Strandapósturinn - 01.06.1974, Side 11

Sigldu að landi sóknar-djarfir
synir Herröðs hvítaskýs,
allir voru þessir þarfir
í þungri rimmu vopnagnýs.
Ófeigur var afarmenni
Ingólfur við hlið hans stóð
Eyvind líka kappa kenni
kusu byggð á norður-slóð.
Trékyllis er víkin væna
vorhlý byggð í Árneshrepp,
með víðlend engi og velli græna
vekur yndi hverjum grepp.
Eiríkur — þar átti — snara
óðal sitt á landnáms-tíð.
Eggver stór og fengsæl fjara
fjalla-sýnin björt og víð.
Önundur frá Ökrum flúinn
átti bú í Kaldbaksvík.
Manndóms-kostum mörgum búinn
mikil kempa hreysti-rík.
Konungs hylli kaus að sleppa
hvergi brást um grið og tryggð.
Kröpp þó væru kaup að hreppa
Kaldbak fyrir Akrabyggð.
í Bjarnarfirði lét að landi
láni gæddur frægur Björn.
Hvar sem glumdi vopna vandi
vakti grimman styrjar örn.
Konan Ljúfa, sonur Svanur
sá var fóstri Hallgerðar,
ýmsum galdra-glettum vanur
geymt í sögum nafn hans var.
9