fimm í Meistaradeildinni.
Sannfærandi í
Meistaradeild
HANDBOLTINN
Bjarni Helgason
bjarnih@mbl.is
Petar Jokanovic átti stórleik fyrir
ÍBV þegar liðið heimsótti Aftureld-
ingu í úrvalsdeild karla í handknatt-
leik, Olísdeildinni, að Varmá í Mos-
fellsbæ í tíundu umferð deildarinnar
í gær.
Jokanovic varði nítján skot í
markinu, þar af tvö vítaköst, en hann
hélt Eyjamönnum inni í leiknum
með nokkrum frábærum vörslum í
fyrri hálfleik.
Afturelding leiddi með einu marki
í hálfleik, 15:14, en í síðari hálfleik
náðu Eyjamenn þriggja marka for-
skoti þegar fimmtán mínútur voru til
leiksloka og innbyrtu 34:29-sigur í
leikslok.
Hákon Daði Styrmisson skoraði
níu mörk fyrir Eyjamenn og þá átti
ungstirnið Arnór Viðarsson mjög
góðan leik og skoraði sjö mörk.
„Eyjamenn nýttu sér veikleika
Mosfellinga sem er fyrst og fremst
reynsluleysi. Það var mjög augljóst
hvernig Mosfellingar misstu allt
sjálfstraust eftir því sem leið á leik-
inn og það sást best á því að þeir
köstuðu boltanum frá sér hvað eftir
annað eftir að Eyjamenn náðu yfir-
höndinni í leiknum.
Það má ekki gegn jafn góðu
hraðaupphlaupsliði og ÍBV og þrátt
fyrir frábæra byrjun á mótinu mun
það reynast Mosfellingum erfitt að
safna stigum í næstu leikjum með
marga lykilmenn í meiðslum. Á
sama tíma fá yngri leikmenn liðsins
afar dýrmæta reynslu í deild þeirra
bestu sem mun fleyta liðinu langt á
komandi árum,“ skrifaði undirrit-
aður meðal annars í umfjöllun sinni
um leikinn á mbl.is.
Ævintýraleg endurkoma
Það virtist allt stefna í sigur Vals á
Akureyri þegar liðið heimsótti KA í
KA-heimilið en Valsmenn leiddu
með þremur mörkum þegar rúm
mínúta var til leiksloka, 27:24.
Jóhann Geir Guðmundsson
minnkaði muninn í 25:27-fyrir KA og
Ari Bragi Eyjólfsson minnkaði mun-
inn í eitt mark þegar tæp mínúta var
til leiksloka.
Valsmenn töpuðu boltanum í
næstu sókn og Sigþór Gunnar Jóns-
son tryggði Akureyringum jafntefli
með lokamarki leiksins.
„KA var að elta allan seinni hálf-
leikinn en munurinn var alltaf tvö til
fimm mörk. Valsmenn sigldu fram
úr þegar styttist í leiknum og þeir
voru fimm mörkum yfir þegar fimm
mínútur lifðu.
Á einhvern óskiljanlegan hátt náði
KA að jafna leikinn. Valsmenn
misstu menn út af og spiluðu óskyn-
samlega úr sínu og því fór sem fór
hjá þeim,“ skrifaði Einar Sigtryggs-
son meðal annars í umfjöllun sinni
um leikinn á mbl.is.
FH-ingar á toppinn
Þá er FH komið í efsta sæti deild-
arinnar og upp fyrir Hauka eftir
fimm marka sigur gegn ÍR í Kapla-
krika, 34:29, en Haukar eiga þó tvo
leiki til góða á FH.
Sigur Hafnfirðinga var aldrei í
hættu en þeir náðu snemma fimm
marka mun, 8:3. FH-ingar juku for-
skot sitt jafnt og þétt og náðu mest
tíu marka forskoti í fyrri hálfleik,
19:9.
Breiðhyltingar náðu að minnka
forskot FH í fimm mörk í síðari hálf-
leik en virkuðu þó aldrei líklegir til
þess að koma til baka.
Birgir Már Birgisson átti stórleik
fyrir Hafnfirðinga, skoraði átta
mörk, og þá skoruðu þeir Ásbjörn
Friðriksson og Leonharð Þorgeir
Harðarson sjö mörk hvor.
Ólafur Haukur Matthíasson skor-
aði níu mörk úr níu skotum fyrir ÍR
en það dugði ekki til.
