Sjómannablaðið Víkingur - 01.01.2012, Blaðsíða 39

Sjómannablaðið Víkingur – 39
Vefnotkun sjómanna eykst stöðugt
og má þar þakka tækniframförum
og vilja útgerða til að bæta félagslegt
umhverfi sjómanna. Netið gefur mönn-
um tækifæri til að vera í sambandi við
ættingja sína sem og t.d. að stunda
fjarnám. Þegar menn hafa að gang að
netinu þá freistast sumir eflaust til að
vera tímunum saman á Facebook en
netið hefur upp á svo margt annað
að bjóða. Síðurnar sem hér verða til
umfjöllunar ættu að gefa ykkur, les-
endur góðir, ánægjulegar stundir við
tölvuna.
Fyrsta síðan er íslensk og er alveg
mögnuð fyrir alla þá sem eru að fylgjast
með aflabrögðum enda heitir hún
Aflafréttir og fleira. Það er Gísli Reynis-
son í Reykjanesbæ sem heldur síðunni
úti og er hún óteljandi uppspretta
upplýsinga. Slóðin á hana er www.
aflafrettir.com og hvet ég ykkur til að
setja hana í uppáhaldssíðustikuna
ykkar.
Ég hef mikið fjallað um sjórán á síð-
unum Utan úr heimi. Víða eru síður sem
eru ætlaðar fyrir sjómenn sem sigla um
hættuleg hafsvæði en á síðunni www.
mphrp.org eru mjög góðar upplýsingar
fyrir bæði sjómenn og aðstandendur
þeirra. Það er þó von mín að enginn
íslenskur sjómaður þurfi á þessum upp-
lýsingum að halda né fjölskyldur þeirra
en gott er að vita af þeim.
Fyrir þá sem hyggjast nota netið til
fræðslu þá er á slóðinni www.seafish-
eacademy.co.uk hægt að prófa þekkingu
sína með ýmsum hætti hvort heldur er í
siglingafræði, vélfræði eða stöðugleika.
Til að gera það þarf að skrá sig inn á
síðuna sem er frítt. Hvet ég þig, lesandi
góður, að láta reyna á þekkingu þína í
sjómannafræðunum. Á öðrum stað í
þeirra vefsíðuumhverfi má finna upplýs-
ingar m.a. um áhættumatsgerð á fiski-
skipum og slóðin þar www.seafish.org/
fishermen.
Lesandi blaðsins hafði samband við
mig fyrir skömmu og benti mér á mjög
áhugavert myndband á YouTube. Um er
að ræða myndband frá 1908 þar sem við
sjáum upptökur frá hvalveiðum um borð
í norskum og írskum hvalveiðiskipum
auk hvalstöðvar í Rusheen Iniskea.
Slóðin á myndbandið er http://www.you-
tube.com/watch?v=X1xHuWppIXU og er
það rúmlega 12 mínútna langt.
Næst skulum við skoða erlenda frétta-
síðu sem færir okkur fréttir af því helsta
sem er að gerast í kaupskipaheiminum.
Síðan, sem er tyrknesk, er mjög öflug
fréttasíða og slóðin á hana er www.se-
anews.com.tr. Hana nota ég mikið til að
fá fregnir af því sem er að gerast í skipa-
heiminum.
Aðra fréttasíðu er að finna á slóðinni
http://naftrade.weebly.com/ þar sem kennir
margra grasa. Þar eiga allir að finna eitt-
hvað við sitt hæfi séu þeir á kafi í kaup-
skipum.
Norðmenn hafa ávallt verið mikil sigl-
ingaþjóð og þar í landi er að finna mörg
áhugamannafélög um skip og skipasögu.
Á slóðinni www.sjohistorie.no hafa menn
sett upp mjög skemmtilega síðu sem
skipt er upp í landssvæði og bak við
hvert svæði er að finna lista yfir fjölda
skipa. Það væri vissulega gaman að sjá
áhugamenn um skipasögu okkar Íslend-
inga taka sig saman um að koma upp
sambærilegri síðu.
Fyrir væntanlegt sumarfrí er ekki úr
vegi að finna sér ferð með kaupskipum
og njóta lífsins án þess að vera upp-
tekin(n) við störf. Á síðunni www.cargo-
lines.biz er hægt að finna sér ferð með
kaupskipum og þá er að finna réttu ferð-
ina.
Ég rakst nýlega á grein um að græn-
landsförin sem hafa hér reglulega við-
komu á leið sinni til Grænlands væru
komin með vefmyndavélar þar sem hægt
er að sjá hvað er að gerast fyrir framan
skip þeirra hverju sinni. Á slóðinni www.
ral.gl/ er flipi þar sem hægt er að sjá
staðsetningu skipanna og ef á þau er
smellt kemur tengill á vefmyndavélina.
Það er óneitanlega forvitnilegt að fylgjast
með þeim á ferðum þeirra yfir Atlants-
hafið í misjöfnum veðrum.
Lokasíðan að þessu sinni varðar
skemmtiferðaskipið Costa Concordia.
Það hefur ekki farið framhjá nokkrum
manni að skipið hefur skráð nafn sitt
rækilega í sögubækurnar ásamt skip-
stjóra sínum Francesco Schettino. Gríð-
arlegt magn af myndböndum er að finna
á vefnum ef slegið er inn leitarorðið
Costa Concordia en þá kemur ekki upp
fjögurra þátta mynd um atvikið þar sem
rætt er við farþega og sýnd myndbönd
sem tekin voru um borð meðan á að-
gerðum við að yfirgefa skipið stóð.
Slóðin á þessa þætti er að finna á http://
www.youtube.com/watch?v=4ncbuHnua6c
Læt ég staðar numið hér að þessu
sinni og vona að þið hafið gaman af.
eftir Hilmar Snorrason skipstjóra