Þjóðmál - 01.06.2017, Qupperneq 66

64 ÞJÓÐMÁL sumarhefti 2017
Það er vel við hæfi að líkja umhverfi íslensks
sjávarútvegs við sjólag. Stundum er sjólag
gott. Innri og ytri aðstæður eru góðar og allt
gengur vel. En við vitum líka að skjótt skipast
veður í lofti og nú í dag er úfinn sjór í rekstri
íslenskra sjávarútvegsfyrirtækja og teikn á
lofti að enn dýpri lægðir þokist yfir greinina.
Spila þar margir samverkandi þættir inn í, en
íslensk sjávarútvegsfyrirtæki – með framsýni
og styrk – undirbúa sig að takast á við úfnari
sjó. En hverjir eru helstu áhættuþættirnir í
rekstri sjávarútvegsins í dag?
Raungengi íslensku krónunnar er komið
yfir þolmörk fyrir allar útflutningsgreinar og
ekkert lát virðist vera á styrkingu krónunnar.
Seðlabankinn hefur reynt að stemma stigum
við styrkingunni með uppkaupum á erlend-
um gjaldeyri, en það hefur ekki dugað til
enda hefur stýrivöxtum verið haldið háum á
sama tíma.
---
Það er erfitt að meta hversu lengi þessi styrk-
ingarfasi heldur áfram, en eitt er víst að mörg
sjávarútvegsfyrirtæki munu fljótlega lenda í
miklum vandræðum sökum þessa – sérstak-
lega í ljósi þess að margir kostnaðarliðir eins
og laun hafa hækkað mikið undanfarin ár á
meðan tekjusamdráttur fylgir styrkingunni.
Samtök atvinnulífsins hafa kallað eftir því
að Seðlabanki Íslands lækki vexti verulega
strax til að bregðast við gengisþróun íslen-
sku krónunnar. Yrði það til þess að minnka
fjárfestingar erlendra fjárfestingasjóða sem
leita í hávaxtahagkerfi en ekki síst til þess
að hvetja lífeyrissjóði og aðra fjárfesta til að
koma gjaldeyri úr landinu með fjárfestingum
erlendis. Eins og staðan er núna er hvatinn
lítill fyrir viðkomandi aðila að hreyfa fé úr
hávaxtaumhverfi Seðlabanka Íslands.
Sjávarútvegur
Jens Garðar Helgason
Íslenskur sjávarútvegur er
atvinnugrein tækifæranna
Hér er birt brot úr ávarpi sem Jens
Garðar Helgason, formaður Samtaka
fyrirtækja í sjávarútvegi (SFS) flutti á
aðalfundi samtakanna þann 28. maí
sl. Í ávarpi sínu fór Jens Garðar yfir
helstu áskoranir í íslenskum sjávarút-
vegi í dag, umræðuna um svokallaða
sátt í greininni og þá miklu uppbygg-
ingu og áhrif sem íslenskur sjávar-
útvegur hefur á byggðir og hagkerfi
landsins.