Sjómannablaðið Víkingur - 01.01.2012, Blaðsíða 18

Kirkjan
Nú var Elfar orðinn atvinnulaus og ekki
í boði vinna í hans nýja heimalandi og
þar af leiðandi var ljóst að alþjóðamark-
aðurinn var það sem framundan yrði.
Hann rakst á auglýsingu frá hollensku
fyrirtæki, Redwise, sem var að leita að
yfirvélstjóra. Hann hafði samband og
áður en varði var hann kominn um borð
í 32 metra langan dráttarbát að nafni
Smit Jaguar í höfninni í Shanghai.
Redwise er fyrirtæki sem sérhæfir sig
í flutningi á skipum undir eigin vélarafli
og á eigin kili eins og þeir auglýsa sig.
Fyrirtækið var stofnað árið 1906 og hef-
ur því starfað í rúm 100 ár. Víða um
heim er verið að smíða skip sem þurfa
að fara langar leiðir en þær áhafnir sem
eiga að taka við skipunum hafa jafnvel
ekki réttindi til að taka skipin heimsálfa
á milli. Þeir flytja allt frá smá áhafna-
bátum upp í risa stórflutningaskip og frá
mótorskipum upp í háhraða ferjur hvert
sem er í heiminum. Einnig útvega þeir
útgerðum áhafnir til lengri eða skemmri
tíma.
Smit Jaguar var eins og áður sagði
dráttarbátur sem hafði verið smíðaður í
Haiphong í Víetnam og var förinni heit-
ið til Rotterdam. Vélstjórinn sem hafði
farið með skipinu frá Víetnam gafst upp
á leiðinni og var því leitað hafnar í
Shanghai til að skipta á vélstjórum. Skip-
ið sigldi reyndar ekki einskipa því syst-
urskip þess, Smit Tiger, var einnig með í
för en þessir dráttarbátar voru hannaðir
til að aðstoða risagámaskip allt að 18.000
TEU’s. Afl þessa báta var það mikið að
tveir svona dráttarbátar ráða við slík skip
í allt að 9 vindstigum en vélarorka þeirra
var 5.420 kW og dráttargeta upp á 100
tonn. Dráttarbátar í þessum stærðar-
flokki eru ekki sparneytnustu skipin sem
völ er á en á hagkvæmnisferð var þeim
siglt á 8 hnúta hraða og var þá eyðsla
7.000 ltr. á klst. Á fullri ferð eyddu þau
hvorki meira né minna en 36.000 ltr. á
klst. Þegar skipin voru komin SV af
Madagaskar á leið sinni til Rotterdam
komu boð frá Redwise um að Smit
Jaguar skyldi snúið við og siglt til
Mumbai. Þar hafði fundist verkefni fyrir
dráttarbátinn og því varð för Elfars ekki
lengri á þessu skipi. Systurskipið hélt
reyndar ferð sinni áfram og átti eftir að
hafa viðkomu í Walvis Bay, heimabæ
Elfars, á leið sinni til Rotterdam.
Ekki leið á löngu áður en næsta verk-
efni kom upp í hendurnar en þá fór
hann sem yfirvélstjóri á hollenskt köfun-
araðstoðarskip, Noorhoek Pathfinder,
sem var við vinnu í Norðursjó og undan
Dráttarbáturinn Belen kominn í Panamaskurðinn.