Sjómannablaðið Víkingur - 01.01.2012, Blaðsíða 36

36 – Sjómannablaðið Víkingur
breiddin 6.46 m og dýptin
2,98 m. Í mælibréfi frá 10. maí
1943 er skipið skráð 127 brl.,
sem skiptist þannig: Rými
undir þilfari 110,62 brl. Hálf-
þilfar sem er 8,64 brl. Rúff
sem er 5,49 brl. Kortaklefi
1,85 brl. og eitthvað sem kall-
ast viðbót frá lúku 0,19 brl eða
samtals 126,79 => 127 brl.
Í skipaskránni frá 1944
kemur fram að skipið var end-
urbyggt á því ári. Ekki hefur
tekist, þrátt fyrir nokkra leit,
að hafa upp á hvað hér ná-
kvæmlega er átt við. Vitað er
að á þessu ári var skipt um
yfirbyggingu á skipinu það var
gert í slippnum sem þá var við
Torfunefið, í fjörunni beint fyrir neðan
veitingastaðinn Bautann sem er á horni
Hafnar– og Kaupvangsstrætis á Akureyri.
Þegar skipið kom til landsins var yfir-
byggingin fjarska lítil eins og fram kem-
ur á viðkomandi mynd.
Á árinu 1939 var gufuvélinni, sem var
75 hö, skipt út fyrir 240 hö June Munk-
tel dieselvél. Samkvæmt skipaskránni var
aftur skipt um aðalvél í skipinu 1953 og
þá sett í það 360 hö dieselvél frá Lister.
Nýr eigandi
Eigendaskipti verða á Súlunni 21. nóv-
ember 1910 en þá eignast skipið Thor E.
Túliníus kaupmaður, búsettur í Kaup-
mannahöfn, og Ottó Tuliníus, kaupmað-
ur á Akureyri. Ottó var á þeim tíma
einnig útgerðarmaður. Skipið hélt nafn-
inu Súlan en fékk nýja skráningarstafi
EA-300.
Þegar þeir bræður Ottó og Þórarinn E.
Túliníus kaupa skipið rekur Þórarinn, þá
búsettur í Danmörku, a.m.k. 4 verslanir
hér á landi og annast einnig strandsigl-
ingar hér við land og siglingar milli
landa, aðallega á milli Danmerkur og Ís-
lands en einnig á milli Englands og Ís-
lands.
Fr. Holme, danskur stórkaupmaður,
sem varð aðaleigandi Gránufélagsins við
yfirtöku á skuldum þess, og Þórarinn E.
Tuliníus ákveða að hefja samstarf um út-
gerð og verslun hér á landi og stofna til
þess í september 1912 nýtt hlutafélag,
„Hinar sameinuðu íslensku verslanir“
sem verslanir þeirra á þeim tíma og ann-
ar rekstur rann inn í. Fyrirtækið hafði að
markmiði að reka verslun og fiskveiðar á
Oddeyri við Eyjafjörð, Siglufirði, Haga-
nesvík, Grafarósi, Sauðárkróki, Fáskrúðs-
firði, Reyðarfirði, Eskifirði, Seyðisfirði,
og Borgarfirði Eystra.
Í framhaldinu varð Ottó Tuliníus einn
þriggja framkvæmdastjóra félagsins.
Ekki liggur alveg ljóst fyrir hvert var
hlutverk Súlunnar hjá þessu félagi en
fram kemur í blöðum frá þessum tíma
að því hafi bæði verið beitt til fiskveiða
og flutninga.
Á árinu 1918 keyptu Hinar samein-
uðu íslensku verslanir eina stærstu og
grónustu verslun hér á landi, Ásgeirs-
verslun á Ísafirði, ásamt
útibúum hennar.
Að lokinni fyrri heims-
styrjöld bættust í hópinn
verslanir sem Louis Zöllner,
enskur kaupsýslumaður, hafði
átt hér á landi. Með þessari
sameiningu voru Hinar sam-
einuðu íslensku verslanir
örugglega langstærsta versl-
unarfyrirtækið sem hér hafði
þá starfað, með verslunarrekst-
ur á 20 stöðum í þremur
landsfjórðungum.
Einhversstaðar segir: Allt er
í heiminum hverfult. Rekstur
Hinna sameinuðu íslensku
verslana var hér engin undan-
tekning þar sem kreppan, sem
hófst við lok fyrri heimsstyrjaldar, setti
strik í rekstur þeirra með þeim afleiðing-
um að á árunum 1926-30 missti Þórar-
inn og hans félagar allar eigur sínar.
Þau urðu afdrif Súlunnar EA-300 að
hún fór á uppboð eins og fram kemur
eftirfarandi auglýsingu í Morgunblaðinu
25. júlí 1928:
Ár 1928, laugardaginn 4. ágúst klukk-
an 1 eftir hádegi verður opinbert upp-
boð sett og haldið á Innri-Hafnar-
bryggjunni á Akureyri og þar selt sam-
kvæmt beiðni Landsrætssagförer H.
Vestergaard eimskipið „Súlan“ E.A.
300, eign hlutafjelagsins: Hinar sam-
einuðu íslensku verslanir. Uppboðs-
skilmálar verða birtir á uppboðs-
staðnum.
Akureyri, 14. júlí 1928.
Bæjarfógetinn.
Súlan SU-1 eins og hún leit út á meðan Konráð átti skipið.
Súlan við Torfunefsbryggju á Akureyri.