Strandapósturinn - 01.06.1983, Page 120
en um miðjan október, enda er þá ekki meiri framkvæmda að
vænta á þessu hausti.
2) Ég get ei að sinni sagt annað eða ritað en að almúginn í
Strandasýslu hafi auðsýnt hlýðni og iðni við garðhleðsluna og
vænti þess, að hún muni með tímanum komast í fullkomið lag.
Nokkrir hafa á þessu ári hlaðið meira en fyrirskipað er. Því er það
mín skoðun fullkomin,
3) að eigi beri að sekta einn einasta af þeim 105 bændum í
Strandasýslu, sem hér eru nefndir. Að öðru leyti sendist hr.
Stiftamtmanninum þessar skýrslur talis, qvales, tandem (slíkar
sem þar eru ) til náðugrar yfirvegunar.
Felli, hinn 29. september 1787
Halldór J akobsson
Skrá þessi sýnir, að um % hlutar bænda í Strandasýslu sýndu á
árunum 1786—1787 með vissu lit á að hlýðnast fyrirmælum
tilskipunarinnar frá 1776. Þetta er vonum framar, enda var
geysilegur harðindakafli nýlega genginn um garð, sjálf Móðu-
harðindin. Langafkastamestur sýnist Jörundur á Krossnesi að
hafa verið, enda fjölkunnugur talinn. Annars kynni bóndinn á
Kjörseyri að hafa verið jafnafkastamikill, enda kveður danski
náttúruskoðarinn N.P. Mohr, sem hér ferðaðist á árunum
1780—1781, túnið þar hafa veriðgirt að fullu. Slíka sjón sá Mohr
hvergi annars staðar á Islandi.
118