Skessuhorn - 04.04.2022, Síða 14

MIÐVIKUDAGUR 4. MAÍ 202214
Sjóbirtingsveiðin hefur geng­
ið ágætlega víða, eins og t.d. í
Grímsá í Borgarfirði, Laxá í Kjós
og Leirá í Leirársveit. Bleikjan
er einnig byrjuð að gefa sig eins
og í Hraunsfirði. „Já, þegar fór
að hlýna fór bleikjan að gefa sig
í Hraunsfirðinum,“ sagði Bjarni
Júlíusson um Hraunsfjörðinn
þegar við spurðum um stöðuna.
„Við vorum í Leirá og fengum
þrjá fiska. Konan fékk flottan fisk
í stað númer 7, Holunni. Hann
var 82 sentimetra og var sleppt
aftur,“ sagði Hafsteinn Már Sig­
urðsson um fiskinn, en ágæt veiði
hefur verið í Leirá í vor og veiði­
menn verið að fá fína sjóbirtinga.
„Fiskurinn var að sýna sig víða
um ána. Það var gott veður en sá
stóri tók fluguna Langskegg eft­
ir Örn Hjálmarsson. Þetta var
verulega gaman,“ sagði Haf­
steinn.
Vatnaveiðin er að byrja á fullu,
ísinn var að fara af Hreðavatni í
vikunni sem leið. Þá voru margir
að veiða á Seleyrinni handan við
Borgarnes á föstudaginn síð­
asta; maður við mann. Þar var
sömuleiðis gott veður. Einn og
einn fiskur var að gefa sig á svæð­
inu. gb
Anna Lea Friðriksdóttir með
fiskinn flotta í Leirá.
Ljósm. hms.
Flottur fiskur
úr Leirá
Sæljón, félag smábátaeigenda á
Akranesi, slær tvisvar á ári upp
veislu á hafnarsvæðinu á Akra­
nesi. Í fyrrahaust var þemað t.d.
krabbaveisla, enda grjótkrabbi far­
inn að veiðast í nýtanlegu magni
við strendurnar. Síðastliðinn föstu­
dag voru grillin stór og smá dregin
fram. Á matseðlinum var sitthvað
sem ekki er reglulega á borðum
fólks, og gæti jafnvel flokkast sem
meðafli. Þarna var m.a. að finna
grillaða signa grásleppu og nýja
soðna, en að auki var grillað selkjöt,
hnísukjöt og höfrungakjöt. Þeim
sem ekki vildu bragða á neinum af
þessum eðalréttum bauðst svo að fá
pylsur frá Sláturfélagi Suðurlands.
Sæljón bauð að þessu sinni á
hafnarsvæðið frambjóðendum til
bæjarstjórnar að mæta ásamt fleiri
gestum. Meðal annars var Örn
Pálsson framkvæmdastjóri Félags
smábátasjómanna mættur og þakk­
aði fyrir sig með ávarpi. Jón Ara­
son, sem nýlega flutti á Akranes frá
Þorlákshöfn og rær hér til fiskjar,
tók einnig til máls. Hann þakkaði
Böðvari Ingvasyni, sem rekur Fisk­
markað Snæfellsbæjar á Akranesi,
fyrir einkar liðlega og góða þjón­
ustu við smábátasjómenn. Líkti
hann hafnarsamfélaginu á Akranesi
við DeWalt raftækin, þar sem hægt
væri að fá allar gerðir handverk­
færa, en Böðvar væri eins og raf­
hlaðan sem þyrfti til að knýja þessi
tæki áfram.
Smábátasjómenn á Akranesi og
gestir þeirra áttu ágæta síðdegis­
stund á Akranesi, eins og sjá má á
meðfylgjandi myndum sem fá að
tala sínu máli.
mm
Buðu til grillveislu með óhefðbundnum mat