Bændablaðið - 22.09.2022, Page 37

37Bændablaðið | Fimmtudagur 22.september 2022
Scanice er komið í samstarf við fyrirtækið Lark, einn stærsta framleiðanda á stöðuhýsum og
öðru tilheyrandi. Við bjóðum upp á ýmsar útgáfur húsa til dæmis sérstakra húsa sem hönnuð
eru með ferðaþjónustu í huga. Möguleikarnir eru margir og flestar óskir hægt að uppfylla.
Heyrið í okkur!
Scanice
I n n f l u t t a f
www.scan ice . i s +354-8985469
Vallargata 1, 580 Siglufjörður · s. 898 5469 · info@scaniceexport.com · www.scanice.is
SA-R 3000
5.935.000 + vsk.
- 3000 gallon (13.780L)
- Dekkjastærð 850/50-R30,5
- 14.000L Jurop dæla
- Sjónrör
- LED vinnu- og blikkljós
- 8” slönguberar
- 8” sjálffyllibúnaður
- Gleiðhornadrifskaft
- Fjaðrandi beisli
- Niðurtekinn tankur
- Vökvaskiptir á dælu
- Vökvabremsur
- 2000 gallon (9.547L)
- Dekkjastærð 560/60-22,5
- 11.000L Jurop dæla
- Vökvaskiptir á dælu
- Dráttarauga með snúningi
- Sjónrör
- LED vinnu- og blikkljós
- Gleiðhornadrifskaft
- 6” barki
SA-S 2000
2.990.000 + vsk.
Hrærur: Verð frá 659.000 + vsk.
Dælur: 1.390.000 + vsk.
HUGUM AÐ HAUGNUM
HAUGTÆKI TILBÚIN TIL AFHENDINGAR!
Á Norðurbryggju, menningarhúsi
Íslands, Færeyja og Grænlands
í hjarta Kaupmannahafnar, er
árlega haldin stór hátíð sem
heiðrar prjónaiðnaðinn. Í ár
var prjónahátíðin haldin 9.-11.
september og lögðu um 2.500 manns
leið sína í gamla pakkhúsið.
Skipuleggjendur hátíðarinnar
fyrir hönd Norðurbryggju eru
prjónahönnuður og forstöðumaður
Jónshúss, Halla Benediktsdóttir, og
Ásta Stefánsdóttir, verkefnastjóri á
Norðurbryggju. Áhugasömum gafst
gestum kostur á að skoða fjölda
sölubása þar sem hægt var að kaupa
garn og prjónauppskriftir frá Íslandi,
Færeyjum og Grænlandi, ásamt því
að hitta aðra prjónara og fá alls kyns
innblástur. Meðal annarra var að finna
íslensku merkin Móakot, Einrúm,
Forystusetur, Thelmu Steimann,
Kvíkví, ásamt íslensku garnbúðinni
Garnkiosken, sem staðsett er á Amager
í Kaupmannahöfn
Prjónaganga í gegnum Nýhöfn
Hátíðin hófst á föstudegi kl. 17 með
prjónagöngu frá Nyhavn, í miðborg
Kaupmannahafnar, að Norðurbryggju
á Kristjánshöfn, en í gönguna mættu
um 100 konur sem gengu með prjónana
á lofti eftir götum borgarinnar,
borgarbúum til mikillar gleði.
Blá ull
Á laugardeginum gafst gestum
möguleiki á að hitta Guðrúnu
Bjarnadóttur frá Hespuhúsinu. Guðrún
er líffræðingur og plöntulitunar-
fræðingur, en þennan dag mátti heyra
hana segja frá bláa litnum, sem á
víkingaöld var eingöngu fyrir þá
ríkustu, en einnig gaf Guðrún gestum
sýnikennslu í því hvernig maður litar
með indigo.
Seinna sama dag mátti heyra um
hvers vegna sauðnautsull er svona
einstaklega mjúk og hvernig henni
er safnað, þegar Mia Chemnitz frá
grænlenska framleiðslufyrirtækinu
Qiviut sagði frá. Færeyjar höfðu líka
sitt til málanna að leggja, en Sissal
Kristiansen frá Shisa Brand sagði frá
færeysku ullinni, sem oftar en ekki er
brennd í stað þess að gera úr henni
band. Sissal kallar sig „ullar-aktivista“
og leggur sitt af mörkum til að reyna að
snúa þessari þróun í átt að betri nýtingu
á ullinni.
Forystusauðir og
framúrskarandi peysur
Á sunnudeginum var hægt að fræðast
um ull forystusauðsins, þess einstaka
stofns sem eingöngu er til á Íslandi.
Daníel Hansen, forstöðumaður
Forystuseturs, hélt fyrirlestur fyrir
fullum sal, en hann fræddi gesti
um sérstaka eiginleika forystufjár,
einstaka mýkt og gæði ullarinnar, og
framtíðaráform Forystuseturs hvað
varðar útbreiðslu þekkingar fólks á
forystufé.
Þennan dag komu fleiri Íslendingar
við sögu, en Helga Jóna Þórunnardóttir,
sem starfar sem kennari hjá SKALS,
einum virtasta hannyrðaskóla Dana,
kom fram með nöfnu sinni, Helgu
Isager, en þær hafa nýverið gefið út
fallega bók um vettlingaprjón.
Að lokum gafst gestum tækifæri á
að upplifa hinn óviðjafnanlega íslenska
hönnuð og listamann Ýr Jóhannsdóttur
(betur þekkt sem Ýrúrarí), en hún hélt
skemmtilegan fyrirlestur og námskeið
um það hvernig færa má gamlar
peysur í nýtt horf á afar einfaldan og
húmorískan máta. Endurnýttar peysur
hennar hafa slegið í gegn um allan
heim og hafa verið keyptar af söfnum
í Ameríku, Hollandi og Skotlandi.
/MÞÞ
Ullarmessa:
Íslensk ull á prjónahátíð
í Kaupmannahöfn
Frægð íslenskrar ullar nær út fyrir landsteinana. Mynd / Aðsend
Guðrún Bjarnadóttir frá Hespuhúsinu sagði frá bláa litnum, sem á víkingaöld
var eingöngu fyrir þá ríkustu, auk þess hún var með sýnikennslu í því hvernig
litað er með indigo. Myndir / Helga Jóhannesdóttir
Ullarpeysur af öllum gerðum.