Strandapósturinn - 01.06.1983, Qupperneq 53

til tíðinda mátti teljast í sveitinni og ef um stærri fréttir var að
ræða úr nágrannabyggðunum.
Mikil vinna hefur verið í því að skrifa svona sveitablað og lítil
hafa ritlaunin verið því það mun hafa kostað jafngildi 5 aura að
fá að lesa blaðið en fólkið í sveitinni hafði mikla ánægju af þessu
og hlakkaði alltaf til að sjá næsta blað.
Þá gerist það til tíðinda í Tungusveit að farið er að gefa út
annað blað sem hlaut nafnið „Unglingur“. Ekki veit ég hvenær
Unglingur kom fyrst út eða hvort Gestur var þá hættur að koma
út og má vera að þau hafi bæði komið út að einhverju leyti á
sama tíma.
Árið 1891 kemur svo út nýtt sveitarblað í Tungusveit og var
nafn þess „Dalbúi“. Útgefendur þess voru tveir bræður Níels og
Halldór Jónssynir frá Tind í Miðdal. Niels bjó síðar að Grænhól
á Gjögri við Reykjarfjörð en Halldór bjó í Miðdalsgröf í Miðdal
í Tungusveit frá 1902 til 1912, en 5. október 1912 drukknaði
hann í Steingrímsfirði. Halldór var merkur fræðimaður og eru
handrit hans í Landsbókasafni. Níels bróðir hans var einnig
fræðimaður og meðal annars hélt hann dagbækur í 40 ár eða til
æviloka, hann andaðist á Grænhól 1. mars 1934.
Forsíða 1. árgangs Dalbúans var skrautrituð og orðuð þannig:
DALBÚINN
VIKUBLAÐ
Til skemmtunar osr fróðleiks.
1. Ar.
Verð árgangsins 60 aurar.
14 blöð, frá fyrsta jan. til 18. aprilis.
Ábyrgðarmaður og ritstjóri
Níels Tónsson
1891.
Níels var ábyrgðarmaður og ritstjóri fyrsta árgangs en þá tók
Halldór bróðir hans við og gaf út tvo næstu árganga. Fyrsti
árgangur hefst á eftirfarandi:
51