Á Akureyri vann Stjarnan sjö
marka sigur gegn Þór frá Akureyri í
Höllinni þar sem þeir Tandri Már
Konráðsson og Ólafur Bjarki Ragn-
arsson skoruðu fimm mörk hvor fyr-
ir Garðbæinga.
Stjarnan leiddi með fjórum mörk-
um í hálfleik, 12:8, en Garðbæingar
náðu mest tíu marka forskoti um
miðjan síðari hálfleikinn, 20:10.
Ihor Kopyshyskyi var at-
kvæðamestur í liði Þórs með sjö
mörk.
Þá vann Grótta sinn annan leik í
deildinni í vetur þegar Framarar
komu í heimsókn í Hertz-höllina á
Seltjarnarnesi.
Framarar byrjuðu leikinn af
krafti og náðu mest fimm marka for-
skoti í fyrri hálfleik, 15:10. Seltirn-
ingar minnkuðu forskotið í eitt mark
og Fram leiddi 17:16 í hálfleik.
Jafnræði var með liðunum í upp-
hafi síðari hálfleiks en þegar fimm-
tán mínútur voru til leiksloka tók
Grótta frumkvæðið í leiknum og hélt
því það sem eftir lifði leiks.
Birgir Steinn Jónsson var marka-
hæstur Seltirninga og skoraði sjö
mörk og Daníel Örn Griffin fimm. Þá
átti Stefán Huldar Stefánsson stór-
leik í markinu og var með 45% mark-
vörslu eða 22 skot varin.
Vilhelm Poulsen var markahæst-
ur Framara með sex mörk.
Eyjamenn and-
lega sterkari
í Mosfellsbæ
Morgunblaðið/Kristinn Magnússon
Drjúgur Mosfellingar réðu illa við hinn 19 ára gamla Arnór Viðarsson.
 KA kom til baka eftir að hafa verið
þremur mörkum undir á lokamínútunum
Katla Björg Dagbjartsdóttir úr Skíðafélagi Akur-
eyrar hafnaði í 34. sæti í stórsviginu á HM í Cortina
á Ítalíu í gær.
Katla fór ferðirnar tvær á samtals 2:44,85 mín-
útum og náði 34. sæti þótt hún hafi verið með rás-
númer 75 sem þýddi að brautin var orðin afar erfið
þegar hún fór niður í fyrri ferðinni. Raunar voru að-
stæður krefjandi og margar snjallar skíðakonur
keyrðu út úr brautinni. Katla verður 22 ára í haust
en hún kemur úr mikilli skíðafjölskyldu því systur
hennar, Tinna og Hrefna, voru báðar í landsliðinu.
Hólmfríður Dóra Friðgeirsdóttir úr Ármanni
komst einnig niður brautina í báðum ferðunum og
tími hennar samtals var 2:49,37 mínútur. Hafnaði
Hólmfríður í 35. sæti en hún var með rásnúmer 58
og keppti fyrst Íslendinga á mótinu. Hólmfríður var
með á HM fyrir tveimur árum og hafnaði þá í 49.
sæti í stórsvigi og er því á uppleið.
Sigríður Dröfn Auðunsdóttir úr ÍR keyrði út úr í
síðari ferðinni en var í 45. sæti eftir fyrri ferðina og
var með rásnúmer 66.
Hjördís Ingvadóttir úr Ármanni var dæmd úr leik
eftir fyrri ferðina og fór af leiðandi ekki í þá síðari.
Var hún með rásnúmer 77.
Annað gullið hjá Gut-Behrami
Lara Gut-Behrami frá Sviss varð heimsmeistari
og hefur þá unnið tvær greinar á HM því hún sigraði
einnig í risasviginu. Gut-Behrami skaust naumlega
fram fyrir Mikaelu Shiffrin frá Bandaríkjunum sem
var með forystuna eftir fyrri ferðina og virtist líkleg
til að næla í sitt fyrsta gull í stórsvigi á HM. Svo fór
ekki og Gut-Behrami sigraði og varð 0,02 sekúndum
á undan Shiffrin. Þar með hafa svissnesku konurnar
náð í fjögur gull í fyrstu fimm greinunum í kvenna-
flokki en einungis keppni í svigi er eftir. sport@mbl.is
Katla Björg í 34. sæti á HM
Ljósmynd/Skíðasambandið
Krefjandi Katla Björg Dagbjartsdóttir stóð sig
vel við afar erfiðar aðstæður á Ítalíu í gær.