Morgunblaðið - 02.10.2021, Blaðsíða 23

23
MORGUNBLAÐIÐ LAUGARDAGUR 2. OKTÓBER 2021
Ríkisstjórn Sigurður Ingi Jóhannsson og Katrín Jakobsdóttir ræddu við fjölmiðla fyrir utan Ráðherrabústaðinn í gær, að loknum fundi ríkisstjórnar sem ræðir nú sitt framhaldslíf.
Eggert
Í eina tíð þótti það svolítið gott
grín að teikna formann
Framsóknarflokksins peysufata-
klæddan á skopmyndum. Fram-
sókn er eini stjórnmálaflokk-
urinn sem var og hefur ávallt
verið kvenkenndur. Í því er fólg-
inn mikill styrkur. Eina ferðina
enn kemur þessi flokkur síungur
og sigrar í kosningum með eitt
hundrað og fimm ára farsælt
starf í farteskinu.
Það var ævintýri að fylgjast
með kosningabaráttunni og ég heyri loks hófa-
dyninn þegar kjósendur yfirgáfu öll yfirboð og
plat. Fólk endurtók hvert við annað kosninga-
slagorð Framsóknar: „Er ekki bara best að
kjósa Framsókn!“ Slagorðið hljómaði ekki síst
vel þar sem það var eins og okkar ástsæli Stein-
grímur Hermannsson af hógværð sinni talaði til
okkar.
Kosningasigur Framsóknar er sá stærsti í
sögu flokksins í ljósi þess að sigurinn er unninn
með flokkinn sitjandi í ríkisstjórn. Maddaman
er þrautseig og síung, en þunginn er samt í ráð-
herrum flokksins og vel heppnuðum frambjóð-
endum flokksins um land allt. Ríkisstjórnar-
flokkarnir geta vel við unað; ríkisstjórn
Katrínar Jakobsdóttur var endurkosin með
glæsibrag. Framsókn er í kunnuglegri fylg-
istölu. Vinstri grænir eru það einnig. Sjálfstæð-
isflokkurinn er enn stærsti flokkur landsins þó
að brot af honum hafi í þetta sinn runnið fram í
Viðreisnarlæknum. Sorglegast var að missa
Brynjar Níelsson af þinginu, þar missti ekki
bara „fýlupokafélagið“ einn sinn besta mann, og
rödd hverfur af Alþingi sem þorði
að standa með sjálfri sér og Brynj-
ar er að auki alltaf skemmtilega
glettinn. Hins vegar gleðilegt að sjá
hinn djúpvitra Birgi Ármannsson
koma enn upp úr kófinu og skila sér
eins og vant er inn á þing, með rök
og lögspeki Njáls á hreinu.
Stalín og Gunnar Smári fengu
makleg málagjöld. Fólk skilaði ekki
rauðu í kjörklefanum, vissi að það
þýðir stopp! Samfylkingin sem
felldi Össur Skarphéðinsson vin
minn í 30% fylgi 2003 er með allt í
logandi vandræðum, komin undir 10%. Pírat-
arnir sluppu með skrekkinn. Miðflokkurinn laut
í gras, þrátt fyrir forystumann sem alltaf verður
afreksmaður fyrir kjarkinn 2013 til 2016 sem
formaður Framsóknarflokksins og forsætisráð-
herra. Flokkur fólksins með hina glaðbeittu
Ingu Sæland átti hins vegar inni hjá þjóðinni,
því sáttin í málefnum eldri borgara og öryrkja
hefur enn ekki náðst fram. Fallegasta og mik-
ilvægasta viðurkenning sem stjórnmálamenn
öðlast í pólitík er traust og aftur traust. Traustið
bar Sigurð Inga, Lilju Dögg og Ásmund Einar
til sigurs í kosningunum 2021.
Eftir Guðna Ágústsson
»Kosningasigur Framsóknar
er sá stærsti í sögu
flokksins í ljósi þess að
sigurinn er unninn með
flokkinn sitjandi í ríkisstjórn.
