Strandapósturinn - 01.06.2013, Blaðsíða 55

53
ari en þau höfðu mörgu góðu til leiðar komið. Sú hugsun efldist
að landsmenn gætu sjálfir tekið að sér verslunina með samtökum.
Menn vöndust af undirlægjuhætti gagnvart kaupmönnum og
kenndu þeim að flytja ekki skemmda vöru. Félagsverslunin hvatti
viðskiptamenn til vöruvöndunar á afurðum og flutti fyrst inn
hentug atvinnutæki. Hún reyndi fyrst allra sauðasölu til Skotlands
og fleira mætti telja. Í kjölfarið vaknaði samvinnuhugsjónin.
Pétur Eggerz dvaldi á Borðeyri til 1879. Þann vetur vann hann
að smíði á sexæringi í pakkhúsi Brydeverslunar ásamt Jóni Andr-
éssyni síðar bónda á Ballará. Pétur fór frá Borðeyri áður en ísa
leysti af Hrútafirði og lét hesta draga bátinn á ísnum út fjörðinn.
Hann sigldi síðan inn Bitrufjörð. Lét draga bátinn yfir hálsinn
milli Birtufjarðar og Gilsfjarðar og flutti farangur sinn sömu leið.
Þaðan sigldi hann vestur í Akureyjar til föður síns, Friðriks Egg-
erz.
Kaupmenn á Borðeyri
Þegar Borðeyrarfélagið leið undir lok 1877 sigldi Pétur Eggerz
til Englands og fékk Zöllner stórkaupmann til að senda skip til
Borðeyrar með vörur. Einnig keypti Zöllner verslunarhúsin á
Borðeyri og varð Pétur verslunarstjóri hjá honum uns hann flutti
alfarinn frá Borðeyri. Við versluninni tók þá tengdasonur Péturs,
Kristján Hall. Hans naut ekki lengi við, hann lést af voðaskoti
1881. Eftir heimildum að dæma var hann vel látinn en ef til vill
ekki nógu reglusamur. Þá er sagt að Zöllner hafi verið harður
húsbóndi.
Eftir fráfall Kristjáns Hall urðu eigendaskipti að versluninni og
komst hún nú í eigu Hans A. Clausens kaupmanns sem rak versl-
un víða í Vestfjarðafjórðungi og var sá hinn sami og sendi fyrsta
skipið til Borðeyrar 1848. Verslunarstjóri hans varð Heinrich Bi-
ering og rak hann Clausenverslun í 10 ár. Bókhaldari var Theó-
dór Ólafsson frá Melstað, kvæntur Arndísi Guðmundsdóttur.
Börn þeirra tóku sér ættarnafnið Theódórs.
En nú var komin önnur verslun til sögunnar á Borðeyri. Árið
1878 reisti kaupmaðurinn Valdimar Bryde verslunarhús á Borð-
eyri. Var það mikil bygging á þeirra tíma mælikvarða, grunnflöt-
urinn var 18 × 15 álnir. Sneri húsið stöfnum í norður og suður og
stóð samhliða húsi Clausenverslunar, aðeins var mjótt sund í milli.