Strandapósturinn - 01.06.1982, Side 64

Brynjólfur Sæmundsson:
Strandaannáll 1972
Tíðarfar:
I byrjun árs 1972 ríkti landsynningur. Janúar var góðviðrasamur,
snjó tók upp og þó kuldaþræsingar væri á milli gerði eyður. Næstu
mánuðir voru framúrskarandi mildir. í febrúar var storma- og vætu-
samt, en stillur á milli. Litur fór að sjást í túnum snemma í mars.
Tvisvar gerði þó hríðargusur í mánuðinum. Upp úr miðjum apríl tók
að grænka á móti sól, en síðustu daga mánaðarins gerði norðangarð.
Kom þá snjóföl sem tók þó fljótt upp. Mestan hluta maímánaðar var
hlý sunnanátt og sauðgróður var kominn um miðjan mánuðinn.
Sauðburðartíð var fremur hagstæð. Síðustu viku mánaðarins gerði þó
norðangarð og gránaði þá i fjðll. Fyrstu dagar júnímánaðar voru kaldir.
Eftir það var hlýtt fram yfir miðjan mánuð og fór þá gróðri vel fram, en
þá gerði kuldakast sem hélst mánuðinn út. Snjóaði þá í fjöll og kyrr-
staða varð á sprettu. Júlímánuður var hlýr en mjög vætusamur, eink-
um framan af. Grasspretta var ágæt eftir að leið á mánuðinn. Sláttur
hófst yfirleitt snemma í mánuðinum, en gekk hægt sökum rigninga.
Góður þurrkakafli kom síðast í mánuðinum og varði í hálfs mánaðar-
tíma. Eftir það byrjuðu votviðrin að nýju og héldust að miklu leyti fram
í miðjan september. Góðviðri hélst með hlýindum fram í miðjan sept-
ember, en þá fóru að koma frostnætur. Ekki snjóaði í fjðll fyrr en síðustu
nótt septembermánaðar. Uppskera garðávaxta var vel í meðallagi.
Vegna ríkjandi sunnan og suðvestanáttar yfir heyskapartímann var
heyskapartíð miklum mun hagstæðari norðan til í sýslunni, heldur en
þegar sunnan dró. Tíðarfar var hagstætt fram eftir október og olli
ekki töfum við förgun og önnur hauststörf, en 27. oktober gerði norð-
anáhlaup sem stóð þó stutt. Varð þá stórfellt tjón á rafmagns og
símalinum vegna mikillar ísingar, sem sligaði línur og braut fjölda
62