Strandapósturinn - 01.06.2013, Síða 22

20
Inngangur
Höfundur rímunnar, Þórður Þórðarson Grunnvíkingur (1878–
1913), var fæddur í Bolungarvík á Hornströndum. Árið 1896
gerðist hann vinnumaður á Dröngum í Árneshreppi og var þar
í tvö ár. Árið 1898 giftist hann Solveigu (1874–1949), dóttur
hjónanna Elísabetar Guðmunds dóttur (1850–1930) og Jóns
Gíslasonar (1874–1910) á Munaðarnesi. Árið 1903 byggðu þau
upp nýbýli í landi Munaðarness og kölluðu „Hlöður“. Á Hlöðum
bjuggu þau til ársins 1907 en fluttu þá til Ísafjarðar. (Þeim sem
vilja kynnast ævi Þórðar Grunnvíkings nánar er bent á ævisögu
hans sem Vestfirska forlagið gaf út í nóvember 2011.)
Þórður Þ. Grunnvíkingur var snjall hagyrðingur. Meðan hann
var í Árneshreppi orti hann talsvert og af ýmsum toga þótt ungur
væri. Haustið 1898 mun hann hafa verið við róðra á Gjögri. Þar
var líka Jósep Sveinsson Húnfjörð, þekktur hagyrðingur og rímna-
skáld á sinni tíð. Þá um haustið ortu þeir, Þórður og Jósep, hvor
sína rímuna um formenn í Víkursveit (Árnes hreppi). Ríma Jós-
eps er 31 erindi en Þórðar 39 erindi. Auk þessara rímna ortu þeir
báðir „Rímu um bát, (Víking) nýsmíðaðan, er kom frá Stóru-Ávík
til Gjögurs haustið 1898.“ Ýmsa fleiri smákveðlinga og vísur ortu
þeir þetta haust sem ekki verður sérstaklega getið hér.
Næst er þess að geta að áðurnefndar rímur Þórðar er ekki að
finna í þeim gögnum sem hann lét eftir sig. Formannaríman
fannst lengi vel ekki þrátt fyrir eftirgrennslan. Var talið lík legt að
texti hennar væri glataður. Svo var þó ekki. Fyrir tveimur árum
Þórður Þ. Grunnvíkingur
Formannaríma úr
Víkursveit haustið 1898