Börn og menning - 2020, Blaðsíða 19

Tinni, Hergé og ævintýri þeirra
Gísli Marteinn Baldursson
Fimmtudaginn 10. janúar 1929 blasti eftirfarandi til-
kynning við lesendum belgíska dagblaðsins Vingtiéme
Siècle:
Hér á Le Petit Vingtiéme erum við alltaf að reyna að veita
lesendum okkar sem besta þjónustu og færa þeim nýjustu tíð-
indi heimsmálanna. Þess vegna höfum við nú sent Tinna,
einn okkar albesta blaðamann, til Sovétríkjanna. Í hverri
viku munum við færa ykkur fréttir af ævintýrum hans.
Það fylgdi svo sögunni að myndirnar með fréttum
Tinna frá Sovétríkjunum yrðu að sjálfsögðu teknar af
honum sjálfum. Allt var þetta auðvitað skáldskapur sem
beint var til yngstu lesenda blaðsins í barnadálki þess,
Le Petit Vingtiéme (Litla tuttugasta öldin). Börnin voru
látin trúa því að Tinni væri raunverulega til og að hann
væri blaðamaður á þessu tiltekna blaði og myndi fram-
vegis flytja fréttir þaðan. Enginn spáði sérstaklega í að
myndirnar sem birtust með æv-
intýrum Tinna næstu vikurnar
voru auðvitað engar ljósmyndir,
heldur teikningar og Tinni sjálf-
ur var á þeim öllum. Tilgangur-
inn helgaði meðalið og frá og
með þessari upphaflegu til-
kynningu var miðvikudagsblað
Vingtiéme Siècle það vinsælasta
af vikublöðunum, en þann dag
kom einmitt út barnafylgiritið með nýjustu ævintýrum
Tinna.
Hergé, höfund ævintýranna, grunaði ekki hvað væri
í vændum þegar hann hóf að teikna þetta fyrsta æv-
intýri, Tinna í Sovétríkjunum. Teiknimyndasögurnar
um Tinna voru bara eitt af fjölmörgum störfum sem
hann sinnti á blaðinu. Hann var ritstjóri barnablaðsins,
myndskreytti auk þess fjölda greina í „fullorðinsblað-
inu“ og teiknimyndasögur dagblaðanna voru á þessum
tíma (og æ síðan) settar þannig upp að í hverri viku
birtust aðeins nokkrir rammar í einu. Framvindan
þurfti því að vera hröð, því eitthvað nýtt, og helst eitt-
hvað spennandi varð að gerast í hverri viku.
Hergé sagði síðar að hann hefði sjaldnast vitað þegar
hann sendi nýjustu rammana í prentun, hvernig hann
myndi bjarga Tinna út úr þeim vandræðum sem hann
hafði þá komið honum í. En Hergé var hæfileikaríkur og
frjór og úr penna hans flæddu ógleymanlegar persónur
og sniðugar fléttur. Þótt þetta
fyrsta ævintýri sé almennt talið
það slakasta af öllum 24 ævin-
týrum Tinna sem Hergé samdi,
leyna hæfileikar hans sér ekki og
Tinni og teiknimyndirnar hans
voru um það bil að breyta því
hvernig teiknimyndasögur voru
gerðar og hvernig lesendur sáu
þær.
Hergé, höfund ævintýr-
anna, grunaði ekki hvað
væri í vændum þegar
hann hóf að teikna
þetta fyrsta ævintýri,
Tinna í Sovétríkjunum.