Strandapósturinn - 01.06.1983, Page 125

Magnús Guðberg Elíasson
frá Veiðileysu
Læknir sóttur
Ég fór þessa ferð í maí árið 1917 frá Veiðileysu í Árneshreppi
til Hólmavikur. Ég fór með lýsingu af sjúklingi frá yfirsetukon-
unni á Dröngum, Steinunni Guðmundsdóttur.
Ekki var mér sagt að hraða ferðinni svo mjög, fer ég strax frá
Veiðileysu að Reykjarvík á Bölum og gisti þar um nóttina. Éer ég
frá Reykjarvík um kl. 7 um morguninn á leið til Hólmavíkur og
var ég kominn um kl. 11 um kvöldið til Hólmavíkur. Færi ég
strax lækninum, Magnúsi Péturssyni, lýsinguna.
Að loknum lestri spyr hann mig hvar ég hafi verið um nóttina?
Ég segi honum að ég hafi gist í Reykjarvík. Þá verður hann
hálfreiður og spyr mig hvers vegna ég hafi ekki flýtt mér meira?
Segi ég að mér hafi ekki verið sagt að flýta mér svo mjög. Þá
segist hann vera tilbúinn eftir hálftíma og eftir skamma stund
kemur hann ferðbúinn og þá leggjum við strax af stað. Fékk ég
Loft Bjarnason að flytja okkur á bát yfir fjörðinn yfir að Sand-
nesi og fengum við hörkubarning á leiðinni yfir fjörðinn.
Þegar við erum lentir á Sandnesi, réttir læknirinn mér tösku
og frakka sem hann hafði meðferðis, tekur svo á sprett. Þá segir
Loftur við mig: „Ég held að hann geri út af við þig á leiðinni
norður, af því að hann er göngugarpur mikill.“