Skessuhorn - 04.04.2022, Síða 27

MIÐVIKUDAGUR 4. MAÍ 2022 27
Dagur í lífi...

Nafn: Davíð Magnússon
Fjölskylduhagir/búseta: Trúlof­
aður Guðbjörg Soffíu Finsen og
búum við í einu svefnherbergi í húsi
tengdaforeldra minna þangað til
að húsið sem við erum að byggja í
þarnæstu götu verður tilbúið.
Starfsheiti/fyrirtæki: Fram­
kvæmdastjóri og einn af tveimur
eigendum Smiðjunnar Fönix ehf.
Áhugamál: Hef mikinn áhuga á
að standa mig vel í þeim verkefn­
um sem ég tek að mér og skil milli
vinnu og frítíma eru ekki mjög aug­
ljós. En mér finnst ekki leiðinlegt
að horfa á formúlu 1 og fótbolta,
spila pílu og tölvuleiki.
Dagurinn: 28. apríl 2022
Klukkan hvað vaknaðirðu og
hvað var það fyrsta sem þú gerð­
ir? Vaknaði klukkan 06:45 og fór í
sturtu, ekkert snús þennan morgun­
inn.
Hvað borðaðirðu í morgunmat?
Guðbjörg spældi egg fyrir okkur
sem ég borðaði með bestu lyst.
Hvenær fórstu til vinnu og
hvernig? Lagði af stað klukkan
7:30, ég fór á bílnum mínum.
Fyrstu verk í vinnunni? Hitti
strákana í smiðjunni og opnaði svo
verslunina sem við rekum samhliða,
fattaði þá að ég gleymdi varahlut
heima svo ég þurfti að hringja í vin
og biðja hann um að brjótast inn
heima og sækja varahlutinn. Hann
fór inn um bílskúrshurðina og fyrsta
sem hann rekst á er hundaskítur
sem aldraður hundurinn hafði skil­
ið eftir um nóttina. Skemmtilegt að
það þurfti að gerast akkúrat á þess­
um degi.
Hvað varstu að gera klukkan 10?
Milli þess að vera að afgreiða í búð­
inni og sinna daglegum störfum þá
kom í ljós að þessi varahlutur sem
ég gleymdi passaði ekki svo ég fór
í að reyna redda honum vestur sem
fyrst úr Reykjavík.
Hvað gerðirðu í hádeginu? Tók
hádegið aðeins fyrr og fór inn í
Grundarfjörð og ferjaði einangrun­
ina sem var í geymslu upp á lóð með
föður mínum.
Hvað varstu að gera klukkan 14?
Fékk sama vin og fyrr um morgun­
inn til að fara inn í bíl í Grundarfirði
og ná í varahlutinn sem var kominn
vestur. Hann kom með hann upp úr
tvö og þá kom í ljós að hann pass­
aði ekki heldur, back to square one.
Hvenær hætt og það síðasta sem
þú gerðir í vinnunni? Kláruðum
daginn á að gera To­Do lista fyrir
morgundaginn og fórum heim um
klukkan 18:15.
Hvað gerðirðu eftir vinnu? Kíkti
á sökkulinn og sá að það var búið
að klára að einangra hann, fór svo
heim og Ísabella dóttir mín kíkti í
heimsókn.
Hvað var í kvöldmat og hver eld­
aði? Ég grillaði hamborgara fyrir
mig og Ísabellu, Guðbjörg fékk sér
eitthvað hollustufæði.
Hvernig var kvöldið? Fór á tæp­
lega fjögurra tíma fund með fram­
boðslista D og óháðra.
Hvenær fórstu að sofa? Fór að
sofa um miðnætti.
Hvað var það síðasta sem þú
gerðir áður en þú fórst að hátta?
Hugsaði með mér hversu stórkost­
legur dagur þetta væri. Gaman að
takast á við mismunandi áskoranir á
hverjum degi og umgangast duglegt
og hjálpsamt fólk.
Hvað stendur upp úr eft­
ir daginn? Þetta var mjög áhuga­
verður dagur, það sem stendur helst
upp úr er spenningurinn við það að
halda áfram að byggja húsið okkar.
Það er búið að vera stopp í smá tíma
en það er komið af stað núna.
Eitthvað að lokum? Time flies
when you’re having fun.
Framkvæmdastjóra á Hellissandi
Borgarbyggð er landstórt sveitar­
félag sem býður uppá breytilega
búsetumöguleika. Innan Borgar­
byggðar eru misstórir þéttbýl­
iskjarnar, hefðbundnir sveitabæir,
smá býli og sumarhús þar sem fólk
dvelur til lengri og skemmri tíma.
Þessi fjölbreytni í búsetumöguleik­
um býður uppá breytt val fyrir þá
sem hafa hug á að setjast hér að og
er einn af helstu styrkleikum okkar
góða sveitarfélags. Þrátt fyrir það er
þessi þróun einnig ein helsta áskor­
un sveitarstjórnar m.a. í því sam­
hengi hvar eigi að heimila þéttbýli
í dreifbýlinu og hvernig skuli fara
með skipulagsvaldið við þessa þró­
un byggðar því sveitarfélaginu ber
að veita lögbundna þjónustu á sem
jafnastan og bestan hátt.
