Strandapósturinn - 01.06.1983, Qupperneq 108

mundsdóttir kona hans áttu margt mannvænlegra barna. Hinn
bóndinn var Vigfús Guðmundsson en hann og Steinunn Jóns-
dóttir kona hans bjuggu á litlum og lágum torfbæ. Þau voru
síðar í húsmennsku heima á Prestsbakka í tvö ár og urðu ásamt
dætrum sínum Sólbjörgu og Jónu okkur systkinum mjög kær.
Vigfús var bróðir Kristínar konu Sigfúsar bónda svo að þar voru
tengdir og frændsemi.
Ég kom á bæði býlin en þó oftar til Vigfúsar og Steinunnar
enda þekkti ég þau mjög vel eftir veru þeirra á Prestsbakka. Gott
var á báða bæina að koma en nú eru breyttir tímar. Jörðin
Stóra-Hvalsá er í eyði en áin og býlin bæði í eigu laxveiðimanna
úr Reykjavík.
XIV
Borgir
Það var löng leið en léttfarin frá Prestsbakka framhjá Kollsá
og Hvalsárbæjum að samkomuhúsi ungmennafélagsins Hörpu í
Bæjarhreppi. Þessi leið var oft farin á æskuárum mínum. Sam-
komuhúsið var víst ekki stórt en heil höll í hugum okkar enda
ríkti þar gleði og glaumur og ekki síður sökum þess að aldrei sást
vín á mönnum þar svo ég muni.
Harmoníkan var þeytt af ýmsum m.a. bræðrum frá Kolla-
fjarðarnesi Magnúsi og Matthíasi Jónssonum eða Hans og
Steingrími Sigfússonum frá Stóru-Hvalsá. Ýmis önnur
skemmtiatriði voru hjá okkur svo sem upplestur en bjarmi
bjartra stunda býr enn í huga mínum þegar ég minnist Borga.
Þá var líka gott að minnast systkinanna sem bjuggu saman á
Borgum en þau voru Ólafur, Skúli, Ingibjörg og Helga. Þessi
systkin giftust ekki en ólu upp Þóri Daníelsson bróðurson sinn.
XV
Kolbeinsá
Á minni tíð var tvíbýli á Kolbeinsá. Bjuggu þar í sama húsinu
sem var reisulegt timburhús; Björn Finnbogason og kona hans
Guðlaug Lýðsdóttir og Jón Jónsson og kona hans Ingibjörg
Ólafsdóttir. Var ég í barnaskóla þar í nokkrar vikur og líkaði
106