Morgunblaðið - 02.10.2021, Blaðsíða 4

4 FRÉTTIR
Innlent
MORGUNBLAÐIÐ LAUGARDAGUR 2. OKTÓBER 2021
MEÐ DINNU OG HELGA
ÚRVAL ÚTSÝN HLÍÐASMÁRI 19, 201 KÓPAVOGUR SÍMI 585-4000 INFO@UU.IS
SKÍÐAFRÍ Á ÍTALÍU 2022
Nú er tíminn til að bóka skíðaferðina eftir áramót!
Við erum með vikulegt beint flug til Ítalíu þar sem
farþegar okkar geta valið úr tveimur frábærum
skíðasvæðum, Pinzolo og Madonna.
Kláfur tengir skíðasvæðin Pinzolo og Madonna
svo auðvelt er að nýta sér bæði skíðasvæðin.
Dinna og Helgi eru hokin af skíðareynslu og hafa
marga skíðafjöruna sopið enda voru þau ung gefin
saman í skíðaskála í Bláfjöllum.
Innifalið, flug, gisting, flutningur á skíðabúnaði,
íslensk fararstjórn og innritaður farangur
VERÐ FRÁ:129.900 KR.
á mann m.v. tvo fullorðna og tvö börn í tvíbýli með hálfu fæði
SKÍÐI
2022PINZOLO EÐAMADONNA
ÍSLENSK
FARARSTJÓRN OG
FLUTNINGUR Á
SKÍÐABÚNAÐI
INNIFALIÐ Í VERÐI
Jarðskjálfti upp á 3,8 stig reið yfir
suðvesturhornið í hádeginu í gær.
Skjálftinn átti upptök sín á 5,8 km
dýpi. Fjöldi annarra skjálfta reið
yfir svæðið í gær og allir áttu upp-
tök sín í grennd við Keili. Sam-
kvæmt upplýsingum frá Veðurstofu
Íslands bárust stofnuninni margar
tilkynningar um skjálftann. Hann
fannst vel á höfuðborgarsvæðinu, í
Reykjanesbæ og alla leið upp á
Akranes. Alls hafa átta skjálftar af
stærð 3 eða stærri mælst síðan
skjálftahrina hófst suðvestur af
Keili 27. september.
Í fyrrinótt fannst einnig snarpur
jarðskjálfti af stærð 3,6 í grennd
við Keili. Þessi skjálftahrina á upp-
tök sín á sama stað og þeir skjálft-
ar sem riðu hér yfir áður en eld-
gosið í Fagradalsfjalli hófst.
Náttúruvársérfræðingur Veður-
stofu Íslands telur að skjálftarnir
eigi upptök sín yfir þeim kviku-
gangi sem myndaðist skömmu áður
en gosið hófst.
Mælingar sýna að ekkert hraun-
flæði hefur verið líklega frá 18.
september úr gígnum í Geldinga-
dölum. Rennsli hraunsins hefur þó
verið um einn rúmmetri á sekúndu
síðustu tólf daga. logis@mbl.is
Snarpir skjálftar
á Reykjanesskaga
Lo
ft
m
yn
d
ir
eh
f.
Skjálftahrina á Reykjanesskaga
Keflavík
Njarðvík Vogar
Grindavík
Keilir
Kleifarvatn
Krýsuvík
Fagradals-
fjall
3,8
Fös. 1. okt. Stærð
Kl. 11.28 3,8
Kl. 02.14 3,0
Kl. 02.06 3,6
Fim. 30. sept. Stærð
Kl. 22.10 3,2
Kl. 13.54 3,5
Kl. 11.14 3,0
Kl. 01.52 3,7
Mið. 29. sept. Stærð
Kl. 15.00 3,0
- Enn ekkert hraunflæði úr gígnum
Sigurður Bogi Sævarsson
sbs@mbl.is
Lagni og útsjónarsemi þurfti þegar
Silfrastaðakirkja í Blönduhlíð í
Skagafirði var tekin af grunninum í
gær, sett á vörubílspall og flutt til
viðgerðar. Nokkra klukkutíma tók
að ná sæmilegu taki svo hægt væri
að hífa kirkjuna, en til þess var not-
aður stór byggingarkrani.
Silfrastaðakirkja var byggð árið
1896 og hefur sett sterkan svip á
umhverfi sitt, undir háum fjöllum.
Hefur hvílt á eins konar grjótpúða
á jörðinni og er fótstykki orðið
mjög fúið. Þá er gólfið sigið. Þetta
er meðal þess sem starfsmenn í
Trésmiðjunni Ýri á Sauðárkróki
munu bæta. Nokkrir mánuðir eru
frá því turnspíra kirkjunnar var
tekin ofan og farið með hana í við-
gerð. Að grunnformi er Silfrastaða-
kirkja áttstrend, 6,5 m að þvermáli
en hliðar 2,70 m að lengd. Þakið er
krossreist upp af hliðarveggjum og
tengt stöpli. Kirkjan er klædd
sléttu járni. Á sex hliðum eru boga-
dregnir steypujárnsgluggar.
