Saga - 2016, Blaðsíða 34

væru yfirleitt á persónulegum nótum og fælust í því að drekka sam-
an kaffi og skiptast á skoðunum.89 Félagið gegndi þannig hlutverki
sem tengipunktur umheimsins við íslenskar lesbíur, bæði innlendra
fjölmiðla og erlendra gesta. Það beitti sér í réttindamálum samkyn-
hneigðra og átti í samstarfi við kvennahreyfinguna um ýmsa við -
burði. Mikilvægasti þáttur starfseminnar var þó vafalaust hinar
félagslegu samkomur, sem gegndu afar stóru hlutverki í að skapa
og móta lesbíur sem þjóðfélagshóp.
Félagslegur vettvangur og lesbísk sjálfsvera
Starfsemi Íslensk-lesbíska var misumfangsmikil, eins og komið
hefur fram, þau þrjú ár sem það starfaði. Þó þarf að gæta þess hvaða
mælikvarði er lagður á virkni og árangur í félagsstarfi í tilviki þessa
fyrsta sérfélags lesbía á Íslandi. Hafa verður í huga að þegar félagið
var stofnað voru aðeins tvö ár liðin frá því að fyrstu konurnar
greindu frá því opinberlega að þær væru samkynhneigðar. Þótt
þekking á samkynhneigð kvenna væri smám saman að aukast voru
lesbíur enn mjög einangraðar. Viðmælendur mínir komu flestir inn
á vettvang Samtakanna ’78 eða Íslensk-lesbíska á árunum 1979–
1988. Þær upplifðu margar að vita ekki af öðrum konum í svipuðum
sporum. Anni Haugen minnist þess til dæmis ekki að hafa vitað um
eina einustu lesbíu á Íslandi þar til að hún kynntist tilvonandi
sambýliskonu sinni árið 1984.90 Þær taka margar þannig til orða að
þær hafi ekki haft neinar fyrirmyndir og því hafi samkynhneigð í
raun ekki verið valmöguleiki fyrir konur, eins og Anni segir um
fyrstu kynni hennar og sambýliskonunnar: „en við höfðum ekkert,
hvorug okkar, voða mikið verið að velta fyrir okkur kynhneigð.
kannski af því að þetta var bara ekkert inni á kortinu. Þetta var ein-
hvern veginn ekki neinn valmöguleiki, þetta var bara ekki eitthvað
sem maður var voða mikið að hugsa um.“91
Lesbíur voru því rétt að verða til sem sérstakur þjóðfélagshópur.
elísabet Þorgeirsdóttir telur að það hafi alls ekki verið sjálfgefið að
koma 20 lesbíum saman til að stofna félag árið 1985 og með því hafi
íris ellenberger32
89 Viðtal. Þóra kristín Ásgeirsdóttir 29. apríl 2016.
90 Viðtal. Anni Haugen 10. maí 2016.
91 Sama heimild.
Saga haust 2016.qxp_Saga haust 2004 - NOTA 17.5.2019 10:12 Page 32