Strandapósturinn - 01.06.2013, Síða 74

72
gluggi í suðvesturþekju fremra stafgólfs. Innan á skilrúmsþilinu
hékk stór klukka með glerhurð. Gekk hún fyrir tveimur lóðum
sem upp þurfti [að] draga, að mig minnir hálfsmánaðarlega.
Frambaðstofan var fjögur stafgólf og fjögur rúm undir suðvestur-
þekju en þrjú þeim megin sem uppgangurinn var. Á suðvestur-
þekjunni voru gluggar yfir þremur rúmanna en engir hinum
megin. Gluggi var og á norðvesturgafli baðstofunnar, sams konar
og á framgafli. Borð var þar einnig og tveir stólar. Afturgafl
baðstofunnar var úr timbri niður að vegghæð. Baðstofan var
allbreið, varla minna en 3,5 álnir milli rúma. Öll var hún þiljuð
innan með skarsúð niður að vegglægjum sem voru um 0,5 álnir
ofar rúmstokkahæð. Svo var einnig um öll bæjarhúsin að þau
voru þiljuð í hólf og gólf nema hlóðaeldhúsið sem var inn af
bæjardyrahúsi, þar voru moldarveggir á þrjá vegu og moldargólf.
Ég hefi nú nokkuð lýst aðalíveruhúsinu en þess skal þó getið að
suðvesturhliðin var þykkur veggur, hlaðinn úr hnaus og torfi frá
framþili að eldhúsgluggum en undir þeim og búrglugga var vegg-
urinn lágur en hækkaði svo aftur upp að þekjunni er fram hjá
búrglugga var komið uns hann sameinaðist bakvegg bæjarins.
Milli glugganna og upp að þekjunni var timburveggur. Torfþekja
var á baðstofunni, sem þó síðar var klædd járni.
Ófeigsfjörður. Myndin er líklega tekin árið 1964.