Bændablaðið - 27.01.2022, Qupperneq 58

Bændablaðið | Fimmtudagur 27. janúar 202258
MATARKRÓKURINN
LÍF&LYST – BÆRINN OKKAR
Fjölskyldan í Sigtúni flutti þangað
í október 2020 og tók við flottu búi.
Fyrir það voru þau með sauðfjár-
búskap á Snæfellsnesinu. Kýrnar eru
þeim þó ekki ókunnugar þar sem
þau voru einnig með kýr fram til
ársins 2016.
Býli: Sigtún.
Staðsett í sveit: Eyjafjarðarsveit.
Ábúendur: Systkinin Steinar
Haukur og Rannveig Þóra ásamt
foreldrum. Steinar býr með kærustu
sinni, henni Elíu Bergrós, í gamla
bænum en Rannveig býr innar i
firðinum með Valdemar Níels,
kærasta sínum.
Stærð jarðar? Á Sigtúnum eru um
80 hektarar ræktaðir en alls er jörðin
í kringum 305 hektarar.
Gerð bús? Á búinu erum við með
mjólkurframleiðslu á einum mjalta-
þjóni og nautaeldi.
Fjöldi búfjár og tegundir? Hér eru
um 60 mjólkandi kýr og um það bil
100 gripir í uppeldi. Svo eru hér líka
10 hross.
Hvernig gengur hefðbundinn
vinnudagur fyrir sig á bænum?
Svona yfir vetrarmánuðina er auð-
vitað aðeins rólegra hjá okkur, þá
erum við að sinna helstu verkum,
mjöltum, gjöfum og þrifum í fjósinu.
Svo þess á milli eru bara tilfallandi
verkefni eins og viðhald og annað.
Vor- og sumartíminn eru auðvitað
annasamir með vorverkum og hey-
skap.

Skemmtilegustu/leiðinlegustu
bústörfin? Heyskapurinn „slær“
alltaf í gegn en okkur finnst þetta nú
allt saman skemmtilegt en auðvitað
eru verkefnin mis-
skemmtileg.
Hvernig sjáið þið
búskapinn fyrir
ykkur á jörðinni
eftir fimm ár? Með
svipuðu sniði og
vonandi einhverri
uppbyggingu á
byggingum og þess
háttar.
Hvar teljið þið að
helstu tækifærin
séu í framleiðslu á
íslenskum búvör-
um? Framleiða gæðavöru sem
neytandinn getur treyst alla leið að
diski.
Hvað er alltaf til í ísskápnum?
Ískalt coca cola, annars er það mjög
venjulegt, smjör ostur og það.
Hver er vinsælasti maturinn á
heimilinu? Kjöt, sama af hvaða
skepnu það kemur.
Eftirminnilegasta atvikið við
bústörfin? Við höfum nú bara búið
hér í tæplega eitt og hálft ár en eft-
irminnilegasta atvikið er sennilega
þegar við vorum að reka kvígur og
amma gamla dettur og rúllar niður
eina brekkuna hérna heima. Eftir
það fengu þessar brekkur nafnið
kerlingabrekkur.
Rétt að taka það fram að sú
gamla slasaðist ekki en týndi þó
veipunni sinni.
Sítrónu- og hvítlaukskjúklingasnitsel
með fljótlegri puttanesca-sósu
Stökkt kjúklingasnitsel, borið
fram með sterkri (og fljótlegri)
puttanesca-tómatsósu, er í þessari
ljúffengu máltíð.
Langar þig í eitthvað öðruvísi?
Notaðu þá fisk, kálfakjöt að ítalskri
fyrirmynd – eða svínakjöt – í staðinn
fyrir kjúkling.

