Skessuhorn - 04.04.2022, Side 4

MIÐVIKUDAGUR 4. MAÍ 20224
Garðabraut 2a - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til kl. 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 4.110 krónur með vsk. á mánuði. Elli- og örorkulífeyrisþegar greiða
kr. 3.550. Rafræn áskrift kostar 3.220 kr. Rafræn áskrift til elli- og örorkulífeyrisþega er 2.968 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 950 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Gunnhildur Lind Hansdóttir glh@skessuhorn.is
Valdimar K. Sigurðsson vaks@skessuhorn.is
Guðrún Jónsdóttir gj@skessuhorn.is
Auglýsingar og dreifing:
Díana Ósk Heiðarsdóttir auglysingar@skessuhorn.is
Umbrot og hönnun:
Ómar Örn Sigurðsson umbrot@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Þar verður ekki
töluð vitleysan
Blaðið okkar þessa vikuna ber þess glöggt vitni að stutt er í næstu kosningar.
Laugardagurinn 14. maí verður býsna fjölbreyttur. Fyrst dubba landsmenn
sig upp og mæta stroknir og fínir á kjörstað og kjósa sér hreppsnefndir í stór­
um sem smærri sveitarfélögum. Síðar um kvöldið verður lambakjötið grillað
og vonandi fylgst í kjölfarið með þremur systrum raula lag Leiló í Euróvisjón
á Ítalíu. Að vísu þurfa systurnar að komast upp úr milliriðli fyrr í vikunni, en
þar verðum við að vona hið besta. Svo þegar Svíþjóð verður búið að sigra í
keppninni seint um kvöldið fara úrslit að berast úr talningu atkvæða í þess­
um hreppum öllum. Þetta verður því viðburðaríkur og langur dagur. Von­
andi verða veðurguðirnir komnir í betra skap en þeir voru í gær þegar jörð
varð alhvít um allt norðanvert landið.
Ég hef lúmskt gaman að undirbúningi kosninga. Strax á unga aldri varð
ég rammpólitískur og var 16 ára þegar ég tók stöðu með einum frambjóð­
andanum til forsetakjörs. Jafnvel þótt ég mætti ekki kjósa sjálfur fannst mér
þetta afar spennandi. Sama átti við um kosningar til Alþingis, alltaf þótti mér
þetta jafn spennandi. Hreppsnefndarkosningarnar voru svo heldur minna
spennandi, þá var kosið persónukjöri og menn kosnir hvort sem þeim lík­
aði það vel eða illa. Sú verður einmitt raunin í fjórum af níu hreppum hér á
Vesturlandi í vor.
Í fimm sveitarfélögum í okkar landshluta verður kosið á milli lista, sem
ýmist eru tveir, þrír eða fjórir. Listakosningar eru nauðsynlegar þegar
sveitarfélög hafa náð ákveðinni stærð. Ég myndi segja yfir 300 íbúa. Á Snæ­
fellsnesi láta menn tvo lista duga á hverjum stað, þrír eru á Akranesi og fjór­
ir í Borgar byggð. Auk þess að lesa inn greinar frá frambjóðendum fylgist ég
með hvernig þeir reyna með öðrum hætti að ná til kjósenda sinna. Að þessu
sinni fóru öll framboð mjög seint af stað. Listar voru ekki ákveðnir fyrr en
komið var að skilum og stefnuskrár hafa þar af leiðandi látið á sér standa.
Líklega eru flestir núna búnir að leggja línurnar og ákveða hvað þeir standa
fyrir.
Ef að líkum lætur verður raunveruleg kosningabarátta að þessu sinni svona
tíu dagar. Fram til þessa hefur lítið verið að frétta. Einna helst að framboð­
in hafi boðið fjölskyldufólki í grillaðar pylsur eða vöfflukaffi. Ég lenti óvænt
í einni svona grillveislu um daginn og tók eftir því að menn og konur voru
bara komin með býsna góð tök á að grilla SS pylsur og hita brauð á glóðum.
