Strandapósturinn - 01.06.2013, Side 17

15
að labba aðeins um bæinn áður en haldið var áfram því að dagur-
inn fram undan var langur.
Þegar við vorum búin að skoða okkur um á Akureyri var förinni
heitið aftur til Dalvíkur og þaðan áfram til Ólafsfjarðar og Siglu-
fjarðar. Farið var gegnum Héðinsfjarðargöng sem okkur þótti
mjög gaman þar sem margir höfðu ekki farið um þau áður. Á
Siglufirði var farið rólega gegnum bæinn og auðvitað fundum við
svo góðan stað til að gefa fólki móakaffið sitt. Síðan var haldið að
Hofsósi þar sem þeim sem það vildu var gefinn kostur á að skoða
söfnin á meðan aðrir tóku því rólega og röltu um staðinn.
Nú var kominn tími til að halda áfram og við Brynja vorum
farnar að huga að því hvar við gætum boðið fólkinu okkar upp á
súpu eða einhvern mat þar sem það var orðið ansi áliðið dags. Við
vorum rétt hjá Varmahlíð í Skagafirði og við ákváðum að kanna
það þó að tíminn væri lítill sem enginn. Hlupum við inn og auð-
vitað var það ekkert mál, „bara sjálfsagt og verið þið bara velkom-
in,“ var svarið. Fengum við mjög góða súpu, brauð og kaffi á eftir.
Ég má til með að láta þetta fylgja með því að þessar móttökur
voru alveg frábærar hjá þeim í Varmahlíð. Eftir matinn var lagt af
stað í bæinn enda komið langt fram á kvöld. Ég veit að allir voru
ánægðir að lokum þótt dagarnir hafi stundum verið langir.
Á hverju hausti í nokkur ár hefur sumarferðarhópurinn komið
saman heima hjá mér svo að ég hef alltaf fengið að frétta hvernig
hópnum hefur fundist ferðirnar í hvert skipti. Það hefur verið
ansi gott að heyra það. Að lokum vil ég þakka öllum þátttakend-
um fyrir frábærar ferðir í gegnum tíðina því að án þeirra er þetta
ekki hægt og er þetta líklega mín síðasta ferð sem ég sé um fyrir
Átthagafélagið. Takk, takk.
Guðrún Björg Steingrímsdóttir
fyrrverandi formaður