„Óneitanlega verður talsvert
svipminna að líta hingað heim að
Silfrastöðum þegar engin er kirkj-
an, en við reiknum með að óumflýj-
anlegar viðgerðir, sem njóta til-
styrks Minjastofnunar, taki þrjú til
fimm ár,“ sagði María Jóhanns-
dóttir á Kúskerpi, formaður sókn-
arnefndar Silfrastaðasóknar, í sam-
tali við Morgunblaðið.
Ljósmynd/Drífa Árnadóttir
Skagafjörður Áttstrenda kirkjan í lausu lofti. Langan tíma tók að ná réttu og góðu taki, því ekkert mátti klikka.
Silfrastaðakirkja flutt á brott
- 125 ára gamalt guðshús til viðgerðar á Sauðárkróki
Félagsmálaráðuneytið leitaði eftir
samstarfi við sveitarfélögin á höfuð-
borgarsvæðinu um lausnir til
skemmri og lengri tíma vegna rekst-
urs öryggisgæslu/öryggisvistunar
fyrir ósakhæfa einstaklinga. Niður-
staðan var sú að Reykjanesbær tók
jákvætt í erindið, eins og kom fram í
Morgunblaðinu í gær.
Leitað var nánari upplýsinga hjá
ráðuneytinu sem svaraði greiðlega.
Gert er ráð fyrir að lóð heimilisins
geti orðið allt að 2.200 fermetrar, en
stærð hennar hefur ekki verið ákveð-
in. Félagsmálaráðuneytið og Fram-
kvæmdasýsla ríkisins vinna að frum-
hönnun byggingarinnar. Gert er ráð
fyrir að byggingin falli vel að um-
hverfinu. Markmiðið er að tryggja
öruggt umhverfi fyrir íbúa og starfs-
menn og að það auki möguleika þeirra
sem þar búa til betra lífs.
Þurfa aukinn stuðning
„Öryggisgæsla byggist fyrst
fremst á því að umhverfi sé hannað að
starfseminni með sérhæfðu starfs-
fólki sem eykur líkur á því að þeir sem
þar dvelja geti betur aðlagast sam-
félaginu með virkri þátttöku og auknu
sjálfstæði.
Hér er leitast við að búa til heimili
fyrir fatlað fólk sem þarf aukinn
stuðning og sérhæfða meðferð á leið
sinni út í samfélagið.
Lagt er upp með þá grunnhug-
mynd að um heimili fólks sé að ræða
og að sú aðstoð sem veitt er styðji fólk
til þess að það geti lifað sjálfstæðara
lífi. Hér er því ekki um fangelsi að
ræða heldur sérhæfða endurhæfingu
fatlaðs fólks.“
Ráðuneytið segir að fyrir liggi
skýrsla frá 2016 um stöðu þeirra sem
taldir eru þurfa á öryggisgæslu/ör-
yggisvistun að halda á Íslandi.
„Í vinnu þess starfshóps sem vann
skýrsluna var haft samráð við fulltrúa
innanríkisráðuneytisins (nú dóms-
málaráðuneyti) um æskileg viðmið að
því er varðar viðbragðstíma lögreglu
ef þörf væri á sérstakri aðstoð. Nið-
urstaða þeirra skoðunar var að æski-
legur viðbragðstími lögreglu til heim-
ilisins (öryggisgæslu/öryggisvistun)
væri um (5-7 mín.).“
Ekki gilda sérstök viðmið um fjar-
lægð frá heilsugæslu enda gert ráð
fyrir því að þeir sem búa á heimilinu
njóti sömu heilbrigðisþjónustu og aðr-
ir íbúar. Sé þörf fyrir sérhæfðari að-
stoð er gert ráð fyrir aðgengi að sér-
fræðingum Landspítala eða öðrum
sérfræðingum eftir þörfum.
Ítarlegt frumvarp í vinnslu
Félagsmálaráðuneytið hefur á
þingmálaskrá sinni veturinn 2021 og
2022 ítarlegt frumvarp um fram-
kvæmd öryggisgæslu og annarra ör-
yggisráðstafana sem einstaklingi er
gert að sæta samkvæmt dómi eða úr-
skurði. Markmið með löggjöfinni yrði
að tryggja þeim sem þurfa á slíkum
úrræðum að halda vegna öryggis síns
og/eða annarra viðeigandi stuðning.
Einnig að tryggja að fyllsta réttar-
öryggis sé gætt þegar brýna nauðsyn
ber til að grípa inn í líf þeirra. „Það er
von ráðuneytisins að frumvarpið verði
samþykkt á komandi vetri. Því er ætl-
unin að lögin hafi þegar tekið gildi
þegar starfsemin í Dalshverfi hefst
um mitt ár 2023,“ segir í svari ráðu-
neytisins.
Ráðgert er að ráðuneytið fundi með
hlutaðeigandi aðilum í Reykjanesbæ á
næstu vikum. Það kveðst leggja mik-
inn metnað í að þetta verkefni í þágu
fatlaðs fólks í Dalshverfi í Reykjanes-
bær verði góð fyrirmynd um hvernig
hægt er að veita fötluðu fólki með
miklar stuðningsþarfir góða þjónustu
í sátt við samfélagið. gudni@mbl.is
Heimili fyrir
fatlað fólk,
ekki fangelsi
- Öryggisvistun í Dalshverfi í Reykja-
nesbæ fyrir ósakhæfa taki til starfa 2023