Þetta er náttúrulega talsverður vandi eins og gefur að skilja. Í þessu grillpar­
tíi varð því raunin að frambjóðendur í efstu sætum listans voru allan tímann
uppteknir við grillið svo þeir náðu ekkert að ræða við gestina. Vafalítið hafa
þeir viljað sýna að þeir kynnu sko að grilla pylsur án þess að brenna þær mik­
ið eða sprengja í tætlur. En ég bendi á að grillaðar pylsur og bakaðar vöffl­
ur eru einmitt kjörfæða fyrir svona partí, því það er hreinlega ekki hægt að
klúðra eldamennskunni. En hver segir að frambjóðendurnir sjálfir þurfi að
framkvæma verkið?
Svo núna þegar einungis ein helgi er til kosninga ætla ég að giska á að
neyslumynstrið fari að breytast í þessum boðum. Ekki kæmi mér mikið á
óvart að það sem fram til þessa hafi verið kallað „veitingar“ breytist í „léttar
veitingar“. Ekki er nokkur tilviljun sem ræður að ég veit um að minnsta kosti
þrjú framboð sem hafa sett upp kosningamiðstöðvar á vertshúsum. Létt­
veitingakvöld eru gjarnan haldin að kvöldi til þegar skyggja tekur og fólki
er jafnvel ráðlagt að mæta ekki á bíl, láti skutla sér á staðinn. Til að fá gesti
verður hringt í yngstu fjóra árgangana á kjörskrá og þeim sérstaklega boð­
ið að mæta. Allir vita nefnilega að yngstu kjósendurnir eru svag fyrir „létt­
um veitingum“ sérstaklega ef þær eru ókeypis. Það góða við þessa neyslu­
breytingu er að frambjóðendur þurfa hreint ekki að aðstoða gestina við að
opna flipana á „léttu veitingunum“ og geta einbeitt sér við að ræða við fólkið.
Þar verður ekki töluð vitleysan. Magnús Magnússon
Síðastliðinn fimmtudag var íbúum
í Stykkishólmi boðið til kynningar­
fundar um fyrirhugaða byggingu
atvinnuhúsnæðis Asco Harvest­
er við Nesveg 22a. Að sögn Önnu
Ólafar Kristjánsdóttur fram­
kvæmdastjóra gekk íbúafundur­
inn mjög vel og augljóst að áhugi
og samstaða íbúa um fyrirhugaða
starfsemi er mikil, en á fundinn
mættu um 80 manns. „Við fengum
margar góðar spurningar frá íbú­
um og áhugaverðar umræður sköp­
uðust í framhaldinu. Við finnum
mikinn meðbyr og ósk íbúa er að
vel takist til þar sem þörf á aukinni
atvinnustarfsemi í Stykkishólmi er
mikil,“ segir Anna Ólöf.
Fram til þess hefur Asco Har­
vester einbeitt sér að framleiðslu
sláttuvéla sem bæði geta sleg­
ið sjávar gróður og hreinsað rusl
og annan úrgang sem hleðst upp
á viðkvæmum stöðum. Fyrsti
sláttupramminn frá Asco Harve­
ster var sjósettur í Stykkishólmi
sumarið 2017 og hlaut fyrirtæk­
ið m.a. frumkvöðlaverðlaun SSV
sama ár. Nú snýst beiðni fyrir­
tækisins til Stykkishólmsbæjar um
að fá lóð til að byggja aðstöðu til
vinnslu, rannsókna og kynningar á
framleiðslu þörunga, en einnig um
samstarf við atvinnuuppbyggingu
í Stykkishólmi. Fram kom á fund­
inum að undirbúningur er í gangi
um byggingu að grunnfleti 800 fer­
metra atvinnuhúss. Lóðin stend­
ur í dag auð og þykir henta vel til
þessarar starfsemi.