Borgarbyggð er einnig sérstakt
samfélag að því leyti að hér tvö­
faldast íbúafjöldi yfir sumartímann
sem veldur álagi á innviði og gerir
það erfitt að ná utan um nákvæma
þjónustuþörf. Stórar sumarhúsa­
byggðir eru innan sveitarfélagsins
og hafa þær þróast í gegnum árin
úr því að vera eingöngu sumarhús
yfir í að vera heilsárshús. Þetta veltir
upp þeirri spurningu hvort ekki séu
tækifæri fólgin í því fyrir sveitarfé­
lagið að heimila búsetu í sumarhús­
um sveitarfélagsins. Þannig má með
auðveldari hætti ná utan um það
hversu margir raunverulega búa í
sveitarfélaginu allt árið, við fáum
útsvarstekjur frá þessum íbúum og
munum mögulega bæta nýtingu á
þeirri þjónustu sem þegar er veitt
um allt sveitarfélagið eins og t.d.
skólastarf, skólaakstur, sorphirðu
o.fl. þjónustuþætti sem sveitarfélag­
ið sinnir nú þegar um allt sveitar­
félagið. Fjölgun íbúa með þess­
um hætti ætti því að bæta nýtingu
á þessum þjónustuliðum ef vel tekst
til þar sem t.d. fjölgar í skólabílum
sem þegar eru keyrðir um svæðið,
fjölgar í starfstöðvum skólanna sem
þegar eru reknar og svona er hægt
að halda áfram. Ég tel því rétt að
skoða vandlega kosti þess og galla að
leyfa búsetu í sumarhúsum því ef vel
tekst til, þá gætum við séð töluverða
íbúafjölgun í dreifbýli Borgarbyggð­
ar sem mundi styrkja skólastofnan­
irnar og aðra þjónustu sem miðuð
er við íbúafjölda t.d. heilbrigðis­
þjónustu ásamt því að auka tekjur
sveitarfélagsins.
Ægifögur náttúra ásamt mörgum
af helstu náttúruperlum Íslands ger­
ir það að verkum að ferðaþjónusta
hefur byggst hér upp í mjög langan
tíma. Uppbygging ferðaþjónustu í
Borgarfirði hófst með uppbyggingu
í kringum laxveiði þar sem t.d. er
vitað um enska stangveiðimenn
í Grímsá um 1862. Þjónustu við
ferðalanga á leið í gegnum héraðið
á sér langa sögu enda liggja þjóð­
brautir norður og vestur um sveitar­
félagið. Þannig var Húsafell við­
komustaður ferðamanna fyrr á öld­
um eins og enn í dag, þegar þjóð­
leið milli Norður­ og Suðurlands lá
um Arnavatnsheiði, reglulegar sigl­
ingar til Borgar ness hófust 1897 og
síðan þá hefur þjónusta við ferða­
menn verið ein af aðalatvinnugrein­
um Borgarness. Á seinni árum hef­
ur orðið mikil uppbygging á hót­
elum og gististöðum, uppbygging
verið við náttúruperlur og ýmis
afþreyingarferðaþjónustu byggst
upp á hinum ýmsu stöðum innan
sveitarfélagsins. Fá svæði á Íslandi
búa yfir eins ríkum sagnaarfi eins og
Borgarfjörður og hefur bæði Land­
námssetur og Snorrastofa byggst
upp í kringum sögu héraðsins.
Ferðaþjónustan í Borgarbyggð hef­
ur einungis nýtt lítinn hluta af þeim
tækifærum sem liggja í Borgarbyggð
og bíða eftir að verða nýtt. Við
Sjálfstæðismenn munum leggja okk­
ur fram um að styðja eins og kostur
er við að ferðaþjónustan blómstri í
sveitarfélaginu.
Í Borgarbyggð er gróskumikill
landbúnaður en þrátt fyrir það er
enn mikið af ónýttu eða lítið nýttu
landbúnaðar landi innan sveitar­
félagsins. Nægt heitt vatn er víða
að finna þar sem m.a. hefur byggst
upp talsverð ylrækt. Þessi landgæði
ásamt nálægð við aðalmarkað lands­
ins gerir það að verkun að Borg­
arbyggð er góður kostur til mat­
vælaframleiðslu og ef rétt er á spil­
um haldið þá getur matvæla fram­
leiðsla eflst mikið innan sveitarfé­
lagsins á næstu árum. Innan sveitar­
félagsins er einnig mikið af ónýtt­
um möguleikum til skógræktar og
endurheimts votlendis án þess að
það komi niður á annarri starfsemi.
