Strandapósturinn - 01.06.2013, Síða 12

10
Haldið var í sumarferð Átthagafélags Strandamanna miðviku-
daginn 20. júní. Nú var bara eftir að loka hringnum í kringum
landið, austasti hlutinn eftir og kominn tími á að klára hann
núna.
Lagt var af stað frá Umferðarmiðstöðinni kl. 9 eftir nafnakall til
að tryggja að allir væru mættir. Það rigndi mikið en við létum það
ekkert á okkur fá því að við vissum að við myndum fá gott veður
sem síðar varð raunin. Í upphafi ferðar las Brynja Bjarnadóttir
upp leiðarvísi eða tillögu að ferðinni þessa fimm daga sem við
ætluðum að vera saman. Stefnan var tekin austur fyrir fjall og
áætlað að okkar fyrsti áningarstaður yrði á Hvolsvelli en vegna
þess hversu fjölmennt var þar héldum við áfram og stoppuðum
þess í stað í Vík í Mýrdal. Á leiðinni til Víkur keyrðum við fram hjá
Seljalandsfossi, Skógafossi, Skógaskóla og fleiri fallegum stöðum.
Í Vík var boðið upp á góða kjötsúpu og passaði það mjög vel því
að komið var að hádegismat. Eftir matinn var svo keyrt um stað-
inn og við nutum þess sem fyrir augu bar.
Haldið var áfram austur því að við ætluðum að gista á Djúpa-
vogi fyrstu nóttina í þessari ferð svo að okkur var ekki til setunnar
boðið. Á leiðinni á Djúpavog keyrðum við fram hjá Kirkjubæjar-
klaustri, Núpsstað og Skaftafelli með smá stoppi í Freysnesi en
þegar við fórum þaðan var komið þetta líka flotta veður með sól
Guðrún Steingrímsdóttir
Sumarferð Átt-
hagafélags
Strandamanna
20.–25. júní
2012