Guðni Ágústsson
Höfundur er fv. alþingismaður og ráðherra.
Framsóknarsigur –
Framsóknartraust
Íslensku sveitapiltarnir sem
árið 1835 fóru að gefa út Fjölni
sáu hvers Ísland þarfnaðist
mest; að losna undan dauðri
hendi erlendra yfirboðara,
byggja upp fjölbreyttari at-
vinnuhætti svo þjóðinni myndi
fjölga og að hin íslenska bænda-
þjóð myndi þar með halda
áfram að treysta byggð í land-
inu og að hér myndu vaxa og
dafna blómlegir kaupstaðir.* Að
Fjölni stóðu engir valdamenn,
heldur einn nýlega útskrifaður guðfræðingur
og þrír lagastúdentar sem áttu það sammerkt
að hafa alist upp í sveit en dvalist árum sam-
an á erlendri grundu og söknuðu fósturjarðar
sinnar. Þó að margt hafi breyst á þeirri rúmu
einni og hálfri öld sem liðin er frá skrifum
Fjölnismanna stendur þó margt eftir óhagg-
að. Íslendingum er best borgið með því að
hafa yfirráð yfir sínum auðlindum sjálfir og
að byggðafesta verður ekki tryggð nema með
öflugum landbúnaði.
Landbúnaðurinn er undirstöðuatvinnugrein
og hefur tryggt byggðafestu fólks í áraraðir í
okkar strjálbýla landi. Það er mín bjargfasta
trú að án landbúnaðar glati Ísland mikil-
vægum hluta af sjálfsmynd sinni. Ætla má að
að minnsta kosti 9.000 störf á Íslandi tengist
landbúnaði með einum eða öðrum hætti.
Þetta er milli 4-5% af heildarvinnuafli lands-
ins. Það er farsælt skref fyrir okkur sem þjóð
til langframa að tryggja byggðafestu í land-
inu og störf þeirra sem starfa í frumfram-
leiðslu matvæla. Fyrirsjáanleiki atvinnugrein-
arinnar þarf þó að ná yfir lengra tímabil en
líftíma hverrar ríkisstjórnar. Að öðrum kosti
er hætta á að greinin verði skammsýni
stjórnmálanna að bráð og við
förum að byggja upp samfélag
með einhæfum þankagangi og
skorti á allri víðsýni.
Upplýst umræða um landbún-
aðarmál er forsenda málefna-
legrar afstöðu. Landbúnaðurinn
er ekki einkamál þeirra sem inn-
an greinarinnar starfa. Ábyrgð
þeirra er mikil og þeim ber að
tryggja stöðugt framboð land-
búnaðarvara. Til þess að byggja
undir það markmið verður að
auka framleiðni í landbúnaði
með því að stuðla að tækniframförum og
tryggja bætta nýtingu aðfanga í framleiðslu
landbúnaðarvara og sem hagkvæmasta nýt-
ingu á framleiðsluþáttum. Vatn og land eru
þar stórir áhrifaþættir.
Stefna í landbúnaðarmálum þarf líkt og
byggðastefna að taka á félagslegum og efna-
hagslegum þáttum. Landbúnaðarstefna fyrir
Ísland þarf að hljóta framgang á þingi þar
sem hún gengur út á að auka framleiðni og
afköst í landbúnaði, tryggja bændum og
framleiðendum landbúnaðarvara viðunandi
lífskjör og styrkja hlut þeirra í virðiskeðjunni
og það sem mestu máli skiptir – að tryggja
þjóðinni fæðuöryggi.
* Land og lýðveldi, I. bindi, 1965.
Eftir Vigdísi Häsler
» Fyrirsjáanleiki atvinnu-
greinarinnar þarf að
ná yfir lengra tímabil en
líftíma hverrar ríkisstjórnar.
Vigdís Häsler
Höfundur er framkvæmdastjóri
Bændasamtaka Íslands.
Sveitafólksins draumur