Bændablaðið - 18.11.2021, Blaðsíða 7

Bændablaðið | Fimmtudagur 18. nóvember 2021 7
LÍF&STARF
Dagur sauðkindarinnar í Rangárvallasýslu:
Fjölskyldan á Kaldbak sigursæl
með efsta hyrnda hrút sýningar-
innar og litfegursta lambið
Félag sauðfjárbænda í Rangárvallasýslu
stóð fyrir degi sauðkindarinnar 16. október
síðastliðinn og fór hátíðin fram í reiðhöllinni
við Hvolsvöll; Skeiðvangi.
Þeir lambhrútar sem höfðu fengið hæstu
dóma á lambadómum haustsins voru boðaðir
á sýninguna og svo máttu bændur koma með
gimbrar.
Hulda Brynjólfsdóttir, sauðfjárbóndi
í Lækjartúni, sem situr í stjórn Félags
sauðfjárbænda í Rangárvallasýslu, segir að
fjöldi fólks hafi mætt á viðburðinn enda hafi
verið von á mörgu fallegu fé til uppröðunar.
„Bestu gimbrunum var raðað upp, bæði
kollóttum og hyrndum og sömuleiðis
hrútum. Besti veturgamli hrútur samkvæmt
kynbótamati síðasta árs var verðlaunaður og
kemur hann frá Butru, en Ráðgjafarmiðstöð
landbúnaðarins (RML) útnefnir hann og
byggja niðurstöðurnar á því hvaða afurðum
hann skilaði fyrsta árið,“ segir Hulda.
Ytri-Skógar er Ræktunarbú ársins
Að sögn Huldu finnur RML einnig bestu fimm
vetra á síðasta árs og ræktunarbú ársins 2020.
„Þessar upplýsingar byggja á framleiðslutölum
og því er alltaf verðlaunað fyrir þær niður-
stöður fyrir árið á undan.“ Besta fimm vetra á
ársins 2020 kemur frá Fitjamýri og nafnbótina
Ræktunarbú ársins hlaut Ytri-Skógar.
„Bændur mættu með litrík lömb sem áhorf-
endur völdu síðan það fallegasta úr hópnum,
sem reyndist koma frá Kaldbak en þaðan
kemur einnig efsti hyrndi hrútur sýningarinnar
og þau voru með fleiri gripi í efstu sætum.
Happdrættið var geysivinsælt, en fyrirtæki
og velunnarar gáfu verðlaun í happdrættið.
Til dæmis gáfu tveir bændur gimbrar í efstu
vinningana. Sláturfélag Suðurlands gaf kjöt-
súpu sem gestir nærðu sig á í hádeginu,“
segir Hulda.
Þakkar öllum þeim sem styrktu
þau með gjöfum í happdrættið
Hún segir að ástæða sé til að þakka öllum
sem komu á sýninguna; bæði bændum með fé
og gestum sem komu til að njóta dagsins með
þeim öllum. „En ekki síst viljum við þakka
öllum þeim sem styrktu okkur með gjöfum í
happdrættið eða með öðrum hætti. Fyrir það
kunnum við okkar bestu þakkir og hlökkum til
að sjá ykkur öll næsta haust þegar við söfnumst
saman með nýja og glæsilega ræktunargripi
sýslunnar.“ /smh
Margar af úrvalsstökum Rósbergs
Guðnasonar Snædal rötuðu
ekki í ljóðabækur hans. Við
grúsk í gömlum blöðum má margt finna
eftir þann andans jöfur. Mikil vinátta var
með honum og Einari Kristjánssyni frá
Hermundarfelli, og brúkuðu þeir oft breiðu
spjótin í hinum andríka atgangi. Hér nýtur
sín orðkynngi Rósbergs í hringhenduform-
inu:
Skrópar í vistum skræðuþræll,
skáldið þyrsti í sanna kynngi.
Einar Kristjáns situr sæll
suður á Listamannaþingi.
Næstu tvær stökur Rósbergs bera
yfirskriftina „Hjónabandsvísur“.
Sæst og rifist sitt á hvað,
sök hjá báðum mikil.
Hvors að annars hjartastað
hafa þau engan lykil.
Ef þú þjónar eðli lista
og átt þér tón í landinu,
betra er ljónagryfju að gista
en ganga í hjónabandinu.
Órofa vinátta var með Rósberg og
Heiðreki Guðmundssyni, skáldi frá
Sandi í Aðaldal. Heiðrekur stýrði um árabil
útgáfu Verkamannsins, tímariti róttækra á
Akureyri. Þótt þeir félagar deildu sömu
pólitísku skoðunum, lét Rósberg síst af
atgangi í garð skáldsins:
Þetta er annars ágætt blað,
eitt er þó sem klikkar:
lengi þarf að leita að
leiðaranum ykkar.
Heiðrekur bregst við athugasemdum
Rósbergs:
Dauðasvipinn blaðið ber,
burtu máður dráttur hver,
skamma það, sem ekkert er
ekki er hægt að leyfa sér.
Bragfimi Rósbergs var einstök:
Ég er orðinn ógnarskar,
illa þoli hríðar,
og vitanlega verð ég snar-
vitlaus innan tíðar.
Persónulýsingar Rósbergs voru sumar afar
mergjaðar:
Margt til skaða sýsla sést,
sjálfumglaður trassi.
Þykist maður, það er verst,
þessi spraðurbassi.
Til Aðalsteins bónda í Flögu orti Rósberg
þessa oddhendu:
Eins og teinn í baki beinn,
ber af einn í þvögu,
ítur sveinn, í orðum hreinn
Aðalsteinn í Flögu.
Að loknu Húnvetningamóti, sem haldið var
inni á Hveravöllum, orti Rósberg:
Enginn sér, hvað bak við býr,
birta er á fjöllum.
Ennþá gerast ævintýr
inni á Hveravöllum.
Kunn er þessi vísa Rósbergs:
Gulli faldar sjálfan sig,
svíðingsgjaldið tekur,
út á kaldan klaka mig
kaupmannsvaldið hrekur.
Rósberg hlýddi á barnaskólakennara
nokkurn segja nemendum sínum frá Jesú,
Maríu og Jósep, og sagði:
„Kannski hefur Jósep gefið Jesú lítinn bíl
eins og pabbar ykkar gefa ykkur á jólum.“
Rósberg orti:
Gullum missti ekki af,
oft þó brysti skilning vina.
Jesú Kristi á jólum gaf
Jósep fyrstu bifreiðina.
Umsjón:
Árni Geirhjörtur Jónsson
kotabyggð1@gmail.com
Ræktunarbú ársins 2020 voru Ytri-Skógar. Lovísa, formaður sauðfjár-
nefndarinnar, afhenti verðlaunin og Agnes Hlín tekur við verðlaununum.
286MÆLT AF
MUNNI FRAM
Besti veturgamli hrútur samkvæmt kynbótamati kom frá Butru.
Oddný Steina og Ágúst með sín verðlaun. Myndir / HB
Baldur á Fitjamýri átti bestu 5 vetra ána árið
2020.
Fjölskyldan á Kaldbak var sigursæl og átti
efsta hyrnda hrút sýningarinnar og litfegursta
lambið valið af áhorfendum.
Gunnhildur Jónsdóttir málaði alla verðlauna-
gripina á tréplatta.
Horft yfir salinn í matarhléinu.
Besta hyrnda gimbrin kom frá Teigi. Arna og
Guðni með verðlaunaplattann.