Sjómannablaðið Víkingur - 01.01.2012, Blaðsíða 12

12 – Sjómannablaðið Víkingur
Engill dauðans
– þetta er vinnan hans –
Engill dauðans heitir Azrael og er sagður hafa fjögur þúsund
vængi og sjötíu þúsund fætur en augu jafnmörg jarðarbúum.
Depli Azrael einhverju sinna mörgu augna, táknar það að nú
hafi einhver látist. Það er hann sem heldur Lífsins bók yfir
fæðingar allra manna og þegar hann strikar út eitthvert nafnið
deyr viðkomandi. Hann er hins vegar sjálfur valdalaus um það
hvenær menn deyja, en fregnar af því með því að laufblað með
nafni hlutaðeigandi feigs manns fellur af trénu sem sprettur
upp neðan við hásæti Drottins. Þá les Azrael nafnið og sá sem
það ber er allur, eftir fjörutíu daga - oft fjörutíu daga mótþróa -
því einhverra hluta vegna halda menn undarlega fast í lífið.
Þetta gerir engill dauðans án allrar illsku en einnig án hlut-
tekningar, því þetta er vinnan hans.
Vökuenglar
– höfðu samfarir við dætur manna
Það eru til óljósar sagnir um þá
tegund engla sem kallaðir voru
nefílar, eða vökuenglar. Sagan
segir að Adam og Evu hafi búnast
illa fyrstu árin á jörðinni enda
kunnu þau ekkert til verka.
Sjálfsskipuð hjálparsveit engla
flögraði þá niður til jarðar í því
skyni að kenna þeim helstu hand-
brögð við landbúnað og vefnað.
Þó að kynferði engla sé nokkuð á
reiki, þá var hér ótvírætt um há-
vaxna karlengla að ræða. Fyrsta
Mósesbók er fáorð um þetta
vandræðamál en þar segir: „Á
þessum tímum voru risarnir á
jörðinni, og einnig síðar, en synir
Guðs höfðu samfarir við dætur
mannanna og þær fæddu þeim
sonu ... “
Þessi hjálparsveit englanna
naut lystisemda á jörðu sem ekki
voru tiltækar á himnum, en það
er haldið að það hafi einkum
verið dætur Kains sem þeir
lögðust með, en þær voru laus-
látar, enda erfðaefnið frá föðurn-
um slæmt. Hinir risavöxnu kyn-
blendingar engla og manna urðu
til vandræða, ekki síst af því þeir
tóku að aféta mannkynið og loks
þegar önnur matvara var uppurin
átu þeir mennina sjálfa. Þeir
munu þó flestir hafa farist í
Syndaflóðinu. Golíat var líklega hinn síðasti af þessari tegund,
en stærð hans má marka af því að einn jaxl úr honum, sem
lengi var til í evrópskri kirkju, vó ein sex kíló.
Kynferði engla
– vandræðamál –
Um kynferði engla er annars það að segja, að af gömlum mynd-
um má ráða, að framan af voru þeir flestir ungir og vængjaðir
karlmenn. Síðar tóku listamenn að veigra sér æ meira við að
kyngreina þá.
Á endurreisnartímanum voru englar orðnir ákaflega kven-
legir og á barokktímanum voru listamenn hreinlega orðnir svo
feimnir við að taka afstöðu til þess hvors kyns englar væru, að
þeir létu margir duga að mála bara englahaus með vængi út úr
hálsinum en engan búk. Margt bendir þó til að englar líkamnist
í því kyni sem þeim sýnist, og það fór ekki milli mála, að engl-
arnir tveir í kvikmyndinni Himininn yfir Berlín voru karlar og
hreint ekki náttúrulausir.
Hvernig þekkja skal engla á útliti þeirra
Helsta útlitseinkenni engla eru vængirnir og alla jafnan ferðast
þeir fljúgandi. Halldór Laxness hefur bent á, að einungis tvær
tegundir fljúgi lóðréttar og það séu
annars vegar jötunuxar en hins
vegar englarnir. Það verður að
játast, að flughæfni engla hefur
valdið hugsandi mönnum nokkr-
um heilabrotum. Séu þeir úr ljósi,
anda eða einhverju ámóta léttu
efni, hafa þeir svosem enga eðlis-
þyngd og þurfa ekki á vængjunum
að halda. Séu pundið í þeim aftur á
móti álíka þungt og í mannfólki,
þá þyrftu þeir ekki einasta vængi á
stærð við Beechcraftflugvélar held-
ur bringubein á stærð við fíl. Þetta
er ein af mörgum gátum sem enn
eru óleystar um engla.
Ezekiel hét spámaður meðal
Gyðinga og var uppi á tímum
útlegðarinnar í Babýlon. Hann var
eitt sinn á röltinu á bökkum Kebar-
fljóts að svipast um eftir óorðnum
hlutum, enda var það beinlínis at-
vinna hans. Þá rak hann allt í einu
augun í engla og lýsti þeim á eftir-
farandi hátt í fyrsta kaflanum í
bókinni sinni:
„Stormvindur kom úr norðri og
ský mikið og eldur, sem hnykl-
aðist saman, og stóð af því
bjarmi umhverfis og út úr honum
sást eitthvað, sem glóði eins og
lýsigull. Og út úr honum sáust
myndir af fjórum verum ... Hver
þeirra hafði fjórar ásjónur og
hver þeirra hafði fjóra vængi ... Og undir vængjum þeirra á
hliðunum fjórum voru mannshendur. Og ásjónur þeirra
fjögurra og vængir ... sneru sér ekki við er þær gengu,
Jón Björnsson
E N G L A R – Seinni hluti –
Adam og Eva rekin úr Paradís. Olíumálverk eftir Giuseppe Cesari.