Bændablaðið - 27.01.2022, Side 14

Bændablaðið | Fimmtudagur 27. janúar 202214
Umhverfis-, orku- og loftslag s-
ráðherra, hefur skipað starfs hóp
um raforkuöryggi. Á hópur inn
meðal annars að skoða vald heim-
ildir opinberra aðila og úrræði til að
tryggja fullnægjandi raforkuöryggi.
Breyting var gerð á raforkulögum
á vorþingi 2021 með það að mark­
miði að tryggja raforkuöryggi.
Breytingarnar kveða m.a. á um
gerð reglugerðar um viðmið fyrir
fullnægjandi raforkuöryggi, sem
og mat á fullnægjandi framboði á
raforku.
Ráðherra kallaði eftir tilnefn­
ingum í upphafi árs og hefur starfs­
hópurinn, sem ráðherra hefur nú
skipað, það hlutverk að vinna tillögu
að reglugerð um raforku öryggi.
Hópurinn á að veita yfirsýn
á heild sölumarkaði raforku og
skil greina öryggismörk um full­
nægjandi framboð raforku og heim­
ildir Orku stofnunar til að grípa inn í
til að tryggja að framboð geti mætt
eftir spurn.
Guðlaugur Þór Þórðarson
um hverfis­, orku­ og loftslags­
ráðherra, segir í tilkynningu á
heima síðu umhverfis­ og auðlinda­
r áðu neytisins afar mikilvægt að fá
yfirsýn yfir raforkumarkaðinn og
að tryggja raforkuöryggi, ekki hvað
síst raforkuöryggi íslenskra heimila.
„Það var eitt af mínum fyrstu
verkum eftir að ég kom í umhverfis­
og auðlindaráðuneytið.“
Formaður starfshópsins er Halla
Hrund Logadóttir orkumálastjóri.
Aðrir sem starfshópinn skipa eru:
Breki Karlsson, f.h. Neytenda­
samtakanna, Friðrik Friðriks ­
son, f.h. HS Orku hf., Kristín
Linda Árnadóttir, f.h. Lands­
virkjunar, Svandís Hlín Karlsdóttir,
f.h. Landsnets hf., Tryggvi
Felixson, f.h. umhverfis­ og nátt­
úruverndarsamtaka, Þrándur
Sigurjón Ólafsson, f.h. Orku
náttúrunnar ohf., Hanna Björg
Konráðsdóttir, hjá Orkustofnun,
og Magnús Dige Baldursson, hjá
umhverfis­ og auðlindaráðuneytinu.
Starfshópurinn á að skila ráðherra
drögum að reglugerð fyrir 15. mars
2022. /VH
FRÉTTIR
Umhverfis- og auðlindaráðuneytið:
Starfshópur um raforkuöryggi
Starfshópurinn á að skila ráðherra drögum að reglugerð fyrir 15. mars 2022.
Tilgangur reglugerðarinnar er að tryggja velferð og heilbrigði allra alifugla
með góðri meðferð, umhirðu og aðbúnaði.
Atvinnuvega- og nýsköpunarráðuneytið:
Ný reglugerð um velferð alifugla
Sjávarútvegs- og landbúnaðar-
ráðherra hefur undirritað
reglugerð um velferð alifugla,
en tilgangur reglugerðarinnar er
að tryggja velferð og heilbrigði
allra alifugla með góðri meðferð,
umhirðu og aðbúnaði.
Ný reglugerð byggir á samstarfi
vinnuhóps þar sem sæti áttu
fulltrúar alifuglabænda, Dýra­
verndar sambands Íslands og
Matvælastofnunar.
Með nýrri reglugerð eru meðal
annars gerðar eftirfarandi kröfur:
• Hámarksþéttleiki fugla á
aðgengilegu gólfsvæði í
eldishúsum skal ekki fara yfir
39 kg/m². Heimild MAST til
undanþágu er felld brott.
• Óheimilt er að snúa alifugla
úr hálslið án undangenginnar
deyfingar, sem felst í að rota
fuglinn með höggi og svipta
hann þannig meðvitund.
• Óheimilt er að bera slátur­
kjúklinga og aðra fugla í
samsæmilegri þyngd af
tegundinni Gallus gallus á
öðrum fæti.
• Umráðamanni alifugla ber
að tilkynna Matvælastofnun
um fyrirhugaða starfsemi eigi
síðar en 30 dögum áður en
starfsemi hefst, í stað þriggja
mánaða, eins og samkvæmt
eldri reglugerð. Breytingin er
í samræmi við reglugerðir um
velferð annarra dýrategunda.
• Umráðamanni alifugla sem
nota á við gerð auglýsinga,
kvikmynda, leiksýninga eða
við aðrar aðstæður og/eða í
umhverfi sem alifuglum er
ekki eðlilegt, ber að tilkynna
Matvælastofnun um fyrirhugaða
notkun eigi síðar en 10 dögum
áður en áætluð notkun fer fram.
