Morgunblaðið - 02.10.2021, Blaðsíða 11

FRÉTTIR 11Innlent
MORGUNBLAÐIÐ LAUGARDAGUR 2. OKTÓBER 2021
VIÐTAL
Ari Páll Karlsson
ari@mbl.is
„Heimsfaraldurinn Covid-19 hefur
leikið margan grátt en enga atvinnu-
grein jafn illa og ferðaþjónustu,“ seg-
ir Rósbjörg Jónsdóttir, einn af for-
svarsmönnum alþjóðlegu
ráðstefnunnar What Works sem
haldin verður 14. október nk. í
fimmta sinn, nú í Hljómahöllinni í
Reykjanesbæ.
Að þessu sinni er kastljósinu beint
að einni atvinnugrein, ferðaþjónust-
unni og því sem er að gerast í grein-
inni víðsvegar um heim.
„Áhrif heimsfaraldursins hafa
varpað skýru ljósi á að ferðaþjón-
ustan er ekki einungis mikilvæg í
efnahagslegu tilliti, heldur er hún
drifkraftur framfara víðsvegar um
heim. Ráðstefnan er á vegum Social
Progress Imperative-stofnunarinnar
(SPI) og fyrirtækisins Cognitio, full-
trúa hennar hér á landi.
Í ár verður ráðstefnan haldin í
samvinnu við Íslenska ferðaklasann
og af þeim sökum er sjónum beint að
ferðaþjónustunni. Fjöldi stuðnings-
aðila kemur að ráðstefnunni. Má þar
helst nefna forsætisráðuneytið,
World Travel and Tourism Council,
Ferðamálastofu, Icelandair, Lands-
bankann, Markaðsstofu Reykjaness,
Háskóla Íslands, Kadeco, Lands-
virkjun, Viðskiptaráð og Iceland
Monitor.
Það sem virkar
Líkt og áður verður á ráðstefnunni
horft til þeirra þátta sem virka þegar
samfélög eru byggð upp og „hvernig
er hægt að skapa fólki tækifæri til að
lifa því lífi sem það kýs að lifa“, að
sögn Rósbjargar. „Hvaða áhrif hefur
ferðaþjónustan á félagslegar framfar-
ir? Hún hefur meðal annars umtals-
verð áhrif á uppbyggingu innviða,
skapar tækifæri fyrir alla, þar sem
fjölbreytileikinn er til staðar og er at-
vinnuskapandi,“ segir Rósbjörg og
bætir við: „Ferðaþjónustan er og
verður drifkraftur, drifin áfram af
fólki fyrir fólk sem sækist eftir ein-
stakri upplifun og framúrskarandi
þjónustu. Það er því mikilvægt að
ígrunda hvernig framkvæma má slíka
upplifun með þætti sjálfbærni að leið-
arljósi.“
What Works Tourism-ráðstefnan
mun horfa á áhrif ferðaþjónustunnar
í alþjóðlegu samhengi þar sem verða
fyrirlestrar, samtöl sérfræðinga og
vinnustofur. Lagðar verða fram til-
lögur að úrlausnum og leiðum til
árangurs.
„Og við eigum von á frábærum fyr-
irlesurum frá mörgum heims-
hornum,“ segir Rósbjörg, og nefnir
þar Kostaríka og Bordeaux í Frakk-
landi. „Hvað gerði Kostaríka til að
halda stöðu sinni sem eitt sjálfbær-
asta ríki heims? Hvaða leiðir hafa
verið farnar í Bordeaux til að tryggja
ábyrga ferðaþjónustu í samfélaginu?
Hverju þurfum við sjálf að breyta ef
við ætlum að byggja upp seiglu gegn
þeim áföllum sem munu ríða yfir
heiminn?“
Enginn verði skilinn eftir
Rósbjörg segir Íslendinga mjög
heppna þar sem þeir búi í góðu sam-
félagi.
„Við þurfum að hlúa vel að því. Við
þurfum að standa vörð um það og
nýta náttúruna okkar með ábyrgð að
leiðarljósi. Við verðum, líkt og heims-
markmiðin segja okkur, að gæta að
því enginn sé skilinn eftir. Mikilvægi
þess að allir hafi aðstöðu til grunn-
þarfa, öryggismála og húsnæðismála
svo eitthvað sé nefnt.“
Þá hafi ferðaþjónustan skapað eitt
af hverjum tíu störfum í heiminum á
árunum 2010 til 2020 og árið 2019,
rétt áður en heimsfaraldurinn skall á,
hafi hlutur greinarinnar af lands-
framleiðslu heimsins verið um 10,3
prósent.
Þessi umsvif hafi vaxið einnig hér-
lendis, líkt og mörgum landsmönnum
er kunnugt. „Við þurfum nú að spyrja
okkur hvort við viljum fara á sama
stað aftur. Við munum vilja halda
áfram ferðast og þá skiptir miklu máli
að hugsa, með ábyrgum hætti, hvaða
leiðir eru bestar? Hvað er hægt að
læra af þeim sem ná bestum árangri?
Við viljum skoða hvað virkar og sjá
hvort við getum ekki nýtt eitthvað af
þessari þekkingu og heimfært hana.“
Rósbjörg segir aðra þætti einnig
munu koma til tals á ráðstefnunni.