Að sögn Önnu Ólafar tóku systk­
inin sem stofnuðu fyrirtækið nýlega
upp samstarf við Sæfell sem leitt
er af heimamönnum, bræðrunum
Gunnlaugi og Halldóri Árnason­
um. Þá hefur Sigurður Pétursson
einnig gengið til liðs við hópinn
sem hluthafi og stjórnarformað­
ur, en hann stofnaði og var fram­
kvæmdastjóri fiskeldisfyrirtækisins
Arctic Fish á Vestfjörðum. mm
Kynntu umhverfisvæna öflun og
vinnslu þörunga í Stykkishólmi
Um 80 manns mættu á kynningarfundinn. Ljósm. aók
Sigurður Ingi Jóhannsson inn­
viðaráðherra hefur ákveðið að
synja staðfestingu aðalskipulags­
breytinga í Reykhólahreppi og
Dalabyggð, en bæði þessi sveitar­
félög samþykktu á síðasta ári
breytingar á aðalskipulagi vegna
þriggja vindorkuvera; í landi
Garpsdals í Reykhólahreppi og
jarðanna Hróðnýjarstaða og Sól­
heima í Dalabyggð. Um er að ræða
stefnu um iðnaðarsvæði þar sem
áformað hefur verið að reisa vind­
myllur til raforkuframleiðslu með
allt að 89 MW uppsettu afli í landi
Garpsdals, 130 MW í landi Hróð­
nýjarstaða og 150 MW í landi Sól­
heima. Skipulagsstofnun hafði við
vinnslu og afgreiðslu skipulags­
tillagnanna ítrekað bent sveitarfé­
lögunum á tiltekin atriði sem bæta
þyrfti úr, til að unnt væri að stað­
festa aðalskipulagsbreytingarnar,
sem sveitarfélögin féllust ekki á.
Í frétt á vef Skipulagsstofnun­
ar um málið segir að í desember
síðastliðnum hafi Skipulagsstofn­
un vísað afgreiðslu aðalskipulags­
breytinganna til innviðaráðherra
til ákvörðunar um staðfestingu, en
stofnunin taldi að synja bæri stað­
festingu aðalskipulagsbreyting­
anna þar sem efni og framsetning
þeirra samræmdist ekki lögum um
verndar­ og orkunýtingaráætlun nr.
48/2011 og skipulagsreglugerð nr.
90/2013. Í greinargerð Skipulags­
stofnunar til ráðherra kom fram
að áformuð vindorkuver falla und­
ir lög nr. 48/2011 og að verndar­
og nýtingaráætlun (rammaáætlun)
er bindandi við gerð skipulagsáætl­
ana skv. 7. gr. laganna. Stofnunin
benti á að í 4. mgr. 5. gr. laga nr.
48/2011 kemur fram að virkjunar­
kostir sem rammaáætlun tekur til
og hefur ekki verið tekin afstaða til
í gildandi rammaáætlun skulu lúta
sömu reglum og virkjunarkostir í
biðflokki áætlunarinnar. Umrædd­
ir virkjanakostir eru ekki í gild­
andi rammaáætlun. Jafnframt var
í greinargerð Skipulagsstofnun­
ar beint á að samkvæmt skipulags­
reglugerð skulu svæði í biðflokki
rammaáætlunar skilgreind sem
varúðarsvæði í aðalskipulagi, sbr.
ákvæði n­liðar gr. 4.3.1. og gr.
4.5.3 reglugerðarinnar um sam­
ræmi skipulags og rammaáætlun­
ar og framsetningu skipulagsupp­
drátta.
Í ákvörðun innviðaráðherra er
tekið undir það með Skipulagsstofn­
un að skilgreining iðnaðarsvæðis án
takmarkana samræmist ekki 5. gr.
laga nr. 48/2011 sbr. einnig n­lið
gr. 4.3.1 og gr. 4.5.3 í skipulags­
reglugerð. Einnig að forsenda
þess að unnt sé að staðfesta aðal­
skipulagsbreytingarnar sé að fyrir­
huguð iðnaðarsvæði séu skilgreind
sem varúðarsvæði í aðalskipulagi.
„Ákvörðun ráðherra, dags. 5. apríl
2022, var því að synja staðfestingu
á umræddum breytingum á aðal­
skipulagi Reykhólahrepps og Dala­
byggðar.“ mm
Innviðaráðherra synjar
staðfestingu aðalskipulags­
breytinga um vindorkuver