Börn og menning - 2020, Side 34

Bekkurinn minn:
Prumpusamloka
Bekkurinn minn:
Geggjað ósanngjarnt
Texti: Yrsa Þöll Gylfadóttir
Myndir: Iðunn Arna
Bókabeitan, 2020
Nýr bókaflokkur
Bekkurinn minn er nýr flokkur léttlestr-
arbóka eftir Yrsu Þöll Gylfadóttur, með
myndum eftir Iðunni Örnu. Bókabeitan
gefur bókaflokkinn út og hafa nú komið
út tvær bækur í seríunni, Prumpusamloka
og Geggjað ósanngjarnt! Heiti bóka-
flokksins vísar til þess að bækurnar fjalla
um nemendur sem ganga í sama bekk
í grunnskóla, en í þeim eru settar fram
svipmyndir úr daglegu lífi eins nemanda
í bekknum. Í þessum fyrstu tveimur bók-
um fáum við að kynnast þeim Nadiru,
sem er að byrja í bekknum og Bjarna
Frey, sem virðist alltaf vera að lenda í
vandræðum. Innan á kápu bókarinnar er
að finna litríka bekkjarmynd með sextán nemendum,
á meðal þeirra þau Nadiru og Bjarna Frey, og má gera
ráð fyrir að lesendur fái að kynnast fleiri börnum úr
bekknum þegar fram líða stundir.
Ólíkir krakkar í óvæntum aðstæðum –
dagur í lífi skólasystkina
María Bjarkadóttir
Bækur
Bækurnar eru hvor um sig rétt um 60
blaðsíður, með læsilegu letri, ríkulega
myndskreyttar og með mátulega miklum
texta á hverri opnu. Á fyrstu síðu hvorrar
bókar er stutt kynning á aðalpersónunni
í formi lista þar sem er meðal annars far-
ið yfir fjölskylduhagi og áhugamál. Þessi
kynning, ásamt bekkjarmyndinni, veitir
lesandanum ágæta yfirsýn og er góður
grunnur fyrir byrjanda í lestri til að halda
utan um sögurnar, auk þess sem strax
myndast tenging við aðalpersónurnar.
Fyrsti skóladagurinn
Fyrri bókin, Prumpusamloka, segir frá
Nadiru, sem er nýkomin til Íslands
frá Írak. Fyrsti skóladagurinn er fram
undan og Nadira er frekar kvíðin. Hún
þekkir engan, talar enga íslensku og
hefur áhyggjur af því að geta ekki gert
sig skiljanlega. Hún öfundar litla bróð-
ur sinn sem fær að vera heima áfram
en mamma hennar stappar í hana stál-
inu og þegar í skólann er komið bráir
kvíðinn fljótt af henni. Krakkarnir í
bekknum taka vel á móti henni og eru allir af vilja gerð-
ir að hjálpa henni, bæði að læra íslensku og að finna
upp á einhverju skemmtilegu í frímínútum. Dagurinn
er furðu fljótur að líða og í lok hans er Nadira ánægð