Breytingin er í samræmi við
reglugerðir um velferð annarra
dýrategunda.
• Umráðamaður eða eigandi
fugla skal tilkynna til Matvæla­
stofnunar um fyrir hugaða
aflífun á fuglahópum sem í eru
250 alifuglar eða fleiri.
Reglugerðin var sett í Samráðsgátt
stjórnvalda þann 5. nóvember
síðastliðinn. Tvær umsagnir bárust.
Ráðherra hefur einnig ákveðið að
skipa starfshóp sem verður falið
að koma með tillögur að aukinni
velferð alifugla. /VH
Skútustaðahreppur og Þingeyjarsveit:
Velja nýtt nafn á sameinað sveitarfélag
Til stendur að velja nafn á sameinað
sveitarfélag Þingeyjarsveitar
og Skútustaðahrepps. Rafræn
hugmyndasöfnun mun fara
fram þar sem öllum gefst kostur
á að senda inn tillögur að heiti
nýja sveitarfélagsins. Jafnframt
verður hugmyndum safnað
meðal nemenda í grunnskólum
sveitarfélaganna.
Í framhaldinu verður rafræn
skoðanakönnun sem verður
leiðbeinandi fyrir nýja sveitarstjórn
sem tekur endanlega ákvörðun
samkvæmt lögum. Gert er ráð fyrir
að 5 til 10 hugmyndir verði sendar
örnefnanefnd til umsagnar og skilar
hún rökstuddu áliti innan þriggja
vikna frá því erindið berst. Efnt
verður til skoðanakönnunar meðal
íbúa sveitarfélagsins þegar umsögn
hefur verið skilað og þá á þeim
nöfnum sem hlotið hafa samþykkt
nefndarinnar. /MÞÞ
Um 70 bændur í Suður-Þing. óskuðu sameiginlega eftir tilboðum í áburð:
Tilboð frá Spretti metið hagstæðast
af um helmingi bændanna
– Bændur vilja kaupa um 1.400 tonn en eru svekktir yfir tilboðum sem bárust
„Við erum frekar svekkt yfir
að ekki hafi borist hagstæðari
tilboð í svo stóran pakka,“ segir
Ari Heiðmann Jósavinsson,
bóndi í Miðhvammi í Aðaldal.
Um 70 bændur í Suður-
Þingeyjarsýslu óskuðu eftir
tilboði í áburðarkaup sín, í
allt um 1.400 tonn á áburði að
verðmæti allt að 180 milljónir
króna.
Óskað var eftir tilboðum frá
fimm áburðarsölum og bárust þrjú
tilboð. Þeir sem buðu í pakkann
voru Sprettur, í eigu Skeljungs,
og norðlensku fyrirtækin Bústólpi
og Búvís. Yara bauð óbreytta og
gildandi verðskrá og Lífland sendi
ekki inn tilboð.
Bjóða fleira út síðar
„Við höfum verið með rafræna
fundi og niðurstaðan er sú að rétt
yfir helmingur þykir boð Spretts
hagstæðast,“ segir Ari og bendir
á að áburðarsalar hafi nefnt að
tilboðsins hafi verið óskað of
seint, lítið væri hægt að hreyfa sig
á þessum tíma.
„Við verðum fyrr á ferðinni
næst, því bændur hér um slóðir eru
ákveðnir í að halda áfram að leita
hagstæðra kjara í sameiningu.“ Ari
segir að næst verði hugað að því að
bjóða út olíu og eins séu menn að
leita leiða til að ná fram betra verði
fyrir sauðfjárafurðir næsta haust. –
„Við erum hvergi nærri hætt.“
Ákall
Ari segir að áburður hafi hækkað
gríðarlega milli ára og það að 70
bændur taki sig saman og leiti
hagstæðra tilboða sé ákall. Öll
aðföng hafi hækkað umtalsvert
undanfarna mánuði, áburður
sýnu mest, en einnig megi nefna
rúlluplast, olíu, tryggingar og vexti.
„Mér finnst líklegt, úr því við
erum komin af stað, að við höldum
áfram á sömu braut og leitum bestu
boða,“ segir hann.
Horfa fyrst og fremst á verðið
Þótt bændur séu svekktir yfir að
hafa ekki fengið hagstæðari tilboð
segir Ari að það sé mikill sigur í því
fólginn að hafa náð samstöðunni.
Áburðarkaup hafi um tíðina
verið viðkvæm og bændur haldið
fylgispekt við ákveðnar tegundir
og áburðarsala.
„Þetta er svolítið eins og
trúarbrögð og því er þetta mikill
áfangi að hafa náð mönnum saman.
Hækkunin er svo gríðarleg núna að
menn horfa fyrst og fremst á verðið,
menn eru komnir á þann stað að
þurfa að velja það ódýrasta.“ /MÞÞ