Strandapósturinn - 01.06.2013, Qupperneq 65

63
við björgunina. Morguninn eftir gaus upp eldur í timburgeymslu-
húsi rétt hjá rústunum, vörum var bjargað en húsið brann.
Á fyrstu árum heimsstyrjaldarinnar síðari jókst íbúatala í kaup-
túninu skyndilega um tíma. Þá tóku Bretar sér bólfestu á Borðeyri
og hugðust mæta þar innrás Þjóðverja í Hrútafjörð. Bækistöðvar
þeirra voru í þrem eða fjórum bröggum í þorpinu og þeir höfðu
einnig sýslumannshúsið og félagsheimilið til afnota. Ekki var
þetta fjölmennt lið, á bilinu 20 til 40 manns. Aftur á móti höfðu
Bretar og síðar Bandaríkjamenn afar fjölmennt lið í Reykjaskóla
og nágrenni hans. Hinn 13. febrúar 1942 drukknuðu 18 breskir
hermenn í Hrútafirði út af Borðeyri. Alls lentu 24 Bretar í sjón-
um, af fjórum smákænum og prömmum sem allir sukku, en Har-
aldur Jónsson, sem þá var símritari á Borðeyri, gat með hjálp
hermanns bjargað sex þeirra í land.
Herinn hafði varðstöðu á melbarðinu ofan við Borðeyri rétt við
þjóðleiðina. Þar næddi um varðmenn og fátt bar til tíðinda og
eflaust hefur dátum stundum leiðst staðan í varðskýlinu. Þeir
Símstöðin (gamli skólinn). Ljósm.: Jón Sigurðsson.