„Áskoranir greinarinnar eru miklar
og margvíslegar. Bæði með tilliti til
umhverfissjónarmiða, tækniþróunar
og mikilvægis þess að vinna með
nærsamfélagi. Hér erum við að tala
bæði um sóknarfæri og ógnanir. Við
horfumst í augu við að við þurfum að
sýna efnahagslegan ávinning, við
þurfum að tryggja félagslegar fram-
farir og við þurfum að gæta þess að
ganga ekki á auðlindir náttúrunnar
með óábyrgum hætti,“ segir hún og
bætir við að grundvallarhegðun allra
sé að sýna virðingu gagnvart um-
hverfinu, réttindum einstaklingsins
og heilsunni.
„Við munum ræða mikilvægi þess
að við vinnum öll saman að því sem
koma skal. Samvinna og samstarf
hefur aldrei verið jafn mikilvægt og
einmitt í dag. Þetta er ábyggilega
ekki eini heimsfaraldurinn sem ferða-
þjónustan og aðrar atvinnugreinar
munu þurfa að takast á við en við höf-
um lært heilmikið, þurfum að nýta þá
reynslu og við þurfum að vera viðbúin
því að takast á við áföll í framtíðinni,“
segir Rósbjörg.
Hvað virkar í ferðaþjónustu?
- What Works-ráðstefnan haldin 14. október - Í fyrsta skipti er sjónum beint að einni atvinnugrein
- Ferðaþjónustan snertir á flestu innan samfélaga - Félagsleg áhrif ekki síður en efnahagsleg
Morgunblaðið/Eggert
Ráðgjafi Rósbjörg Jónsdóttir hjá Cognitio og SPI á Íslandi stendur að ráðstefnunni ásamt fleiri aðilum.
What Works-ráðstefnan í
Reykjanesbæ skartar fjölda
áhugaverðra fyrirlesara.
Guðni Th. Jóhannesson og
Eliza Reid, forsetahjónin sjálf,
ávarpa ráðstefnuna og þá verð-
ur Gustavo Sancho, ferða-
málaráðherra Kostaríka, með
erindi. Þá er Ásta Kristín Sigur-
jónsdóttir, framkvæmdastjóri
Ferðaklasans, ein af meginfyr-
irlesurum ráðstefnunnar.
Í fyrra var ráðstefnan aðeins
í netheimum í ljósi aðstæðna
en nú verður hún bæði í net-
og raunheimum. Rósbjörg
fagnar því að það sé hægt að
nýju.
Fjöldi fróð-
legra erinda
RÁÐSTEFNA 14. OKTÓBER
Skoðið // hjahrafnhildi.is
Engjateigi 5 // 581 2141 // hjahrafnhildi.is
Fallegur viskós/kasmír
trefill fylgir öllum keyptum
yfirhöfnum í dag
Skipholti 29b • S. 551 4422
Skoðið
laxdal.is
Fjölbreytt
úrval
af vetrar-
yfirhöfnum
TRAUST
Í 80 ÁR
Isavia hefur óskað eftir tilboðum í við-
bætur og breytingar á flugstöðinni á
Akureyrarflugvelli. Útboðslýsing hef-
ur verið gefin út á útboðsvef Isavia.
Tilboð verða opnuð 1. nóvember nk.
Þetta er í annað sinn sem verkefnið er
boðið út. Þá barst aðeins eitt tilboð í
verkið. Því var hafnað þar sem það
reyndist talsvert yfir kostnaðaráætl-
un, segir í tilkynningu Isavia.
Verkefnið felur í sér viðbyggingu
við núverandi flugstöð og breytingu á
núverandi húsnæði flugstöðvarinnar
og nánasta umhverfi. Sigrún Björk
Jakobsdóttir, framkvæmdastjóri
Isavia – innanlandsflugvalla, segir
verkefnið umfangsmikið. Um er að
ræða 1.100 fermetra viðbyggingu við
flugstöðina. Heildarstærð flugstöðv-
arinnar að verki loknu verður 2.700
fermetrar. Sigrún segir að þar verði
góð aðstaða fyrir toll og lögreglu og
fríhöfn, auk veitingastaðar. Á verkinu
að vera lokið síðsumars 2023 en
skóflustunga að viðbyggingu var tek-
in í júní sl.
Morgunblaðið/Skapti Hallgrímsson
Stækkun Farið verður í útboð á stækkun flugstöðvarinnar á Akureyri.
Stækkun flugstöðv-
ar í annað útboð
Versti maður í heimi byrjaði
Ranghermt var í frétt í blaðinu í gær um kvikmyndahátíðina RIFF að byrjað
hefði verið á frumsýningu myndarinnar Blondie: Að lifa í Havana. Hið rétta er
að fyrsta myndin var Versti maður í heimi, eftir Joachim Trier. Beðist er vel-
virðingar á þessu. Myndin um hljómsveitina Blondie verður sýnd á RIFF í dag
þar sem söngvari sveitarinnar, Debbie Harry, ræðir við sérfræðinga og áhorf-
endur að sýningu lokinni.
LEIÐRÉTT