Kjúklingasnitsel með fljótlegri
puttanesca-sósu
› 3-4 stórar kjúklingabringur
( skinnlausar)
› 50 g venjulegt hveiti
› 2 stk. egg, þeytt
› 70 g brauðrasp
› Fínt rifinn börkur af 1 sítrónu
› 2 hvítlauksrif, pressuð
› 2 msk. ólífuolía
› 400 g (dós) kirsuberjatómatar
› 130 g svartar ólífur (steinlausar)
› 4 ansjósuflök úr krukku eða dós,
grófsöxuð
› Ný söxuð fersk steinselja (má sleppa)
Aðferð
Hitið ofninn í 220 °C. Notið köku-
kefli til að fletja kjúklingabringurnar
varlega út, á milli tveggja matarf-
ilma, þar til þær eru komnar í um
2,5 sentimetra þykkt. Setjið til hliðar.
Setjið hveiti, egg og brauðrasp í þrjár
aðskildar grunnar skálar.
Haldið brauðraspi aðskildu með
hreinum áhöldum til að koma í veg
fyrir kekki. Blandið fínt rifnum
sítrónuberki og ½ tsk. af pressuðum
hvítlauk út í hveitið og kryddið vel
með salti og pipar. Dýfið kjúklinga-
bringunum fyrst í hveiti, síðan
egginu og að lokum brauðmylsnuna.
Hristið allt umfram af í hvert skipti.
Setjið kjúklinginn á bökunar-
pappírsklædda ofnplötu og dreypið
1 msk. olíu yfir. Bakið í 25 mínútur,
snúið eftir hálfan eldunartímann.
Látið kjúklinginn hvíla í 5 mínútur
áður en hann er skorinn í sneiðar.
Á meðan skal steikja afganginn af
hvítlauknum í olíunni sem eftir er á
pönnu við lágan hita.
Hitið í 2 mínútur og bætið svo
tómötunum, ólífunum og ansjósun-
um út í. Kryddið vel og látið malla
hressilega, hrærið reglulega í, í 15
mínútur (lengur ef þú hefur tíma).
Berið kjúklinginn fram með
puttanesca sósunni, stráið steinselju
yfir (ef það er notað) og skerið sítrón-
una í báta til að kreista yfir ef vill.
Fylltir rjómaostsveppir
Ljúffengur forréttur eða sem
grænmetisréttur, svo nota margir
portobello svepp í stað kjöts í
hamborgaragerð.
› 12 heilir ferskir sveppir, eða 6 stórir
portobello sveppir
› 1 matskeið jurtaolía
› 1 matskeið saxaður hvítlaukur
› 1 pakki rjómaostur, mildaður (má nota
piparost eða sleppa pipar)
› ¼ bolli rifinn parmesanostur
› ¼ tsk. malaður svartur pipar
› ¼ tsk. laukduft
› ¼ tsk. cayenne pipar
Forhitið ofninn í (175 gráður).
Útbúið bökunarplötu með fituúða
eða ögn af olíu.
Hreinsið sveppi með röku pappírs-
handklæði. Brjótið varlega fótinn af
sveppum. Saxið stilkana mjög fínt.
Hitið olíu á stórri pönnu yfir
meðalhita. Steikið saxaða
sveppa afskurðinn og hvítlauk-
inn í heitri olíu þar til raki er
horfinn í um 3 til 5 mínútur,
passið að brenna ekki hvítlauk-
inn. Dreifið sveppa blöndunni í
skál og látið kólna alveg, í um
það bil 10 mínútur.
Hrærið rjómaosti, parmesan-
osti, svörtum pipar, laukdufti
og cayennepipar saman við
sveppastönglana og hvítlauk-
inn þar til það er mjög þykkt og
alveg blandað saman. Notið litla
skeið og fyllið hverja sveppa-
hettu með ríkulegu magni af
fyllingu. Raðið fylltum svepp-
um á tilbúna bökunarplötuna.
Bakið í forhituðum ofni þar
til glóðheitt og vökvi fer að
myndast undir lokunum,
í um 20 mínútur.
Kókoskakódöðlukúlur
Ef fólk vill finna hollari kost þá
mæli ég með því að búa til þessar
döðlukúlur. Kannski hjúpa í bræddu
súkkulaði til að gera aðeins flottari
og þetta er gott til að undirbúa sér-
staklega fyrir Valentínusardaginn
(eða konudaginn).
Þessar kókoskakódöðlukúlur eru
fljótlegar, auðveldar og næringar-
ríkar sem snarl eða eftirréttur. Þau
eru fullkomin fyrir krakka sem vilja
millimál.
› 1 bolli valhnetur
› 1 bolli rifinn kókos
› 1/2 msk. kókosolía, brætt og við stofuhita
› 1 1/3 bolli (12 stk.)
hreinsaðar Medjool-döðlur
› 1 tsk. vanilluþykkni
› 2-3 msk. kakó eða kakóduft
› 1/8 tsk. sjávarsalt
› lítil handfylli mulin frostþurrkuð hindber,
auk fleira til skrauts
› klípa afkardimommudufti, valfrjálst
› rifinn kókos, til skrauts
Bætið valhnetunum og rifnum
kókos í matvinnsluvél. Vinnið þar
til valhneturnar hafa brotnað vel
niður. Bætið restinni af hráefnunum
út í, nema skreytingunni, og vinnið
saman þar til þetta hefur blandast
vel saman, í um það bil 2 mínútur.
Skiptið blöndunni í matskeiðar-
stórar kúlur. Veltið kúlunum upp
úr möluðum frostþurrkuðum
hindberjum og kókoshnetu til að
hjúpa þær.
Lokið og geymið í kæliskáp í að
minnsta kosti 30 mínútur svo olían
geti storknað.
Bjarni Gunnar Kristinsson
matreiðslumeistari
bjarnigk@gmail.com
Sigtún