Strandapósturinn - 01.06.2013, Page 9

7
Góðir lesendur. Nú kemur það í minn hlut að greina frá störfum
og starfsemi félagsins á síðasta ári. Fyrsti fundur var haldinn í
stjórn í upphafi árs og var þar farið yfir allt er varðaði þorra-
blót félagsins sem haldið var í Versölum 14. janúar. Þar voru
veislustjórar og skemmtikraftar þeir Davíð Ólafsson og Stefán
Stefánsson en hljómsveitin Lára og gullfiskarnir léku fyrir dansi.
Þátttaka var þokkaleg.
Kaffidagurinn var haldinn 6. maí og var mæting mjög góð. Að
venju söng Strandakórinn nokkur lög. Þökkum við þeim fyrir að
koma og gera kaffidaginn hátíðlegri með söng sínum. Þá er þetta
mjög skemmtileg hefð sem gengur, jú, vegna þess að félagsmenn
eru svo viljugir að koma með meðlæti eins glæsilegt og það er í
raun og veru. Dáist ég að því að félagarnir eru svo meðvitaðir og
félagslega sinnaðir að gera okkur þetta mögulegt. Kaffidagurinn
er sannkallaður góðra vina fundur, þarna koma gjarnan félagar
sem sjaldan hittast, sumir bara á kaffidaginn. Það hefur verið eitt
helsta markmið félagsins frá upphafi að efla kynni Strandamanna
sem búa á höfuðborgarsvæðinu. Fyrir hönd stjórnar vil ég sér-
staklega þakka öllum þeim sem gera mögulegt að hafa svona
glæsilegt kaffihlaðborð.
Aðalfundur félagsins var haldinn í Foldaskóla 9. maí. Þar var
kosin ný stjórn en Guðrún Steingrímsdóttir gaf ekki kost á sér
áfram sem formaður félagsins. Tók undirritaður, Jón Ólafur Vil-
hjálmsson, við sem formaður auk þess að Íris Björk Aðalheiðar-
dóttir kom ný inn í stjórnina. Fráfarandi formanni eru þökkuð
Jón Ólafur Vilhjálmsson frá Kollsá
Átthagafélag
Strandamanna
árið 2012