Bændablaðið - 07.04.2022, Qupperneq 14

Bændablaðið | Fimmtudagur 7. apríl 202214
Rúmlega 16 milljónum króna hefur
verð úthlutað vegna verkefna af
ýmsu tagi í Grímsey. Úthlutunin er
úr verkefninu Glæðum Grímsey
sem er byggðaþróunarverkefni
innan Brothættra byggða sem
Byggðastofnun stendur að.
Að þessu sinni var um að ræða
tvöfalda fjárhæð sem kom til
úthlutunar, fyrir árin 2021 og 2022.
Heildarkostnaður við verkefnin
nemur um 55,5 milljónum króna
en sótt var um styrki að upphæð
23,3 milljónir króna en rúmlega 16
milljónir voru til úhlutunar nú og
skiptist féð niður á 12 verkefni. Þetta
er síðasta úthlutun úr sjóðnum því
verkefninu Glæðum Grímsey lýkur
um áramót.
Bætt þjónusta við ferðamenn
Sem dæmi um verkefni má nefna
að Muninn ehf. fékk 2,8 milljónir
króna í verkefni sem snýst um
að bæta þjónustu við ferðamenn
í Grímsey með því að auka og
bæta við framboð afþreyingar
fyrir ferðamenn. Í verkefninu felst
frekari fjárfesting, vöruþróun og
markaðssetning á veitingavagni og
sæþotuleigu.
Þá fékk Háskólinn á Hólum
1,8 milljónir vegna rannsóknar
um ábyrga eyjaferðaþjónustu og
er markmið þess að kanna hver
ímynd Grímseyjar er í hugum
íbúða og annarra. Kvenfélagið
Baugur fékk 1,6 milljónir til að
breyta leikskólanum í Múla í
skrifstofuaðstöðu og markaðssetja
hana til þeirra sem vinna störf án
staðsetningar, einyrkja, frumkvöðla,
rithöfunda og fræðimanna. Baugur
fékk einnig 600 þúsund krónur
til að halda sólstöðuhátíð í júní
næstkomandi en slík hátíð hefur
verið haldin um árabil í eynni.
Hreinsað í kringum vélaverkstæði
Félagið Hellugjögur fékk rúmlega
4,6 milljónir króna vegna verkefnis
sem snýst um að breyta gömlum
stríðsbragga og sambyggðum
húsum sem gegnt hafa hlutverki
vélaverkstæðis undanfarin 20
ár í fjölnota menningarhús. Féð
fékkst til að hefja framkvæmdir
við fyrsta áfanga verksins.
Vélaverkstæði Sigurðar Bjarnasonar
fékk 600 þúsund krónur vegna
hreinsunarátaks, en verkstæðið
hefur starfað í eynni undanfarna
áratugi en færir starfsemi sína nú
til Akureyrar. Verkefnið snýst um að
flokka og flytja allt brotajárn, rusl og
spilliefni í land.
Vöruþróun, menntabúðir og
þættir fyrir ljósmyndara
Mayflor Perez Cajes fékk 800
þúsund krónur í styrk til að halda
áfram að þróa vörur Grímsey
Design, en ætlunin er m.a. að þróa
aðferð til að styrkja svartfuglsegg
sem notuð eru í lampa
Hallgerður Gunnarsdóttir fékk
eina milljón króna í styrk vegna
verkefnis sem snýst um að setja upp
menntabúðir við heimskautsbaug.
Markmiðið er að fjölga í þeim
hópi sem sækir Grímsey heim til
að njóta náttúru og samfélags í
gegnum fjölbreytt námskeið. Einar
Guðmann fékk 800 þúsund krónur
til að framleiða þrjá þætti á ensku
til að vekja athygli á Grímey sem
áfangastað fyrir landslags- og
náttúruljósmyndara. Markmiðið
er að laða sérstaklega að erlenda
ljósmyndara og áhrifavalda.
Vörulína fyrir Grímsey er verkefni
sem Gyða Henningsdóttir stendur
fyrir og hlaut það 700 þúsund
krónur í styrk en það felst í að þróa
vörulínu minjagripa og ljósmynda
sem draga fram einkenni og sérstöðu
Grímseyjar. /MÞÞ
FRÉTTIR
Síðasta úthlutun úr verkefninu Glæðum Grímsey:
Áform um að breyta gömlum
stríðsbragga í menningarhús
Ríflega 16 milljónum króna var úthlutað til 12 verkefna sem unnið verður að
í Grímsey á næstu mánuðum. Mynd / Markaðsstofa Norðurlands
Hjúkrunarheimilið Eyri og Sjúkrahúsið á Ísafirði í bakgrunni.
Mynd / Ásgeir Helgi Þrastarson / HVest.
