Strandapósturinn - 01.06.1983, Qupperneq 45

Stefán Pálsson
frá Víðidalsá:
Fé sótt í Kinnastaðarétt
haustið 1922
Þeir Strandamenn, sem muna hálfa öld aftur í tímann,
minnast með ódulinni virðingu heiðurshjónanna Þorsteinsínu
Brynjólfsdóttur og Páls Gíslasonar sem þá sátu rausnarbýlið
Víðidalsá í Steingrímsíirði. Heimili þeirra var þekkt fyrir gest-
risni og myndarskap og ekki varpaði mannvænlegur barnahópur
skugga yfir staðinn. Mun flestum, sem þangað lögðu leið sína
hafa fundist þeir ganga á gagnvegum götuna þangað heim.
Stefán Pálsson, eldri sonur Víðidalsárhjónanna, er nú hálf
áttræður orðinn. Á þeim árum, sem hann var ungur maður
heima í föðurgarði voru okkar kynni nokkur og síðan höfum við
vitað hvor af öðrum, þótt fundir hafi verið strjálir.
Ég hitti Stefán, ásamt konu sinni, á Náttúrulækningahælinu i
Hveragerði. Og þar sem sá ágæti staður er þekktur fyrir það að
gera menn unga í annað sinn tókum við tal saman og þá helst í
þeim dúr að skyggnast inn í hina glöðu fortíð.
Hér á eftir fer dálítil saga, sem ég skráði eftir Stefáni. Hún er
vala úr gullastokki minninganna og því vel við hæfi að hún
varðveitist á síðum Strandapóstsins, sem að minni hyggju á fyrst
og fremst að grípa græn strá af götunni sem að baki liggur.
Þ.M.
43