Borgarbyggð býr vel að því að
vera í nálægð við stór atvinnusvæði
eins og Grundartangasvæðið og höf­
uðborgarsvæðið. Þessi nálægð skap­
ar tækifæri fyrir íbúa Borgarbyggð­
ar að sækja vinnu og afþreyingu
en jafnframt búa í fallegu og kyrr­
látu sveitarfélagi og njóta þess sem
það hefur uppá að bjóða. Breytt­
ir atvinnuhættir með t.d. störfum
án staðsetninga gerir Borgarbyggð
að góðum valkosti fyrir fólk að setj­
ast að í og hafa samt gott aðgengi
að höfuðborgarsvæðinu. Nálægð
Borgarbyggðar við helsta markaðs­
svæði landsins gerir það að verk­
um að sveitarfélagið hentar vel fyrir
ýmsan iðnað þar sem gott aðgengi
að markaði er lykilatriði. Það er því
góður kostur fyrir framleiðslufyrir­
tæki að velja sér stað í Borgarbyggð.
Við sjálfstæðismenn munum leggja
áherslu á að byggt verði á þessum
styrkleikum sveitarfélagsins m.a.
með því að koma á starfi atvinnu­
málafulltrúa sem mun hafa það hlut­
verk að auka til muna samskipti við
atvinnulífið bæði núverandi og þá
aðila sem eru að velta fyrir sér að
hefja starfsemi í sveitarfélaginu.
Í Borgarbyggð eru öll skólastig
frá 12 mánaða aldri upp í dokt­
orsnám sem er einstakt í tæplega
4000 manna samfélagi og má því
með sanni segja að mennta starf­
semi sé stóriðja og fjöregg sveitar­
félagsins. Það er mjög mikilvægt
að hlúa vel að þessu fjöreggi og að
þessar menntastofnanir vaxi, þróist
og dafni í samfélaginu. Staðsetn­
ing starfsstöðva leik­ og grunnskóla
þurfa á hverjum tíma að taka mið af
þörfum samfélagsins sem getur ver­
ið breytilegar eftir því sem byggð og
samfélag þróast og við því þarf að
bregðast á hverjum tíma með hags­
muni samfélagsins að leiðarljósi.
Við í Sjálfstæðisflokknum viljum sjá
háskólana dafna og styrkjast og ætl­
um að efla og bæta starf í leik­ og
grunnskólum sveitarfélagsins og að
taka þátt í að þeir þróist eftir þörf­
um samfélagsins á hverjum tíma og
hverjum stað.
Borgarbyggð er framarlega þegar
kemur að umhverfismálum. Frá­
rennslismálin eru í góðu lagi með
nýlegum hreinsistöðvum á helstu
þéttbýlisstöðunum, Borgarnesi,
Hvanneyri, Reykholti, Varmalandi
og Bifröst. Sorp er sótt á öll heim­
ili í sveitarfélaginu, sorp er flokkað,
búið er að innleiða m.a. brúna tunnu
og hirðingu dýrahræja í dreifbýli.
Góð vatnsveita er í Borgarnesi og
víða til sveita eru vatnsveitur, þó eru
til staðir innan sveitarfélagsins sem
eru í vandræðum með vatn og því
þarf að finna lausn á. En heilt yfir
er staðan góð og mun styðja vel við
eflingu byggðar sem við í Sjálfstæð­
isflokknum höfum trú á að gerist og
ætlum að gera allt sem í okkar valdi
stendur til að byggð eflist.
V i ð
frambjóð­
e n d u r
Sjálfstæðis­
f l o k k s i n s
teljum að
það séu all­
ar forsendur fyrir því að íbúar og
sveitarfélagið Borgarbyggð hugsi
stórt því tækifærin eru í Borgar­
byggð og við í kjörstöðu að nýta
þau. Við Sjálfstæðismenn höfum
mótað stefnu fyrir helstu málefni
sveitarfélagsins fyrir næstu fjög­
ur ár sem mun styðja við samfélag­
ið og vöxt þess. Við ætlum m.a að
leggja áherslu á að fjölga bygginga­
lóðum til úthlutunar, byggja íþrótta­
hús í Borgarnesi og bæta húsnæði
grunnskóla Borgarfjarðar með
nýbyggingu á Kleppjárnsreykjum.
Ég hef búið í Borgarbyggð síðustu
24 ár og á þeim tíma hefur sveitar­
félagið stækkað með sameiningum
og fjölgun íbúa. Miklar breytingar
hafa einnig átt sér stað í atvinnulífi
á svæðinu þar sem oft hefur reynt
á aðlögunarhæfni samfélagsins. Ég
hef mikla trú á Borgar byggð og að
samfélagið haldi áfram að þróast og
hafi þann sveigjanleika sem það hef­
ur haft í gegnum tíðina. Ég tók ann­
að sæti á lista Sjálfstæðisflokksins
til að leggja mitt af mörkum til að
gera góða Borgarbyggð enn betri og
til að styðja við og stuðla að því að
tækifærin sem liggja hér verði nýtt
til hagsbóta fyrir sveitarfélagið og
íbúa þess næstu fjögur árin. Ég óska
eftir stuðningi ykkar í sveitarstjórn­
arkosningunum þann 14 maí með
því að þið kæru kjósendur í Borgar­
byggð setjið X við D.
Sigurður Guðmundsson
Höf. skipar 2. sætið á lista Sjálfstæð-
isflokksins í Borgarbyggð
Pennagrein
Hugsum stórt