Hjúkrunarheimilið Eyri á Ísafirði:
Framkvæmdir við 10 viðbótar-
rými hefjast í haust
Hjúkrunarrýmum verður fjölgað
um tíu á Ísafirði í kjölfar þess
að reist verður viðbygging við
hjúkrunarheimilið Eyri.
Samningur á milli heilbrigðis-
ráðuneytis og Ísafjarðarbæjar
hefur verið undirritaður og hefjast
framkvæmdir á komandi hausti.
Gert er ráð fyrir að húsnæðið verði
tekið í notkun snemma árs 2024 og
er áætlaður heildarkostnaður við
framkvæmdina rúmar 550 milljónir
króna. Ríkissjóður greiðir 85%
kostnaðar og bæjarfélagið 15%.
„Það er virkilega ánægjulegt
að undirrita samning eins og
þennan sem felur í sér aukna og
bætta þjónustu við þá einstaklinga
í hópi aldraðra sem þurfa mestrar
umönnunar við. Ég veit að þetta
er kærkomin viðbót fyrir íbúa á
þessu svæði,“ segir Willum Þór
Þórsson heilbrigðisráðherra, sem
greindi frá undirritun samningsins
þegar hann ávarpaði ársfund
Heilbrigðisstofnunar Vestfjarða,
en þetta kemur fram á vef
stjórnarráðsins.
Stækkun í samræmi
við áætlaða þörf
Hjúkrunarheimilið Eyri á Ísafirði
er nýlegt, var tekið í notkun árið
2015. Heimilið var byggt fyrir 30
íbúa en við hönnun þess gert ráð
fyrir möguleika á frekari stækkun
í framtíðinni fyrir tíu íbúa, líkt og
nú hefur verið ákveðið. Stækkunin
er í samræmi við áætlaða þörf fyrir
fjölda hjúkrunarrýma á svæðinu og
forgangsröðun verkefna samkvæmt
framkvæmdaáætlun um byggingu
hjúkrunarrýma til ársins 2024.
Áhersla á að skapa aðstæður sem
líkastar einkaheimilum fólks
Hjúkrunarheimilið Eyri er á
einni hæð og stendur við hlið
sjúkrahúss Heilbrigðisstofnunar
Vestfjarða og er tengigangur á
milli bygginganna. Í því eru þrír tíu
herbergja kjarnar sem hver og einn
tengist sameiginlegu þjónusturými
hjúkrunarheimilisins. Viðbyggingin
mun tengjast miðrýminu á svipaðan
hátt þar sem íbúar njóta félagsstarfs,
iðjuþjálfunar og annarrar þjónustu.
Hönnun og skipulag heimilisins
er byggð á þeirri hugmyndafræði
sem fram kemur í opinberum
viðmiðum um skipulag og starfsemi
hjúkrunarheimila. Áhersla er lögð á
að skapa aðstæður sem líkjast eins
og kostur er húsnæði, skipulagi
og aðstæðum á einkaheimilum
fólks, í vistlegu umhverfi þar sem
mannréttindi, mannúð og virðing eru
í heiðri höfð. /MÞÞ
Karl Jónsson, formaður UMF Samherja, og Jón Stefánsson, oddviti í
Eyjafjarðarsveit, handsala samninginn. Mynd / Eyjafjarðarsveit
Eyjafjarðarsveit og UMF Samherji:
Nýr samningur um samstarf
Nýr samstarfssamningur milli
Eyjafjarðarsveitar og Ungmenna­
félagsins Samherja hefur verið
undirritaður, en hann fjallar um
samskipti samning saðila, notkun
íþrótta mannvirkja, styrkveitingar
sveitar félagsins og önnur sameig­
inleg hagsmunamál.
Markmið samningsins er að
tryggja áframhaldandi öflugt
íþrótta- og æskulýðsstarf ungmenna-
félagsins. Félagið heitir því að
hvetja börn og unglinga til þátttöku
í íþrótta- og æskulýðsstarfi og veita
þeim greiðan aðgang að félaginu og
því starfi sem á hverjum tíma fer
fram á vegum þess. Sveitarfélagið
leggur samkvæmt samningnum til
aðstöðu í íþrótta miðstöð, sundlaug
og öðrum íþróttamannvirkjum
á svæðinu og fær Samherji
gjaldfrjálsan aðgang að ákveðnum
tímafjölda fyrir sína starfsemi. Að
auki fær félagið eina milljón króna
ár hvert í rekstrarstyrk.
Með þessum nýja samningi
vonast ungmennafélagið til þess að
verða minna háð en áður velgengni
Handverkshátíðar, en sú hátíð
hefur fallið niður tvö ár í röð með
umtalsverðum afleiðingum á fjárhag
félagsins. /MÞÞ