Strandapósturinn - 01.06.1983, Síða 57

Dalbúinn 3. árg. 1893.
Efni fyrsta blaðs var meðal annars:
Veðurathuganir. Fréttir. Skýrslur um fóðurbirgðir og fóður-
eyðslu í Kirkjubólshreppi veturinn 1891—1892.
I þessum árgangi er meðal annars framhaldsgreinaflokkur um
eldgos og jarðskjálfta á íslandi, ennfremur nöfn og staðsetning
eldfjalla.
Þá eru nöfn íslenskra blaða og hvenær þau komu út. Lög
Lestrarfélagsins í Kirkjubólshreppi og skrá yfir bækur félagsins
sem eru þá 149 að tölu. Skýrsla um jarðabætur unnar í Bún-
aðarfélagi Kirkjubólshrepps 1892. Þetta er aðeins örlítið sýnis-
hom af efni því sem birtist í 3. árg. Dalbúans.
Ég tek hér með fréttagrein úr Dalbúanum 7. febrúar 1893.
Hinn 7. þessa mánaðar var haldinn fundur á Kirkjubóli til að
útgera um hvenær og hverjir skyldu rífa skipið sem strandaði í
Naustavíkinni og tók Guðmundur Árnason það að sér að rífa
skipið fyrir 650 krónur og á að borga helminginn í innskrift en
hinn helminginn í peningum og ábyrgjast það þrír menn n.l.
Guðjón á Ljúfustöðum, Jón i Tungu og Björn á Smáhömrum. Á
að byrja að rífa skipið með góu byrjun, voru gjörðir skriflegir
samningar um hvemig rífa skyldi skipið, skemma ekkert, bera
upp allt og sortera.
Á Bjamamesi er búið að drepa um 40 höfrunga og eitthvað
lítið í Asparvik og Kleifum. Hákarlsafli er svo sem enginn enda
hefur ekki verið róið fyrir ísnum og heldur ekki vakað á nema
einstaka sinnum.
Svo að kalla autt er sagt að sé suður í Geiradal og víðar fyrir
sunnan og er það munur eða hér þó ekki sé langt á milli.
Nú hef ég fengið greinilegri fréttir um höfrunga drápið heldur
en þegar ég skrifaði fréttagreinina fremst í þessu blaði. 38 höfr-
ungar hafa verið drepnir í Asparvík, og 40 eins og sagt var á
Bjarnarnesi en Eymundur í Bæ bannaði Guðmundi bónda þar
að skera þá upp eða eiga neitt við þá fyrr en búið væri að láta
sýslumann vita af drápinu sem Guðmundur á þó sjálfur, var því
maður sendur inneftir til sýslumanns. 4 höfrungar drepnir á
Kleifum, 2 á Ósi, 4 á Hrófbergi, 1 rak á Grænanesi og 1 á
55