Strandapósturinn - 01.06.1982, Side 61

framan segir, fluttu tveir nýir bændur að Bæ. Það voru þeir:
Stefán Hjartarson frá Hjarðarholti í Laxádal og kona hans
Sólveig Böðvarsdóttir frá Rútsstöðum og Böðvar Eyjólfsson frá
Sámsstöðum og kona hans Ólöf Sigurjónsdóttir frá Svalhöfða.
Þessir bændur og konur þeirra voru hesta og gleðimenn í góðri
merkingu þeirra orðs enda Laxdælingar öll en þar vestan heiða
var glaðvært og gott manna og hestalíf einkenni sveitarinnar.
Stefán og Böðvar bjuggu ekki lengi í Bæ. Þeir fluttu suður í
Kópavog, þar sem Stefán lést stuttu síðar. Þetta sama ár 1946
fluttu tveir bræður að Bæ sem hafa búið þar síðan, þeir Ólafur
og Benóní Guðjónssynir frá Miðhúsum. Kona Ólafs er Kristín
Guðbjartsdóttir og kona Benónís er dóttir Kristínar, Laufey
Dagbjartsdóttir.
Búskapur í Bæ kvað vera allur með myndarbrag enda þeir
bræður og konur þeirra velþekkt dugnaðarfólk.
Bær í Hrútafirði er gamall þingstaður og hafa þar margir
hlutir gerst bæði góðir og sárir en tíminnn hefur breitt blæju
gleymskunnar yfir þá flesta.
Það er fallegt i Bæ, útsýni mikið og einhver höfðingjabragur
sem fylgir staðnum.
IX.
Hlaðhamrar
Næsti bær innan við Bæ er Hlaðhamar. Þar bjuggu á minni
tíð hjónin Ólafur Þorsteinsson og Jóna Jónsdóttir. Þau áttu
stóran hóp barna og voru í fyrstu leiguliðar. Jörðin var þá í eigu
hálf afasystkina Jónu þeirra Guðmundar Ögmundssonar á
Fjarðarhorni og Kristínar systur hans.
Þeim Ólafi og Jónu tókst með óþreytandi elju og vaxandi
aðstoð barna sinna eftir því sem þau komust á legg að eignast
jörðina. Þau reistu sér rúmgott íbúðarhús í stað gamals og lág-
reists bæjar og nutu álits sveitunga sinna fyrir glaðværð og
gestrisni.
Ólafur var lengi í stjórn Kaupfélags Hrútfirðinga á Hlað-
hamri. Ég minnist þess að hafa komið tvisvar að Hlaðhamri. Það
59