Börn og menning - 2020, Page 30

Góður grunnur til að byggja á
Íslenska myndasögusamfélagið
Í björtu rými á efri hæð Hafnarhússins við Tryggvagötu
sitja tæplega tuttugu unglingar á grunnskólaaldri yfir
teikningum sínum meðan Védís og Atla – tveir ungir,
metnaðarfullir, íslenskir myndasöguhöfundar – fylgjast
með. Krakkarnir vinna hörðum höndum að sameiginlegu
listaverki, myndrænni túlkun á Djáknanum á Myrká.
Verkið er hluti af örnámskeiði í myndasögugerð á vegum
hins nýstofnaða Íslenska myndasögusamfélags og verða
myndirnar sýndar á stuttri listasýningu í Hafnarhúsinu.
Sagan hófst haustið 2019. Í september hélt lítill hóp-
ur myndlistafólks í leiðangur frá Reykjavík til Helsinki
í Finnlandi. Í hópnum var listafólkið Edda Katrín
Malmquist, Einar Valur Másson, Elísabet Rún og Vé-
dís Huldudóttir, öll með brennandi áhuga á mynda-
sögum sem listformi og sögumiðli. Fyrir hópnum fór
Atla Hrafney, myndasöguritstjóri sem undirbjó leið-
angurinn í samstarfi við finnska kollega sína. Hópurinn
kallaði sig Elves at the Airport („Álfar á flugi“). Mark-
mið ferðarinnar var að kynnast
finnskum myndasöguhöfundum
og skapa nýjar myndasögur í
samstarfi við þá.
Þegar heim var komið hafði
hópurinn meðferðis fjórar glæ-
nýjar myndasögur byggðar á
finnskum og íslenskum þjóð-
sögum en ferðin bar ávöxt von-
um framar: Meðan á henni stóð fengu Íslendingarnir
að kynnast starfsemi finnska myndasögusetursins í
Helsinki og sáu möguleikana á slíkum vettvangi á Ís-
landi. Í október hittust svo þau Atla, Védís og Einar
Valur yfir kaffibolla og lögðu á ráðin. Upp reis Íslenska
myndasögusamfélagið (ÍMS).
Á sínu fyrsta starfsári bauð ÍMS upp á myndasögu-
námskeið fyrir unglinga á aldrinum 12-15 ára þar sem
stiklað var á stóru um gerð myndasagna. Nemend urnir
unnu í sameiningu að aðlögun Djáknans á Myrká í
myndasöguform. Þar lærðu þeir að greina helstu takta
sögunnar, skýra myndframsetningu og sameiginlega
framsögutækni. Í lok námskeiðsins fengu allir þátttak-
endur prentað hefti af endanlegri gerð sögunnar.
Vorið 2020 byrjaði ÍMS af krafti með kynn-
ingarheimsóknum til menntaskóla á höfuðborgar-
svæðinu en þurfti fljótt að draga saman seglin vegna
COVID-19 faraldursins. Þegar faraldurinn virtist í
rénun um sumarið útbjó ÍMS ratleik og örnámskeið
um Laugardalinn í samstarfi við
Barnamenningarhátíð Reykja-
víkur. Ratleikurinn var hannað-
ur með yngra áhugafólk í huga
(8-12 ára) og kenndi skipulag
myndasögu frá handriti til
lokaútgáfu. Hér gafst nemend-
um tækifæri til að spreyta sig
með eigin söguefni í örstuttri
Þar lærðu þeir að greina
helstu takta sögunnar,
skýra myndframsetn-
ingu og sameiginlega
framsögutækni.