Bændablaðið - 07.04.2022, Side 34

Bændablaðið | Fimmtudagur 7. apríl 202234
LÍF&STARF
Skeifunni 3h ll Sími: 588 5080 ll dynjandi.is
FRISTADS er ný vinnufatalína hjá
Dynjanda. Fallegur og vandaður
fatnaður sem hentar íslenskum
aðstæðum afar vel.
Kíktu í vefverslun okkar dynjandi.is Verkfræðistofan Efla hefur lagt
fram umhverfismatsskýrslu
þar sem lagt er mat á möguleg
umhverfisáhrif vegna breytinga
á eggjabúi Stjörnueggja að Vallá á
Kjalarnesi og fjölgunar varpfugla
á búinu.
Byggt verður nýtt eldishús og
það útbúið „Aviary“ varpbúnaði.
Breytingarnar eru liður í því að
uppfylla breytta ESB löggjöf um
bættan aðbúnað varpfugla. Með
nýjum aðbúnaði verða varpfuglar
fluttir fyrr í varphúsin og eru þar
í aðlögun í 4–5 vikur áður en þeir
byrja að verpa. Af þeim sökum
er þörf á auknum fjölda stæða fyrir
fugla.
Með nýja varpbúnaðinum
eykst aðgengilegt svæði fyrir
fuglana, svo hægt verður að fjölga
stæðum fyrir varpfugla úr 50.000
í 95.000. Framleiðslugeta búsins
mun að einhverju leyti aukast en
þó ekki í hlutfalli við aukinn fjölda
stæða. Umhverfismatsskýrslan er
aðgengileg hjá Skipulagsstofnun en
athugasemdir eiga að vera skriflegar
og berast eigi síðar en 17. maí 2022
til Skipulagsstofnunar. /MHH
Til stendur að fjölga varphænunum á búinu úr 50 í 95 þúsund. Mynd / MHH
Stjörnuegg á Kjalarnesi:
Varpfuglum fjölgað úr 50
þúsund í 95 þúsund
Dr. Hólmfríður Sveinsdóttir ráðin nýr rektor Háskólans á Hólum:
Tækifæri í forystuhlutverki háskóla
„Háskólinn á Hólum er lítill
háskóli með mikla sérstöðu.
Snerpa og sterk tenging við
atvinnu líf geti verið hans helstu
styrk leikar,“ segir dr. Hólmfríður
Sveins dóttir, nýskipaður rektor
Háskól ans á Hólum.
Áslaug Arna Sigurbjörnsdóttir,
ráðherra háskóla, iðnaðar og
nýsköpunar, tilkynnti skipun
Hólmfríðar til fimm ára frá og með
1. júní nk. á starfsmannafundi á
Hólum þann 31. mars sl.
Í takt við nýja stefnumótun
„Það gladdi mig að heyra áherslur
ráðherra á að háskólar yrðu settir
í forgrunn við uppbyggingu
nýsköpunar. Háskólum er þar falið
mikið forystuhlutverk sem gefur mér
byr í seglin fyrir starf okkar fram
undan,“ segir Hólmfríður.
Fyrsta verk Hólmfríðar í starfi
er að kynnast starfsemi háskólans
betur og fólkinu sem að honum
stendur. Um 350 nemendur nema
við Háskólann á Hólum í þremur
deildum. „Skólinn er nýbúinn að
fara í gegnum stefnumótun. Rauði
þráðurinn þar er áhersla á rannsóknir
og nýsköpun í samstarfi við þær
atvinnugreinar sem snerta fræðasvið
skólans og til að byggja undir það
var búin til ný staða sviðsstjóra á því
sviði hér við skólann.“
Matvælaframleiðsla í vatni
mun bera uppi fæðuöryggi
Með það í huga sér Hólmfríður mikil
tækifæri í að stækka fiskeldis- og
fiskalíffræðideildina. „Þetta er eini
skólinn á Íslandi sem kennir fiskeldi
en ég tel að matvælaframleiðsla í
vatni muni bera uppi fæðuöryggi
í heiminum í framtíðinni. Með þá
reynslu, þekkingu og sögu sem
skólinn hefur nú þegar á þessu
sviði er áskorun að stækka og efla
það fræðasvið, t.d. í sambandi við
þörungarækt.“
Hestafræðideildina sér Hólm-
fríður verða vagga þekkingar á
íslenska hestinum. „Við þurfum að
festa Háskólann á Hólum enn frekar
í sessi sem megin þekkingar- og
rannsóknarmiðstöð fyrir íslenska
hestinn í heiminum.“
Þá séu enn mikil tækifæri fyrir
ferðamáladeildina í að vera enn
meiri þátttakandi í nýsköpun í
ferðamennsku. „Ég sé til dæmis
mikil tækifæri í þekkingarþróun
á útivistarferðamennsku, eins og
þekkist á Tröllaskaga.“
Doktor í matvælafræði
Hólmfríður er með meistaragráðu
í næringarfræði og doktorsgráðu í
matvælafræði. Hún hefur starfað sem
verkefnastjóri hjá Matís og Genís á
Siglufirði. Árið 2013 tók Hólmfríður
að sér framkvæmdastjórastöðu
Rannsókna og þróunar hjá FISK
Seafood á Sauðárkróki og vann þar
til ársins 2019. Hólmfríður byggði
m.a. upp fyrirtækin Iceprotein og
PROTIS en PROTIS var fyrsta
íslenska fyrirtækið sem þróaði og
markaðssetti íslenskt fiskprótín og
fiskkollagen á Íslandi. Hólmfríður
hefur starfað sl. tvö ár í eigin
fyrirtæki, Mergur Ráðgjöf, þar sem
hún stýrir nýsköpunarverkefnum á
ýmsum sviðum fyrir fyrirtæki og
sveitarfélög í samstarfi við háskóla.
Hólmfríður er fædd og uppalin
í Skagafirði. Hún er gift Stefáni
Friðrikssyni dýralækni og eiga þau
þrjú börn, Friðrik Þór, Herjólf Hrafn
og Heiðrúnu Erlu. Hólmfríður og
Stefán búa í Glæsibæ í Skagafirði
þar sem stunduð er hrossarækt
og ferðaþjónusta í samstarfi við
Ragnheiði og Friðrik, foreldra
Stefáns. Þar fyrir utan rekur Stefán,
ásamt tveimur öðrum dýralæknum,
Dýraspítalann í Glæsibæ, sem sinnir
þjónustu við eigendur gæludýra,
hesta og nytjadýra á svæðinu.
/ghp
Nýr rektor Háskólans á Hólum er, eins og margir Skagfirðingar, hestakona.
Hólmfríðar Sveinsdóttur bíður það verk að fylgja eftir áherslum stefnumótunar
skólans á rannsóknir og nýsköpun. Mynd / Einkasafn
Áslaug Arna Sigurbjörnsdóttir, ráðherra háskóla, iðnaðar og nýsköpunar,
tilkynnti skipun Hólmfríðar til fimm ára frá og með 1. júní nk. á starfsmannafundi
á Hólum þann 31. mars sl. Mynd / Háskólinn á Hólum
Frá Hólum í Hjaltadal. Mynd / HKr.